{ முகநூல் கருத்துக்கள்}{ட்விட்டர் கருத்துக்கள்}

இந்திய ரயில்வே புற்று நோயால் பாதிக்கப்பட்டவர்க்கு என கட்டணங்களில் (BASIC FARE) முழு சலுகை (100%) வழங்குகிறது. மேலும் அவருடன் பயணம் செய்பவர்க்கு அனைத்து வகுப்பு கட்டணத்திலும் 75 சதீவத சலுகையும், முதல் மற்றும் இரண்டாம் ஏ.சி. வகுப்புகளில் 50 சதவீத சலுகையும் வழங்குகிறது. இச்சலுகையை பயன்படுத்த விரும்புபவர் அதற்கான சான்றிதல் கொண்டு முன்பதிவு செய்யவேண்டும். சான்றிதல் மாதிரி காண இங்கு அழுத்தவும்.

இந்தியா முழுவதும் 245 ரயில்களில் புற்று நோயால் பாதிக்கப்பட்டவர்க்கு என இடங்கள் (QUOTA) ஒதுக்கப்பட்டுள்ளது. அவைகள் நிரம்பும் பட்சத்தில் Emergency Quota (EQ) ஒதுக்கீட்டில் இருந்தும் இடம் பதிவு செய்ய அனுமதி வழங்கப்பட்டிருந்தது.

சில ரயில்களில் அனைத்து EQ ஒதுக்கீடும் புற்று நோயால் பாதிக்கப்பட்டவர்களால் பதிவு செய்யப்பட்டு விடுவதால் இந்திய ரயில்வே தற்போது புதிய அறிவிப்பினை வெளியிட்டுள்ளது. அதன்படி EQ ஒதுக்கீட்டில் இருந்து இனி Sleeper வசதி பெட்டிகளில் இருந்து 4 இடங்கள் வரையும், பிற வகுப்புகளில் இருந்து 2 இடங்கள் வரையும் புற்று நோயால் பாதிக்கப்பட்டவர்கள் முன் பதிவுக்கு பயன்படுத்தி கொள்ளலாம் என முடிவு செய்யப்பட்டுள்ளது.

இத்தகவலை இன்று மத்திய ரயில்வே துறை துணை அமைச்சர் இ.அஹ்மத் ராஜ்ய சபாவில் எழுத்துப்பூர்வ பதில் ஒன்றில் தெரிவித்துள்ளார்.