Kayal on the Web

செய்திகள்

செய்தி எண் (ID #) 17511

#KOTW17511

திங்கள், ஏப்ரல் 4, 2016

மாவட்ட அளவிலான கால்பந்துப் போட்டியில் KSC அணி சாம்பியன்! தமிழக அளவிலான சாம்பியன்ஸ் லீக் போட்டியில் விளையாடத் தகுதி!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2894 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி மாவட்ட அளவிலான கால்பந்துப் போட்டியில் காயல்பட்டினம் காயல் ஸ்போர்ட்டிங் க்ளப் (KSC) அணி சாம்பியன் பட்டத்தை வென்று, தமிழக அளவிலான சாம்பியன்ஸ் லீக் போட்டியில் விளையாடத் தகுதி பெற்றுள்ளது.. விபரம் வருமாறு:-

தூத்துக்குடி மாவட்ட கால்பந்துக் கழகம் சார்பில், ஆண்டுதோறும் மாவட்ட அளவிலான கால்பந்துப் போட்டி லீக் முறையில் நடைபெறும். நடப்பாண்டிலும் வழமை போல தூத்துக்குடி மாவட்டத்தை - தூத்துக்குடி, கோவில்பட்டி உள்ளிட்ட அணிகளை உள்ளடக்கிய தூத்துக்குடி மண்டலம், நாசரேத், வீரபாண்டியன்பட்டினம், DCW, காயல்பட்டினம், திருச்செந்தூர், புன்னைக்காயல் உள்ளிட்ட அணிகளை உள்ளடக்கிய திருச்செந்தூர் மண்டலம் என இரு மண்டலங்களாகப் பிரித்து, கால்பந்து சுற்றுப்போட்டி நடத்தப்பட்டது. இதில், திருச்செந்தூர் மண்டல அணிகளுள் KSC உள்ளிட்ட இரண்டு அணிகள் புள்ளி அடிப்படையில் முதலிடங்களைப் பெற்று, அரையிறுதிப் போட்டியில் விளையாடத் தகுதி பெற்றன.

தூத்துக்குடி மாவட்ட கால்பந்துக் கழக மைதானத்தில், 02.04.2016. சனிக்கிழமையன்று, இரண்டாவது அரையிறுதிப்போட்டியில், காயல்பட்டினம் KSC அணியும் - தூத்துக்குடி வில்சன் கால்பந்துக் கழக அணியும் மோதின. இதில், 3-1 என்ற கோல் கணக்கில் KSC அணி வெற்றிபெற்று, இறுதிப்போட்டிக்குத் தகுதி பெற்றது.

மறுநாள் (04.04.2016. ஞாயிற்றுக்கிழமை) நடைபெற்ற இறுதிப்போட்டியில், தூத்துக்குடி ஸ்ப்ரிட்டெட் யூத் அணியுடன் மோதிய KSC அணி, 5-0 என்ற கோல் கணக்கில் வெற்றிபெற்று, 2015-2016ஆம் ஆண்டிற்கான தூத்துக்குடி மாவட்ட அளவிலான சாம்பியன் கோப்பையை வென்றது. அவ்வணி வீரர்களான ஸாலிஹ் 2 கோல்களும். முஹம்மத் அலீ 2 கோல்களும் அடித்தனர்.

இதன்மூலம், சென்னை நேரு விளையாட்டரங்கில் நடைபெறும் – தமிழக அளவிலான சாம்பியன் கோப்பை சுற்றுப்போட்டியில் (DISTRICT CHAMPIONS LEAGUE) விளையாடத் தகுதிபெற்றுள்ளது.

தகவல் & படங்கள்:
M.B.S.சுலைமான்
(பொருளாளர் - KSC)

KSC தொடர்பான முந்தைய செய்தியைக் காண இங்கே சொடுக்குக!

[செய்தி திருத்தப்பட்டது @ 10:41 / 06.04.2016.]

{TAGS} ksc kayal sporting club sports football district champion district level

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by S.H.SEYED IBRAHIM (Riyadh. K.S.A.) [04 April 2016]
IP: 78.*.*.*

Saudi Arabia | Comment Reference Number: 43436

"அஸ்ஸலாமு அலைக்கும்."

மாஷா அல்லாஹ்!!! உண்மையில் அளவு கடந்த மகிழ்ச்சி!!!!

கோடான கோடி வாழ்த்துக்கள், + நட்சத்திர பாராட்டுக்கள்!!!

இன்ஷா அல்லாஹ், சென்னையில் நடை பெரும் போட்டியிலும் முதல் இடம் பிடிக்க எல்லோர்ஹலும் வல்ல நாயனிடம் இறைஞ்சுவோம். ஆமீன்!!!

அன்புடன் வாழ்த்தும் உள்ளங்கள்,

சூப்பர் இப்ராகிம். எஸ். எச்.

எஸ். இ. முஹம்மது ஹரீரி இபுராஹீம்

எஸ். இ. ஹுசைன் சலாஹுதீன் இபுராஹீம்

எஸ். இ. ஹம்தான் இபுராஹீம்

எஸ். இ. ஹஸ்ஸான் இபுராஹீம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by Yaseen (Abudhabi - Mussafah) [04 April 2016]
IP: 86.*.*.*

United Arab Emirates | Comment Reference Number: 43439

அஸ்ஸலாமு அழைக்கும், மாஷாஅல்லாஹ் வாழ்த்துக்கள்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. KSC யின் மகத்தான வெற்றி!
posted by Muthu Ibrahim (Hong Kong ) [08 April 2016]
IP: 1.*.*.*

Hong Kong | Comment Reference Number: 43446

நடந்து முடிந்த மாவட்ட அளவிலான கால்பந்து லீக் மற்றும் சூப்பர் லீக் நாக் அவுட் ஆட்டங்களில் வெற்றி பெற்று மாவட்டத்திலேயே முதன்மை அணியாக தேர்வு செய்யபட்டுள்ள KSC கால்பந்து அணியிரை மனமார வாழ்த்துகிறேன்.

குறிப்பாக பலம்வாய்ந்த வில்சன் அணியினரை 4-1 என்ற goal கணக்கில் அரை இறுதியில் வெற்றி பெற்றது அற்புதம். லத்தீப், மிஷல் தலா ஒரு goal லும் முஹம்மது அலி இரண்டு goal லும் அடித்தனர்.

இறுதி ஆட்டத்தில் Sprited Youth அணியினரை ஆரம்பம் முதல் தாக்குதல் ஆட்டம் மூலம் ஆடி, நிலை குலையச் செய்து 5 -0 என்ற goal கணக்கில் வெற்றி என்பது மிக அபாரம்! லத்தீப் ஒரு goal லும் முத்து மற்றும் முஹம்மது அலி தலா இரண்டு goal லும் அடித்தனர்.

வெற்றி வாகைச் சூடிய KSC அணியின் வீரர்களையும், அவர்களுக்கு சிறப்பாக பயிற்சி அளித்த தம்பி செய்யது முஹியத்தீன் அவர்களுக்கும், KSC நிர்வாகிகள் அனைவருக்கும் அன்பான வாழ்த்துக்கள்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்