IP: 175.*.*.* Sri Lanka

சகோதரர்கள் மிகக் கவனமாக கையாள வேண்டிய தருணம் இது. ஜனநாயக முறையில் போராடினாலும் உங்களை ஏதாவது சட்டத்தின் கீழ் கைது செய்து உள்ளே அடைத்து விடுவார்கள் ஜாக்கிரதை.

''மூடு டாஸ்மாக்கை மூடு'' என்ற பாடல் பட்டி தொட்டியெல்லாம் ஹிட்டாகி போனதால் ஏற்பட்ட பிரச்சினை எல்லோருக்கும் ஒரு படிப்பினை. காவல் துறை உங்களை கைது செய்தால் அவர்கள் எந்த செக்ஷனிலும் உங்களை உள்ளே தள்ளலாம். ஜனநாயகம் வெங்காயம் என்றெல்லாம் பேசிக் கொண்டிருப்பதில் அர்த்தமில்லை. கோவை குண்டு வெடிப்பில் கைதானவர்கள் இன்னும் குற்றப் பத்திரிக்கையே தாக்கல் செய்யப் படாமல் தங்கள் இளமைகளை சிறையில் தொலைத்துக் கொண்டிருக்கிறார்கள். 1992 இல் ஊரில் நடந்த மீன்கடை அகற்றும் போராட்டத்தில் அப்பாவிகள் எவ்வளவு பேர் கைது செய்யப்பட்டார்கள் அவர்கள் மீது எந்த செக்க்ஷனில் கைது நடவடிக்கை எடுக்கப் பட்டது என்பது என்போன்றவர்களுக்கு தெரியும். அடியும் உதையும் மிதியும் காவல் துறையின் அத்து மீறலும் அதனால் இன்றும் கூட என் காதுகள் கேட்கும் சக்தியை இழந்து நிற்கிறேன். எனவே சகோதரர்கள் தங்கள் இளமையை வேலையை மனைவி மக்களை இழந்து இந்த போராட்டத்துக்கு விலை கொடுக்க வேண்டாம். அல்லாஹ் இவர்களை தண்டிக்க வேண்டும் என்று தஹஜ்ஜத் தொழுது து ஆ கேளுங்கள். நிச்சயம் ஆட்சியாளர்கள் ஆராய்ச்சி மணியை அது அடிக்கும். மிக சக்தி வாய்ந்த ஆயுதம் பிரார்த்தனைதான்.

உங்கள் உணர்வுகளை தூண்டி விடுபவர்களின் சதிக்கு ஆளாகி விடாதீர்கள். தெரிந்து கொள்ளுங்கள் திரிகள் மட்டுமே எரிகின்றன தூண்டுகோல்கள் சுகமாக தூங்குகின்றன.....உங்களை விடுவிப்பதற்காக ஊர் மக்கள் திரண்டு வரமாட்டார்கள். இவனுக்கெல்லாம் இதெல்லாம் தேவையா என்று ஏளனம் பேசுவார்கள். .சொந்த அனுபவம் இது.

IP: 37.*.*.* Romania

அன்பின் சகோதரர் மக்கி காக்காவின் வார்த்தைகள் ஒவ்வொன்றும் மாணிக்கங்கள்.இப்போதுள்ள சூழ்நிலையில் எதுவும் நடக்கலாம்.

நான் இந்த அரசுக்கு எதிராக கருத்து சொல்வதாக தயவுசெய்து எடுத்துக்கொள்ள வேண்டாம்.சமூக நலப்பணியான ஒரு புண்ணிய முயற்சியில் இறங்கும் நம் முஸ்லிம் சகோதரர்களுக்கு எந்த பாதிப்பும் எந்த நேரத்திலும் வரலாம், அப்படிப்பட்ட ஒரு இன்னல் நிலையை எதிர்கொண்டவர்களாகத் தான் இருக்கிறார்கள் இந் நிமிடம் வரை, இக்கொடிய வஞ்சக வலையில் . சிக்கிவிடக்கூடாதே என்ற எண்ணத்தில்தான் இதை கூறுகிறேன்!

SDPI அமைப்பில் முஸ்லிம் அல்லாதவர்களும் இருக்கலாம் ஆனால் மத்திய ஆட்சியோ முஸ்லிம்களை குறிவைத்தே வலை வீசுகிறது,அதற்கு சில நேரங்களில் மாநில அரசும் மண்டியிட வேண்டிய சூழ்நிலை கைதியாக இருக்கிறது,தமிழகம் உட்பட!

அன்புக்குறிய நம்மின சொந்தங்களே,அல்லாஹ்விடம் மனமுருகி கேளுங்கள்,வல்ல நாயகன் நமக்கு நல்வழிகாட்டி நன்மையாக்கித்தந்தருள்வானாக!

உங்களையும் உங்கள் குடும்பத்தார்களையும் மனதில் கொண்டு மிகவும் பாதுகாப்புடன் பொதுப்பணியில் இறங்குமாறு அன்புடன் வேண்டிக்கொள்கிறேன். அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்.