{ முகநூல் கருத்துக்கள்}{ட்விட்டர் கருத்துக்கள்}

சிவகாசியில் மாநில அளவில் நடைபெற்ற கால்பந்துப் போட்டியில், காயல்பட்டினம் வி-யுனைட்டெட் அணி மூன்றாமிடத்தைப் பெற்றுள்ளது. விரிவான விபரம்:-

சிவகாசியில் வினோத்குமார் நினைவு முதலாம் ஆண்டு மாநில அளவிலான ஐவர் கால்பந்து போட்டி இம்மாதம் 10, 11 ஆகிய இரு நாட்களில் நடைபெற்றது. இதில், காயல்பட்டினம் வி-யுனைட்டெட் ஸ்போர்ட்ஸ் க்ளப் அணி உட்பட - தமிழகத்தின் பல்வேறு பகுதிகளிலிருந்து 16 அணிகள் பங்கேற்றன.

வி-யுனைட்டெட் அணி அரையிறுதிப் போட்டியில் சிவகாசி அணியை எதிர்த்தாடியது. ஈரணிகளும் தலா ஒரு கோல் அடித்து சமனில் இருந்த நிலையில் நேரம் முடிவுற்றதால், சமனுடைப்பு முறை கையாளப்பட்டது. இதில், சிவகாசி அணி 5-4 என்ற கோல் கணக்கில் வெற்றிபெற்றது. இதன் மூலம், வி-யுனைட்டெட் அணி மூன்றாமிடத்தைப் பெற்றுள்ளது.

தொடர்ந்து நடைபெற்ற இறுதிப் போட்டியில் சிவகாசி அணியும், மதுரை ஐவர் கால்பந்து அணியும் விளையாடின. இதில் மதுரை அணி 3-1 என்ற கோல் கணக்கில் வெற்றி பெற்றது.

பின்னர் நடைபெற்ற பரிசளிப்பு விழாவில், சிவகாசி காவல் ஆய்வாளர் எஸ்.கண்ணன், தனியார் நிறுவன உரிமையாளர் குணசேகரன் ஆகியோர் சிறப்பு விருந்தினர்களாகப் பங்கேற்று, சிறப்பிடங்களைப் பெற்ற அணியினருக்கு பரிசுகளை வழங்கினர்.











தகவல் & படங்கள்:
M.ஜஹாங்கீர்