{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரி ஷரீஃப் 89ஆம் ஆண்டு நிகழ்ச்சிகள், 07.04.2016. வியாழக்கிழமையன்று 19.00 மணிக்கு திக்ர் மஜ்லிஸுடன் துவங்கியது. காயல்பட்டினம் குருவித்துறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ திக்ர் மஜ்லிஸுக்கு தலைமை தாங்கி வழிநடத்தினார். துஆவுடன் நிகழ்ச்சி நிறைவுற்றது.

முதல் நாள் சொற்பொழிவு இன்று (09.04.2016. சனிக்கிழமை) துவங்குகிறது. அதிகாலை ஃபஜ்ர் தொழுகைக்குப் பின், கிராஅத் ஓதப்பட்டு, ‘லுத்பில் இலாஹி’ பைத் அனைவரும் பாட, அல்ஜாமிஉஸ் ஸஹீஹுல் புகாரீ கிரந்தத்தின் முதல் நாள் பாடத்தை மஜ்லிஸின் தலைவர் நஹ்வீ இ.எஸ்.செய்யித் முஹம்மத் புகாரீ ஓதி துவக்கி வைக்கிறார். காலை 09.00 மணிக்கு அதற்கான விளக்கவுரை வழங்கப்படுகிறது.

இன்று ஓதப்படும் நபிமொழிகளுக்கு, ‘முத்துச்சுடர்’ மாத இதழின் ஆசிரியர் மவ்லவீ ஹாஃபிழ் என்.டீ.எஸ்.முஹம்மத் ஸாலிஹ் நுஸ்கீ மஹ்ழரீ விளக்கவுரையாற்றுகிறார்.

மே மாதம் 08ஆம் நாள் ஞாயிற்றுக்கிழமையன்று அபூர்வ துஆ பிரார்த்தனையுடன் நிகழ்ச்சிகள் நிறைவுறுகின்றன. மறுநாள் 09.05.2016 அன்று அதிகாலையில் நேர்ச்சை வினியோகம் நடைபெறவுள்ளது.

நிகழ்ச்சி ஏற்பாடுகளை, மஜ்லிஸுல் புகாரிஷ் ஷரீ்ஃப் நிர்வாகிகள் மற்றும் வைபவக் கமிட்டியினர் செய்து வருகின்றனர்.

மஜ்லிஸுல் புகாரிஷ் ஷரீஃப் ஸபையின் 89ஆம் ஆண்டு 30 நாட்களில் நடைபெறும் சொற்பொழிவுகள் அந்நிர்வாகத்தின் சார்பில் அதன் http://www.bukhari-shareef.com/eng/live/ என்ற வலைதள பக்கத்தில் ஒலி நேரலை செய்ய திட்டமிடப்பட்டுள்ளது.

கடந்தாண்டு (ஹிஜ்ரீ 1436) மஜ்லிஸுல் புகாரிஷ் ஷரீஃப் துவக்க நிகழ்ச்சி குறித்த செய்தியைக் காண இங்கே சொடுக்குக!