Kayal on the Web

செய்திகள்

செய்தி எண் (ID #) 19529

#KOTW19529

வியாழன், ஆகஸ்ட் 10, 2017

இந்தோனேஷியாவில் கடலில் மூழ்கி காயலர் உயிரிழப்பு! அங்கேயே நல்லடக்கம் செய்யப்பட்டது!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 7331 முறை பார்க்கப்பட்டுள்ளது | வாசகர் கருத்துக்கள் காண (20) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 6)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

இந்தோனேஷியாவிலுள்ள கடலில் மூழ்கி, காயலர் உயிரிழந்துள்ளார். விரிவான விபரம்:-

காயல்பட்டினம் குறுக்கத் தெருவைச் சேர்ந்த சாளை எஸ்.ஹுமாயூன் கபீர் உடைய மகன் சாளை ஷேக் ஷீத் (வயது 28). சொளுக்கார் தெருவைச் சேர்ந்த ‘க்ரஸண்ட் மெடிக்கல்ஸ்’ அன்ஸாரீ உடைய மகள் ஆயிஷா ஹுமைராவுக்கும், இவருக்கும் 2015ஆம் ஆண்டு ஆகஸ்ட் 01ஆம் நாளன்று திருமணம் நடைபெற்றது.

சிங்கப்பூரில் பணியாற்றி வந்த இவர், அங்கு தன் மனைவியுடன் வசித்து வந்தார். விடுமுறையைப் பயன்படுத்தி, மனைவி ஆயிஷா ஹுமைராவை அழைத்துக்கொண்டு நேற்று இந்தோனேஷியா நாட்டில் பின்தான் தீவிலுள்ள Mutiara Beach Resor உள்ளிட்ட சுற்றுலாத் தலங்களுக்கு சுற்றுலா அழைத்துச் சென்றுள்ளார்.

அங்குள்ள கடலில் இவர் இறங்கியபோது, அலையில் சிக்கி மூழ்கிவிட்டார். அங்கிருந்த காவலர்கள் அவரைக் காப்பாற்றி மருத்துவமனைக்குக் கொண்டு சென்றனர். பரிசோதனைக்குப் பின் அவர் ஏற்கனவே உயிரிழந்துவிட்டதாகத் தெரிவிக்கப்பட்டது.

இதனையடுத்து, அவரை அடக்கம் செய்வதற்கான நடவடிக்கைகள் மேற்கொள்ளப்பட்டு வருகிறது. சிங்கப்பூரிலிருந்து, ஷேக் ஷீத் உடைய தந்தை சாளை ஹுமாயூன், சிறிய தந்தையும் – சிங்கப்பூர் காயல் நல மன்ற செயற்குழு உறுப்பினருமான சாளை எஸ்.நவாஸ் உள்ளிட்ட சிங்கப்பூர் காயல் நல மன்ற அங்கத்தினர் இன்று காலையில் இந்தோனேஷியா புறப்பட்டுச் சென்றுள்ளனர். இந்தோனேஷியாவிலுள்ள காயலர்கள் உள்ளிட்ட தமிழர்கள் துணையுடன் நல்லடக்கம் குறித்து அவர்கள் ஆலோசித்தனர்.

நிறைவில், இந்தோனேஷியா பின்தாங் நகரிலுள்ள பள்ளிவாசலில் ஜனாஸா தொழுகை நடத்தப்பட்டு, அங்குள்ள மையவாடியில் நல்லடக்கம் செய்யப்பட்டது.

அன்னார்,

மர்ஹூம் சாளை ஷேக் அவர்களின் மகன்வழிப் பேரனும்,

வாவு முஹ்யித்தீன் தம்பி உடைய மகள் வழிப் பேரனும்,

சாளை ஹுமாயூன் உடைய மகனும்,

‘க்ரஸண்ட் மெடிக்கல்ஸ்’ அன்ஸாரீ உடைய மருமகனாரும்,

சாளை அபூ ஸுஃப்யான் உடைய சகோதரரும்,

ஐக்கிய அரபு அமீரகம் துபை காயல் நல மன்ற துணைத்தலைவர் சாளை ஷேக் ஸலீம், சிங்கப்பூர் காயல் நல மன்ற செயற்குழு உறுப்பினரும் – காயல்பட்டினம் “நடப்பது என்ன?” சமூக ஊடகக் குழுமத்தின் நிர்வாகியுமான சாளை நவாஸ் ஆகியோரின் சகோதரர் மகனும்,

சாளை அன்வர், சாளை அப்துந் நாஸர் ஆகியோரின் பேரனும்,

எம்.ஏ.அஃப்வான் அப்துல் காதிரின் மச்சானுமாவார்.

[கூடுதல் தகவல்கள் இணைக்கப்பட்டன @ 12:34 / 10.08.2017.]

கூடுதல் தகவல்:
சாளை ஷேக் ஸலீம்

{TAGS} wafat death obit obituary shaik sheed salai shaik sheed sheik sheed singapore indonesia mutiara beach resort binthan island

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. எனதன்பு இளவல்!
posted by S.K.Salih (Kayalpatnam) [10 August 2017]
IP: 157.*.*.*

Indonesia | Comment Reference Number: 45717

மிகவும் அதிர்ச்சியாக உள்ளது. இறைவனின் விதியைப் பொருந்திக்கொள்வோம்...

2015ஆம் ஆண்டு ஆகஸ்ட் 01ஆம் நாளன்று இவனது திருமணம், காயல்பட்டினம் மகுதூம் பள்ளியில் நடைபெற்றது. அடியேன்தான் நிகழ்ச்சித் தொகுப்பு. இளவல் ஷீதுடன் இடையிடையே கொஞ்சிப் பேசிய படியே நிகழ்ச்சியையும் தொகுத்து வழங்கியது கண்களிலேயே நிழலாடுகிறது.

தனது பிஞ்சுப் பருவத்தில், காயல்பட்டினம் ஐ.ஐ.எம். தீனிய்யாத் பிரிவில், இந்த இளவல் என்னிடம் மார்க்கக் கல்வி பயின்ற மாணவன்.

இவனது
பிறப்பு ஆகஸ்ட் 06, 1989.
திருமணம் ஆகஸ்ட் 01, 2015.
மரணம் ஆகஸ்ட் 09, 2017.

மொத்தத்தில் எனது மாணவனாகவும், என் அன்பிற்கு என்றும் உரித்தானவனாகவுமான இவனது பிரிவு என்னைப் பெரிதும் துயரில் ஆழ்த்தியுள்ளது.

எனக்கே இவ்வளவு பாதிப்பை ஏற்படுத்தியிருக்கிறது என்றால், அவனது தாய் - தந்தை, சிறிய தந்தை, பெரிய தந்தை, உற்றார் - உறவினருக்கு எந்தளவுக்கு பாதிப்பை ஏற்படுத்தியிருக்கும் என்பதை நான் சொல்லித் தெரிய வேண்டியதில்லை.

கருணையுள்ள ரஹ்மான், மறைந்து வாழும் இளவலின் பாவப் பிழைகளைப் பொறுத்தருளி, ஜன்னத்துல் ஃபிர்தவ்ஸ் எனும் உயர் சுவனத்தில் - நபிமார், ஸித்தீக்கீன், ஷுஹதா, ஸாலிஹீனுடன் இணைந்திருக்கச் செய்வானாக...

இந்த அன்பு இளவலின் பிரிவால் மீளாத் துயரிலிருக்கும் அவனது தந்தை எனதன்பிற்குரிய ஹுமாயூன் காக்கா, பெரிய தந்தை சாளை ஸலீம் காக்கா, சிறிய தந்தை பொதுநல ஊழியர் சாளை நவாஸ் காக்கா உள்ளிட்ட குடும்பத்தார் அனைவருக்கும் கருணையுள்ள அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக, ஆமீன்.

அன்புடன்,
எஸ்.கே.ஸாலிஹ்
உள்ளிட்ட
எஸ்.கே.குடும்பத்தினர்,
கொச்சியார் தெரு, காயல்பட்டினம்.