{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சதுக்கைத் தெருவைச் சேர்ந்த – தமிழ்நாடு ஹஜ் கமிட்டி செயற்குழு உறுப்பினர் / காயல்பட்டினம் பைத்துல்மால் அறக்கட்டளையின் அறங்காவலர்களுள் ஒருவரான பாளையம் ஹபீப் முஹம்மத் உடைய மகன் பாளையம் முஹம்மத் இஸ்மாஈல், இன்று அதிகாலை 02.30 மணியளவில், நாங்குநேரி அருகே வாகனத்தில் பயணித்துக்கொண்டிருந்தபோது விபத்தில் காலமானார். அவருக்கு வயது 41.

அன்னாரின் மறைவுக்கு இரங்கல் தெரிவித்து, காயல்பட்டினம் பைத்துல்மால் அறக்கட்டளை சார்பில் வெளியிடப்பட்டுள்ள அறிக்கை:-

எமது காயல்பட்டினம் பைத்துல்மால் அறக்கட்டளையின் அறங்காவலர்களுள் ஒருவரான அல்ஹாஜ் பாளையம் ஹபீப் முஹம்மத் அவர்களின் மகனார், அல்ஹாஜ் பி.எச்.எம்.முஹம்மத் இஸ்மாஈல் அவர்கள், அல்லாஹ்வின் நாட்டப்படி இன்று அதிகாலை 02.30 மணியளவில் விபத்தில் காலமான செய்தியறிந்து மிகவும் கவலையுற்றுள்ளோம்.

அண்மையில்தான் உம்றா - ஜியாரத் கிரியைகளை நிறைவேற்றி தாயகம் திரும்பியிருக்கிறார். திரும்பிய பொழுது முதல் நம்மை விட்டும் பிரியும் நாள் வரை தன் வாழ்வை பொதுநலனுக்காகவே அர்ப்பணித்திருக்கிறார். இதுவே அவரது மறுமை நல்வாழ்வுக்கான சாட்சியங்கள்.

மர்ஹூம் அவர்களின் மறைவுக்கு காயல்பட்டினம் பைத்துல்மால் அறக்கட்டளை தனது ஆழ்ந்த இரங்கலைத் தெரிவித்துக் கொள்கிறது. கருணையுள்ள அல்லாஹ் மர்ஹூம் அவர்களின் மண்ணறை - மறுமை வாழ்வுகளை ஒளிமயமாக்கி வைப்பானாக...

ஷஹீதுக்கான (உயிர்த்தியாகி) தரத்துடன், கேள்வி - கணக்குகளின்றி சுவனத்தில் நுழைய வல்ல அல்லாஹ் அருள் புரிவானாக, ஆமீன்.

அன்னாரின் பிரிவால் துயரத்தில் இருக்கும் எமது அறக்கட்டளை அறங்காவலர் அல்ஹாஜ் பாளையம் ஹபீப் முஹம்மத் அவர்களுடன் இணைந்து நாங்களும் இத்துயரில் பங்குகொள்கிறோம். வல்ல அல்லாஹ் அவர்களுக்கும், மர்ஹூம் அவர்களின் மனைவி உள்ளிட்ட குடும்பத்தாருக்கும் - இந்த தாங்கொணாத் துயரைத் தாங்கிடும் அளவுக்கு அழகிய பொறுமையை வழங்கியருள்வானாக, ஆமீன்.

இவ்வாறு அந்த அறிக்கையில் தெரிவிக்கப்பட்டுள்ளது.

காயல்பட்டினம் பைத்துல்மால் அறக்கட்டளை தொடர்பான முந்தைய செய்தியைக் காண இங்கே சொடுக்குக!