{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சி எல்லைக்குள் இயங்கி வரும் DCW தொழிற்சாலையின் சார்பில், மகளிருக்கு இலவச தையல் மற்றும் எம்ப்ராய்டிங் பயிற்சி வழங்கப்படுவதாக தெரிவிக்கப்பட்டுள்ளது. இதுகுறித்து, அந்த ஆலையின் மக்கள் தொடர்பு அலுவலர் சித்திரவேல் மூலம் பெறப்பட்டுள்ள செய்தியறிக்கை:-

டி.சி.டபிள்யூ நிறுவனமானது பல்வேறு சமுதாயப்பணிகளை செய்து வருகிறது. இதன் ஒரு பகுதியாக மகளிர் வாழ்க்கை தரத்தை உயர்த்தும் நோக்கில் காயல்பட்டிணம் விசாலாட்சி அம்மன் கோவில் தெருவில் உள்ள பஜனை மண்டபத்தில் இலவச தையல் மற்றும் எம்ப்ராயிடிங் பயிற்சியின் துவக்க விழா மற்றும் புதிதாக துவங்கப்பட்ட 8 மகளிர் சுய உதவிக்குழுக்களுக்கு இலவச பேரேடுகள் வழங்கும் விழாவும் நடைபெற்றது. சீனியர் ஆபிசர் பிரகாஷ் அனைவரையும் வரவேற்று பேசினார்.

விழாவிற்கு டி.சி.டபிள்யூ நிறுவனத்தின் செயல் உதவி தலைவர் (நிர்வாகம்) டாக்டர் மே.சி.மேகநாதன் தலைமை தாங்கினார். திருச்செந்தூர், துணை வட்டார வளர்ச்சி அலுவலர் க.சுடலை சிறப்பு விருந்தினராக கலந்து கொண்டு பயிற்சி முகாமினை தொடங்கி வைத்து, புதிதாக துவங்கப்பட்ட 8 மகளிர் சுய உதவிக்குழுக்களுக்கு இலவச பேரேடுகள் வழங்கி சிறப்புரை நிகழ்த்தினார்.











இந்த பயிற்சி முகாமில் மொத்தம் 50 பெண்களுக்கு சிறப்பு பயிற்சி அளிக்கப்படுகிறது. தொடர்ந்து ஆறு மாதங்கள் நடைபெறும் இந்த பயிற்சி முகாமில் 20 வகையான ஆடை வடிவமைப்பும், 150 வகையான எம்ப்ராய்டிங் பயிற்சியும் கற்றுக் கொடுக்கப்படுகிறது.

விழாவில் மதர் சமூக சேவை டிரஸ்ட் இயக்குநர் கென்னடி, சமூக சேவகர் ஆர்.எஸ்.கோபால், மக்கள் தொடர்பு துணை மேலாளர் சு.சித்திரைவேல், உள்பட அப்பகுதி மக்கள் ஏராளமானோர் கலந்து கொண்டனர்.

இவ்வாறு அந்த அறிக்கையில் தெரிவிக்கப்பட்டுள்ளது.

DCW ஆலை தொடர்பான முந்தைய காண இங்கே சொடுக்குக!