Kayal on the Web

செய்திகள்

செய்தி எண் (ID #) 5119

#KOTW5119

வெள்ளி, நவம்பர் 26, 2010

காயல்பட்டணத்தில் புற்று நோயை எதிர்கொள்வது எப்படி? (பாகம் 1)

செய்தி: காயல்பட்டணம்.காம்
இந்த பக்கம் 4500 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டணத்தில் புற்று நோயை எதிர்கொள்வது எப்படி?

பாகம் - 1 <> 2 <> 3 <> 4 <> 5 <> 6 <> 7

காயல்பட்டணத்தில் சமீப காலமாக புற்று நோய் அதிகரித்து வருகிறது என்பது பரவலான ஒரு கருத்தாகும். புற்று நோயினால் பாதிக்கப்பட்டவரை அல்லது இறுதியாக உயிர் இழந்தவரை அனேகமாக தன் குடும்பத்திலேயோ அல்லது தன் நெருங்கிய வட்டத்திலேயோ அறிந்திராதவர் காயல்பட்டணத்தில் இருக்கு முடியாது என்று கூறினால் அது மிகையாகாது.

இருப்பினும் - புற்று நோய் நகரில் எந்த அளவு பாதிப்பினை உண்டு பண்ணியுள்ளது என்பதனை துல்லியமான புள்ளி விபரங்களுடன் அறிவதற்கான (முறையான, அறிவியல்பூர்வமான) வழி காயல்பட்டணத்தில் தற்போது இல்லை என்பதே உண்மை. உலகளவிலும், இந்தியாவின் பல நகரங்களிலும் (சென்னை உட்பட) CANCER REGISTRY என்ற புற்றுநோய் குறித்த ஆழமான விபரங்கள் சேகரிப்பு முறை நடைமுறையில் உள்ளது.

இந்த சேகரிப்பு முறை மூலம் ஒரு தேர்வு செய்யப்பட்ட ஜனத்தொகை பகுதியில் (GEOGRAPHICAL AREA) - எவ்வயதினற்கு, எவ்வகையான புற்று நோய், எந்த பழக்க வழக்கங்களால் உண்டாகிறது என்ற அடிப்படை தகவல் பெறமுடிகிறது. இதற்கான மென்பொருள்களும் (SOFTWARES) இலவசமாக கிடைக்கின்றன. உதாரணமாக Canreg என்பது பிரான்ஸ் நாட்டில் இருந்து செயல்படும் INTERNATIONAL ASSOCIATION OF CANCER REGISTRIES (IACR) உடைய இலவச மென்பொருளாகும். இதன்மூலம் புற்றுநோயால் பாதிக்கப்பட்டுள்ள ஒருவர் குறித்த அனைத்து முக்கியமான தகவல்களையும் பதிவு செய்யமுடியும்.

புற்று நோயினை காயல்பட்டணம் எதிர்கொண்டு, சமாளிக்க/வெற்றிபெற - முழுமையான, அறிவியல்பூர்வமான தகவல்கள் அவசியம் என்பதை அனைவருக்கும் விளக்கி, அதன்மூலம்தான் வருங்கால சமுதாயம் புற்று நோய்களின் பிடியிலிருந்து காப்பாற்றப்பட முடியும் என்பதையும் உணர்த்த வேண்டும். அம்முயற்சி எடுத்தால்தான் நகரில் புற்று நோய் குறித்த - நம்ப தகுந்த - தகவல் சேகரிக்கமுடியும். காயல்பட்டணத்தில் புற்று நோயால் பாதிக்கப்பட்டவர் குறித்த சில தகவல் சேகரிப்பு முயற்சிகள் கடந்த காலங்களில் எடுக்கப்பட்டுள்ளன. பாதிக்கப்பட்டவர்களின் சில ஐயங்களால், அம்முயற்சிகள் யாவும் முழுமை அடையவில்லை.

இத்தகவல் சேகரிக்கும் பணியினை (CANCER REGISTRAR) - தனி,பிரத்தியேக அமைப்பு மூலம் (உதாரணமாக CANCER INFORMATION CENTRE) அல்லது நகரில் உள்ள மருத்துவமனைகளில் ஒன்றன் கட்டுப்பாட்டின் கீழ் - செயல்படுத்தலாம்.

புற்று நோயை எதிர்கொள்வதில் இதுவே நகரின் முதல் மற்றும் முக்கிய செயலாக இருக்கவேண்டும்.

[தொடரும்]

காயல்பட்டணத்தில் புற்று நோயை எதிர்கொள்வது எப்படி?

பாகம் - 1 <> 2 <> 3 <> 4 <> 5 <> 6 <> 7

{TAGS} cancer cancer registry cancer registrar canreg

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. CANCER INFORMATION CENTRE
posted by N.S.E. மஹ்மூது (Yanbu - Saudi Arabia) [26 November 2010]
IP: 188.*.*.*

Saudi Arabia | Comment Reference Number: 1254

அஸ்ஸலாமு அலைக்கும் (வரஹ்).

இந்த செய்தியில் குறிப்பிட்டவைகள் அத்தனையும் சரிதான்.

புற்று நோயை பற்றிய சரியான தகவல்களை ஓன்று விடாமல் சேகரித்தால்தான் அதற்கான பிரகாரம் செய்ய இயலும்.

நீங்கள் சொல்வது போல் " CANCER INFORMATION CENTRE " என்று புதிதாக ஒரு அமைப்பை உருவாக்கியோ அல்லது நகரில் உள்ள மருத்துவமனைகளில் ஒன்றன் கீழோ செயல்படுத்தலாம் என்பது உண்மைதான்.

அப்படி மெடிக்கல் சம்பந்தமான அமைப்பு மூலமாக, தகவல் சேகரிக்கும்பொழுதுதான் உண்மையான விவரங்கள் கிடைக்கும். நோயாளிகளும் , அவர்களின் குடும்பத்தவர்களும் சரியான தகவலை தருவார்கள்.

அதனால் இந்த அமைப்பை உருவாக்குவதற்கு நாம் ஒரு கமிட்டியை உருவாக்க வேண்டும்.

அந்த கமிட்டியைதான் எதிபார்த்துக் கொண்டிருக்கிறோம். விரைவில் உருவாக வல்ல அல்லாஹ் கிருபை செய்வானாக ஆமீன்.

வஸ்ஸலாம்.