{ முகநூல் கருத்துக்கள்}{ட்விட்டர் கருத்துக்கள்}

பிளஸ் 2 பொதுத் தேர்வு முடிவுகள் மே 12 -ஆம் தேதியும், பத்தாம் வகுப்பு தேர்வு முடிவுகள் மே 19 -ஆம் தேதியும் வெளியாகும் என்று தமிழக அரசு அறிவித்துள்ளது.

இதுகுறித்து, தலைமைச் செயலகத்தில் பள்ளிக் கல்வித் துறை அமைச்சர் கே.ஏ.செங்கோட்டையன் நேற்று வியாழக்கிழமை கூறியது:

பிளஸ் 2 தேர்வு மற்றும் பத்தாம் வகுப்பு தேர்வுகளை சுமார் 20 லட்சம் மாணவ, மாணவிகள் எழுத உள்ளனர். பிளஸ் 2 தேர்வு மார்ச் 2 முதல் 31 -ஆம் தேதி வரை நடக்கின்றன. 10 -ஆம் வகுப்பு தேர்வுகள் மார்ச் 8 முதல் 30 -ஆம் தேதி வரை நடக்கிறது.

மாணவர்கள் தேர்வு எழுதிய பிறகு தான் தேர்வு முடிவுகள் வெளியாகும் தேதியை அறிவிக்கும் நிலை இருந்து வந்தது. இதனால் அவர்களுக்கு ஏற்படும் பல்வேறு இடையூறுகளைத் தவிர்ப்பதற்காக, தேர்வு முடிவுகள் வெளியாகும் தேதியை தேர்வு நடப்பதற்கு முன்பாகவே வெளியிடுகிறோம்.

முடிவுகள் எப்போது?

பிளஸ் 2 தேர்வு முடிவுகள் மே 12 - ஆம் தேதியும், பத்தாம் வகுப்பு தேர்வு முடிவுகள் மே 19 - ஆம் தேதி வெளியாகும். அன்றைய தினம் காலை 10 மணிக்கு தேர்வு முடிவுகள் வெளியிடப்படும்.

தகவல்:
தினமணி