{ முகநூல் கருத்துக்கள்}{ட்விட்டர் கருத்துக்கள்}

திருச்செந்தூர் தொகுதியில் திமுக, அதிமுக, பா.ஜ.க., வேட்பாளர்கள், பொதுமக்களுடன் வரிசையில் நின்று வாக்களித்தனர்.

தூத்துக்குடி மாவட்டத்தில் உள்ள 6 சட்டமன்றத் தொகுதியில் அமைக்கப்பட்டிருந்த அனைத்து வாக்குச்சாவடிகளிலும் காலை 8 மணி முதல் விறுவிறுப்பான வாக்குப்பதிவு நடந்து வருகிறது. மக்கள் ஆர்வத்துடன் வரிசையில் நின்று வாக்களித்து வருகின்றனர்.



திருச்செந்தூர் தொகுதி திமுக வேட்பாளர் அனிதா ஆர்.ராதாகிருஷ்ணன், மாநாடு தண்டுபத்து கிராமத்தில் உள்ள ஊராட்சி ஒன்றிய துவக்கப்பள்ளியில் வாக்களித்தார். அவருடன் மனைவி மற்றும் மகன்கள் வாக்களித்தனர்.

அதிமுக வேட்பாளர் பி.ஆர்.மனோகரன் உடன்குடி அருகே உள்ள தேரியூர் டிடிடிஏ துவக்கப்பள்ளியில் வாக்களித்தார். அப்போது வேட்பாளர் வாக்களிப்பதை போட்டோ எடுப்பதற்கு அனுமதி மறுக்கப்பட்டது. இதனால் அந்த வாக்குச்சாவடியில் சிறிது நேரம் சலசலப்பு ஏற்பட்டது.

திருச்செந்தூர் தொகுதி பா.ஜ.க.வேட்பாளர் ராமேஸ்வரன், உடன்குடி அருகே உள்ள சீர்காழி டிடிடிஏ துவக்கப்பள்ளியில் வாக்களித்தார்.

தகவல்:
www.tutyonline.net