{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 92ஆம் ஆண்டு நிகழ்ச்சிகள், 07.03.2019. வியாழக்கிழமை 19.00 மணிக்கு திக்ர் மஜ்லிஸுடன் துவங்கி, 08.04.2019. திங்கட்கிழமையன்று நேர்ச்சை வினியோகத்துடன் நிறைவுற்றது.

ஒவ்வோர் ஆண்டும் ரஜப் மாதத்தில் நடைபெறும் அனைத்து நிகழ்ச்சிகள் தொடர்பான சகல நடவடிக்கைகளையும் நிறைவு செய்த பின்னர், மஜ்லிஸ் நிர்வாகிகளிடம் அந்தந்த ஆண்டின் வைபவக் கமிட்டியினர் பொறுப்புகளை ஒப்படைக்க, அன்று இரவு திக்ர் மஜ்லிஸுடன் அந்த ஆண்டின் நிகழ்ச்சிகள் நிறைவுறும்.

அதன் படி, நடப்பாண்டின் நிறைவு நிகழ்ச்சி, 11.04.2019. ஞாயிற்றுக்கிழமையன்று நடைபெற்றது. அன்று மஃரிப் தொழுகைக்குப் பின் ராத்திபத்துல் காதிரிய்யா திக்ர் மஜ்லிஸ், ஹாஃபிழ் எஸ்.எல்.செய்யித் அஹ்மத் முத்துவாப்பா தலைமையில் நடைபெற்றது.

தொடர்ந்து, எஞ்சிய சாமான்கள் ஏலம் விடப்பட்டு, அதில் பெறப்பட்ட நிதி கருவூலத்தில் சேர்க்கப்பட்டது. ஏல நிகழ்ச்சியை எஸ்.இ.முஹம்மத் அலீ ஸாஹிப் (டீ.எம்.), எம்.எஸ்.எம்.ஷம்சுத்தீன் ஆகியோர் நடத்தினர்.