{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியுடன் இணைந்து, சென்ட்ரல் மேனிலைப் பள்ளி மாணவர்கள் 02ஆவது வார்டு பகுதிகளில் – 21.07.2017. வெள்ளிக்கிழமையன்று தூய்மை விழிப்புணர்வுப் பணி செய்தனர்.





நகராட்சி ஆணையர் பொன்னம்பலம் தலைமையில், சுகாதார ஆய்வாளர் எஸ்.பொன்வேல் ராஜ் ஒருங்கிணைப்பில் நடைபெற்ற விழிப்புணர்வுப் பேரணியில் அணிவகுத்துச் சென்ற மாணவர்கள், 02ஆவது வார்டுக்குட்பட்ட பகுதிகளில், வீடு வீடாகச் சென்று – தூய்மை விழிப்புணர்வு, மக்கும் குப்பை – மக்காத குப்பை என குப்பைகளை நகராட்சி துப்புரவுப் பணியாளர்களிடம் பிரித்தளிக்கும் முறைகள் குறித்து விளக்கும் பிரசுரங்களைப் பொதுமக்களுக்கு வினியோகித்து, நகரைத் தூய்மையாக வைத்திருக்க ஒத்துழைக்குமாறு வேண்டுகோள் விடுத்தனர்.







நகராட்சி துப்புரவுப் பணி மேற்பார்வையாளர் லெட்சுமி, துப்புரவுப் பணியாளர்கள் இதன்போது உடனிருந்தனர்.