{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் இளைஞர் ஐக்கிய முன்னணி (YUF) சார்பில், ஆண்டுதோறும் ரமழான் 27ஆம் நாளன்று நள்ளிரவில் திக்ர் மஜ்லிஸ் மற்றும் மார்க்க சொற்பொழிவு நிகழ்ச்சி நடத்தப்படுவது வழமை.

அந்த அடிப்படையில், இவ்வாண்டும் ரமழான் 27ஆம் நாளான இன்று 23.06.2017. வெள்ளிக்கிழமை நள்ளிரவு 12.00 மணியளவில் ராத்திபத்துல் காதிரிய்யா திக்ர் மஜ்லிஸ், இளைஞர் ஐக்கிய முன்னணி வளாகத்தில், ஹாஃபிழ் எஸ்.இசட்.செய்யித் அஹ்மத் முத்துவாப்பா தலைமையில், குருவித்துறைப் பள்ளியின் தலைமை இமாம் மவ்லவீ ஹாஃபிழ் எம்.எல்.முஹம்மத் அலீ ஃபைஜீ முன்னிலையில் நடைபெற்றது.



டீ.ஏ.நூஹ் நஜீயுல்லாஹ் நிகழ்ச்சிகளை நெறிப்படுத்தினார். ஹாஃபிழ் எம்.எஸ்.முஹம்மத் நூஹ் கிராஅத் ஓதினார். காயல்பட்டினம் ஸெய்யிதினா பிலால் பள்ளியின் இமாமும் – சென்ட்ரல் மேனிலைப் பள்ளியின் ஆசிரியருமான மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் ஃகைரீ மார்க்க சொற்பொழிவாற்றினார்.



இளைஞர் ஐக்கிய முன்னணி செயலாளர் எஸ்.ஏ.கே.முஹ்யித்தீன் அப்துல் காதிர் நன்றி கூற, துஆவுடன் நிகழ்ச்சிகள் நிறைவுற்றன.

நிகழ்ச்சிகளனைத்திலும், குருவித்துறைப் பள்ளி மஹல்லா ஜமாஅத்தினர் உட்பட திரளான பொதுமக்கள் கலந்துகொண்டனர்.