{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சதுக்கைத் தெரு - பெரிய சதுக்கையில் இயங்கி வரும் அல்அமீன் இளைஞர் நற்பணி மன்றத்தின் சார்பில், நபிகள் நாயகம் அவர்களின் பிறந்த நாள் விழா, மஹான் முஹ்யித்தீன் அப்துல் காதிர் ஜீலானீ அவர்களின் நினைவுநாள் விழா, அமைப்பின் 28ஆம் ஆண்டு துவக்க விழா ஆகிய முப்பெரும் விழாக்கள், 26.01.2016. செவ்வாய்க்கிழமையன்று நடைபெறவுள்ளன.

அன்று காலையில் கத்முல் குர்ஆன் மஜ்லிஸ், ஏழைச் சிறுவர்களுக்கு சுன்னத் செய்யும் நிகழ்ச்சி, மவ்லித் மற்றும் நபிகளார் புகழ்பாடும் நஅத் மஜ்லிஸ் ஆகியன நடைபெறவுள்ளன.

14.00 மணிக்கு, முஅஸ்கர் மகளிர் அரபிக் கல்லூரியின் பட்டம் பெற்ற மாணவியருக்கான பேச்சுப் போட்டி, “மாண்பு நபியின் மறைவான ஞானம்” எனும் தலைப்பில், சதுக்கைத் தெரு ரவ்ழத்துல் ஜன்னஹ் பெண்கள் தைக்காவில் நடைபெறவுள்ளது.

16.30 மணியளவில், “பார் உலகம் போற்றும் வள்ளல் நபிகளார்” எனும் தலைப்பில், 15 வயதுக்குட்பட்ட மாணவர்களுக்கான பேச்சுப் போட்டி விழா அரங்கிலும், “அண்ணல் நபிகளார் ஓர் அழகிய முன்மாதிரி” எனும் தலைப்பில் - 15 வயதுக்குட்பட்ட மாணவியருக்கான பேச்சுப் போட்டி ஜன்னத்துல் காதிரிய்யா பெண்கள் தைக்காவிலும் நடைபெறவுள்ளது.

19.00 மணிக்கு, ஸெய்யிதினா பிலால் பள்ளியின் இமாமும், சென்ட்ரல் மேனிலைப்பள்ளியின் ஆசிரியருமான மவ்லவீ ஹாஃபிழ் நஹ்வீ ஒய்.செய்யித் ஸதக்கத்துல்லாஹ் ஃகைரீ, அல்ஜாமிஉஸ் ஸகீர் - சிறிய குத்பா பள்ளியின் கத்தீப் மவ்லவீ ஹாஃபிழ் நஹ்வீ எஸ்.ஏ,கே.முஹம்மத் முஹ்யித்தீன் மஹ்ழரீ ஆகியோர் சிறப்புரையாற்றவுள்ளனர்.

21.30 மணிக்கு, நலத்திட்ட உதவிகள் வழங்கப்பட்டு, நேர்ச்சை வினியோகத்தைத் தொடர்ந்து ஃபாத்திஹா துஆவுடன் நிகழ்ச்சிகள் நிறைவுறவுள்ளன.

போட்டிகளில் கலந்துகொள்ளும் அனைவருக்கும் ஆறுதல் பரிசுகளும், சான்றிதழ்களும் வழங்கப்படவுள்ளதாகவும், அனைத்து நிகழ்ச்சிகளிலும் அனைவரும் பங்கேற்குமாறும், மேலதிக விபரங்களுக்கு, +91 95974 69516 என்ற எண்ணில் தொடர்புகொள்ளுமாறும், அல்அமீன் இளைஞர் நற்பணி மன்ற நிர்வாகிகள் கேட்டுக்கொண்டுள்ளனர்.

தகவல்:
முஹம்மத் முஹ்யித்தீன்
(செயலாளர் - அல்அமீன் இளைஞர் நற்பணி மன்றம்)

அல்அமீன் இளைஞர் நற்பணி மன்றத்தின் சார்பில் இதற்கு முன் (2013ஆம் ஆண்டில்) நடத்தப்பட்ட விழா குறித்த செய்தியைக் காண இங்கே சொடுக்குக!

அல்அமீன் இளைஞர் நற்பணி மன்றம் தொடர்பான முந்தைய காண இங்கே சொடுக்குக!