காயல்பட்டினம் பெரிய முத்துவாப்பா தைக்கா தெரு - தீவுத்தெரு சந்திப்பில் அமைந்துள்ள மஹான் ஃபழ்லுல்லாஹ் ஸாஹிப் ஈக்கியப்பா அவர்களின் அடக்கஸ்தலத்தில், கந்தூரி நிகழ்ச்சிகள் 31.01.2016. ஞாயிற்றுக்கிழமையன்று நடைபெற்றது.









06.15 மணிக்கு, காயல்பட்டினம் குருவித்துறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ தலைமையில் கத்முல் குர்ஆன் ஓதி ஈஸால் தவாப் செய்யப்பட்டது. மாலை 16.45 மணியளவில், மர்ஹூம் அல்லாமா எஸ்.கே.எம்.நூஹுத்தம்பி ஆலிம் ஜுமானீ அவர்களால் தொகுக்கப்பட்ட - மஹான் அவர்களின் புகழ்பாடும் மவ்லித் மஜ்லிஸ், ஹாமிதிய்யா மார்க்கக் கல்வி நிறுவனத்தின் ஆசிரியர் மவ்லவீ ஏ.சுல்தான் அப்துல் காதிர் ரஹ்மானீ தலைமையில் நடைபெற்றது. 19.30 மணிக்கு ராத்திபத்துல் அஹ்மதிய்யா திக்ர் மஜ்லிஸ், ஹாஃபிழ் எஸ்.எல்.செய்யித் அஹ்மத் முத்துவாப்பா தலைமையில் நடைபெற்றது.

தொடர்ந்து, ஹாமிதிய்யா மாணவர் ஹாஃபிழ் எஸ்.எம்.பி.முத்து அஹ்மத் அர்ஷத் கிராஅத் ஓத, ஹாமிதிய்யா மார்க்கக் கல்வி நிறுவனத்தின் ஆசிரியர் மவ்லவீ ஹாஃபிழ் எம்.ஏ.ஹபீபுர்ரஹ்மான் மஹ்ழரீ - மஹான் அவர்களின் வாழ்க்கைச் சரித சொற்பொழிவாற்றினார்.





ஹாஜி சொளுக்கு எஸ்.ஏ.கே.முஹ்யித்தீன் அப்துல் காதிர் நன்றி கூற, சிறிய குத்பா பள்ளியின் கத்தீபும் - ஹாமிதிய்யா ஆசிரியருமான மவ்லவீ ஹாஃபிழ் நஹ்வீ எஸ்.ஏ.கே.முஹம்மத் முஹ்யித்தீன் மஹ்ழரீ துஆவுடன் நிகழ்ச்சிகள் நிறைவுற்றன. நிகழ்ச்சிகளனைத்திலும் திரளான பொதுமக்கள் கலந்துகொண்டனர்.





ஏற்பாடுகளை, வைபவ கமிட்டி தலைவர் நஹ்வீ இ.எஸ்.புகாரீ ஆலிம், துணைத்தலைவர் என்.எஸ்.நூஹ் ஹமீத், செயலாளர் எம்.கே.செய்யித் முஹம்மத், துணைச் செயலாளர் சொளுக்கு எஸ்.எஸ்.எம்.செய்யித் முஹம்மத் ஸாஹிப், பொருளாளர் எம்.ஏ.அஹ்மத் லெப்பை, உறுப்பினர்களான எஸ்.இ.முஹம்மத் அலீ ஸாஹிப் என்ற டி.எம்., சொளுக்கு எஸ்.எஸ்.எம்.செய்யித் அஹ்மத், எம்.ஏ.ஸதக்கத்துல்லாஹ், கம்பல்பக்ஷ் எஸ்.எச்.மொகுதூம் முஹம்மத், ஷேக் அப்துல் காதிர், எம்.ஜெ.செய்யித் இப்றாஹீம், எம்.இ.எல்.செய்யித் முஹம்மத் புகாரீ, எஸ்.எம்.செய்யித் இப்றாஹீம், எஸ்.ஏ.காஜா முஈனுத்தீன், ஹாஃபிழ் சொளுக்கு எஸ்.எம்.எஸ்.தவ்ஹீத் உள்ளிட்ட குழுவினர் செய்திருந்தனர்.

ஈக்கியப்பா தைக்காவில் கடந்தாண்டு (ஹிஜ்ரீ 1436) நடைபெற்ற கந்தூரி நிகழ்ச்சி குறித்த செய்தியைக் காண இங்கே சொடுக்குக!