{ முகநூல் கருத்துக்கள்}{ட்விட்டர் கருத்துக்கள்}

நிகழாண்டு ஹஜ் பெருநாளை முன்னிட்டு, காயல்பட்டினம் எல்.கே.மேனிலைப் பள்ளியின் பயின்றோர் பேரவை சிறப்புக் கூட்டம், 03.09.2017. ஞாயிற்றுக்கிழமையன்று 19.00 மணிக்கு, பள்ளி வளாகத்தில் நடைபெறவுள்ளது. இக்கூட்டத்தில் கலந்துகொள்ள முன்னாள் மாணவர்களுக்கு அழைப்பு விடுத்து – பயின்றோர் பேரவை சார்பில் வெளியிடப்பட்டுள்ள அழைப்பறிக்கை:-

நிறைவான அருளன்பின் இறையேகன் திருப்பெயர் போற்றி...

காயல்பட்டினம் எல்.கே.மேனிலைப் பள்ளியின் பேரன்புமிக்க முன்னாள் மாணவரே! தங்கள் மீது இறையோனின் சாந்தி, சமாதானம் என்றென்றும் நிலவட்டுமாக!

வரும் ஹஜ் பெருநாளை முன்னிட்டு, நமது பள்ளியின் முன்னாள் மாணவர்கள் பல்வேறு பகுதிகளிலிருந்தும் நம் தாயகமாம் காயல்பட்டினம் வருவதையொட்டி, இன்ஷாஅல்லாஹ் எதிர்வரும் 03.09.2018. ஞாயிற்றுக்கிழமையன்று (பெருநாளுக்கு மறுநாள்) இரவு 07.00 மணிக்கு, நம் பள்ளியின் பயின்றோர் பேரவை சங்கம நிகழ்ச்சி, பள்ளி வளாகத்தில் இனிதே நடைபெறவுள்ளது.

நிகழ்முறை:-

>>> இதுநாள் வரையிலான நமது செயல்பாடுகள்...

>>> முன்னாள் மாணவர்கள் அனைவரையும் பயின்றோர் பேரவையில் இணைக்க செயல்திட்டம் வடிவமைப்பு...

>>> பயின்றோர் பேரவைக்கு தற்காலிகமாக ஒருங்கிணைப்புக் குழு அமைப்பு...

>>> முறையான பொதுக்குழு, நிர்வாகத் தேர்தலுக்கு நாள் நிர்ணயம்...

>>> பங்கேற்போர் கருத்துப் பரிமாற்றம்...

>>> தீர்மானங்கள் நிறைவேற்றம்...

>>> சிற்றுண்டியுடன் நிகழ்ச்சி நிறைவு...

இதைப் படிக்கும் - எல்.கே.மேனிலைப் பள்ளியின் முன்னாள் மாணவர்கள், தங்களுக்குப் பல்வேறு அலுவல்கள் இருக்கும் என்றாலும், இதன் முக்கியத்துவத்தைக் கருத்திற்கொண்டு, இந்த மடலையே - உங்களை நேரில் வந்து அழைத்ததாகக் கருதி, தயவுசெய்து தவறாமல் நேரம் ஒதுக்கி - குறித்த நேரத்தில் கலந்து சிறப்பிக்கவும், தங்கள் மேலான நல்ல பல ஆலோசனைகளை வழங்கவும் அன்புடன் அழைக்கிறோம்.

அத்துடன், தங்களுக்கு அறிமுகமான – எல்.கே.மேனிலைப் பள்ளியின் முன்னாள் மாணவர்கள் அனைவருக்கும் இத்தகவலைப் பகிர்ந்து, அவர்களையும் கூட்டத்தில் தவறாமல் பங்கேற்கச் செய்யுமாறும் வேண்டுகிறோம்.

நிகழ்ச்சிக்கு வரும் தங்களைக் குறைவின்றி உபசரிக்க வசதியாக, தங்கள் வருகையை +91 94877 75765 என்ற எண்ணிற்கு Whatsapp மூலம் உறுதி செய்துகொள்ள அன்புடன் கேட்டுக்கொள்கிறோம்...

எல்லாம் வல்ல இறைவன் நமது நற்காரியங்களை தனதருளால் ஏற்று, அதற்கான நற்கூலிகளை நம் யாவருக்கும் ஈருலகிலும் நிறைவாக வழங்கியருள்வானாக!

தங்கள் இசைவையும், நல்வரவையும் ஆவலுடன் எதிர்பார்க்கும்...
நிர்வாகிகள் & ஒருங்கிணைப்பாளர்கள்,
எல்.கே.மேனிலைப் பள்ளி பயின்றோர் பேரவை.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
ஆசிரியர் அஹ்மத் மீராத்தம்பி
(எல்.கே.மேனிலைப் பள்ளி பயின்றோர் பேரவைக்காக...)