Kayal on the Web

செய்திகள்

செய்தி எண் (ID #) 5986

#KOTW5986

வியாழன், ஏப்ரல் 14, 2011

தேர்தல் 2011: என்றும் இந்நகர மக்களுக்கு உறுதுணையாயிருப்பேன்! வெளியூர் வாக்காளர் நன்றியறிவிப்பு நிகழ்ச்சியில் திமுக வேட்பாளர் அனிதா உருக்கம்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3990 முறை பார்க்கப்பட்டுள்ளது | வாசகர் கருத்துக்கள் காண (10) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழக சட்டமன்றத் தேர்தலுக்கான வாக்குப்பதிவு 13.04.2011 இன்று காலை 08.00 மணி முதல் மாலை 05.00 மணி வரை நடைபெற்றது.

இத்தேர்தலில் வாக்களிப்பதற்காக சென்னை, விழுப்புரம், திருச்சி, காரைக்கால், திருவனந்தபுரம், கோழிக்கோடு, சங்கனாச்சேரி, எர்ணாகுளம் உட்பட பல ஊர்களிலிருந்தும் ஏராளமான காயலர்கள் காயல்பட்டினம் வந்திருந்தனர்.

வாக்களித்துவிட்டு, அன்றிரவு 08.30 மணிக்கு காயல்பட்டினம் கடற்கரையிலிருந்து புறப்பட ஆயத்தமான அவர்களுக்கு நன்றி தெரிவிக்கும் பொருட்டு அவசர நிகழ்ச்சிக்கு ஏற்பாடு செய்யப்பட்டிருந்தது.

காயல்பட்டினம் கடற்கரை தொழுமிடம் அருகில் நடைபெற்ற இந்நிகழ்ச்சியில், தி.மு.க. மாநில பொதுக்குழு உறுப்பினர் எஸ்.ஐ.காதர், நகர தி.மு.க. செயலாளர் மு.த.ஜெய்னுத்தீன், காங்கிரஸ் ஷாஜஹான், காயல்பட்டினம் நகர்மன்ற உறுப்பினர் எம்.என்.சொளுக்கு, தைக்கா சாமு, சென்னை ஏ.கே.பீர் முஹம்மத், அப்துர்ரஷீத் என்ற அவ்லியா, “அறிவாளி” காதர் மற்றும் பலர் முன்னிலை வகித்தனர்.

திமுக கூட்டணி கட்சியான இந்திய யூனியன் முஸ்லிம் லீக் மாநில கொள்கை பரப்புச் செயலாளர் காயல் மகபூப் தொகுத்து வழங்கினார்.

துவக்கமாக, அனைத்துப் பகுதிகளைச் சார்ந்த வாக்காளர்களும் தி.மு.க. வேட்பாளர் அனிதா ஆர்.ராதாகிருஷ்ணனுக்கு சால்வை அணிவித்தனர்.

பின்னர் உரையாற்றிய அனிதா தெரிவித்ததாவது:-

வாக்களிப்பது கடமையெனக் கருதி தமது பல்வேறு பணிகளுக்கிடையிலும் தாயகம் வந்து வாக்களித்த வாக்களாப் பெருமக்களாகிய உங்களை நான் என்றைக்கும் மறக்க மாட்டேன்...

முத்தமிழறிஞர் கலைஞர் தொடர்ந்து ஆறாவது முறையாகவும் தமிழக முதல்வர் பொறுப்பை ஏற்றிடுவதற்காக இந்நகர மக்கள் - குறிப்பாக இங்குள்ள பெண்கள் காட்டும் ஆர்வமும், அக்கறையும் எங்களை மிகவும் மகிழ்ச்சியிலாழ்த்தியுள்ளது.

இந்தளவுக்கு நீங்கள் கலைஞர் மீதும், என் மீதும் பாசம் வைத்து, மகிழ்ச்சியோடு ஊருக்கு வந்து வாக்களித்துவிட்டு தற்போது திரும்பிச் சென்றுகொண்டிருக்கிறீர்கள்... இத்தனை சிரமங்களை எடுத்துக்கொண்டு வாக்களித்த உங்கள் அனைவருக்கும் நான் என்னதான் கைமாறு செய்யப்போகிறேனோ தெரியவில்லை...

உங்கள் அனைவருக்கும் நான் மனமார்ந்த நன்றியை முத்தமிழறிஞர் கலைஞர் சார்பிலும், என் சார்பிலும் தெரிவித்துக்கொள்கிறேன்.

(முக்கியமான அமைச்சர் பொறுப்பில் அனிதா வரவேண்டும் என கூடியிருந்தோர் குரலெழுப்பினர். அதனைக் கேள்வியுற்ற அவர்,) நான் வெற்றிபெற்ற பின்னர் சாதாரண சட்டமன்ற உறுப்பினராக இருந்தாலும் இந்நகரத்திற்கும், நகர மக்களுக்கும் என்னாலான அனைத்து ஒத்துழைப்புகளையும் உங்கள் உற்ற சகோதரனாக இருந்து எப்போதும் போல நிறைவாகச் செய்து தருவேன்...

வாக்களிப்பதற்காக இந்தளவுக்கு சிரமம் எடுத்துக்கொண்ட உங்கள் யாவருக்கும் அந்த ஆண்டவன் நல்ல ஆரோக்கியத்தையும், உங்கள் வணிகத்தில் அபிவிருத்தியையும் தருவானாக என்று இந்த நேரத்தில் வேண்டிக் கொள்கிறேன்...

இவ்வாறு அனிதா ஆர்.ராதாகிருஷ்ணன் தெரிவித்தார்.

கூட்டத்தில் திரளான பொதுமக்கள் கலந்துகொண்டனர். கூட்டம் நிறைவுற்றதும் அவர்கள் அனைவரும் பேருந்துகளில் தத்தம் பகுதிகளுக்கு புறப்பட்டுச் சென்றனர்.

{TAGS} election election 2011 assembly election dmk d.m.k. anitha

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. அதிகம் கிண்டவான்டாமா!!
posted by சாளை S.I.ஜியாவுதீன் (அல்கோபார்.) [14 April 2011]
IP: 2.*.*.*

Saudi Arabia | Comment Reference Number: 3944

ஆர்வமுடன் ஊர் வந்து தங்களின் கடமையான ஓட்டை பதிவு செய்த அன்பர்களுக்கு நன்றிகள்.

அண்ணாச்சி அனிதா அவர்கள் தமிழகத்தில் அதிக ஓட்டு வித்தியாசத்தில் ஜெயித்து, மீண்டும் மந்திரி ஆவார் என்ற நம்பிக்கை உண்டு. அட்வான்ஸ் வாழ்த்துக்கள்.

இனி நம் குறைகளையும், IIM இல் கொடுத்த கோரிக்கைகளையும் நிவர்த்தி செய்வார் என்றும் நம்புகிறோம்,
செய்வார்..செய்வார்..கண்டிப்பாக.

சரிங்க, குறிப்பிட்ட ஊர்களில் இருந்து ஓட்டு போட வந்தவர்கள் தாங்களின் செலவில் வரவில்லையாமே!! இங்கு தம்மாம் பகுதியில் நம் ஊர் மக்கள் ஒரு பெரிய விமானம் கொள்ளளவுக்கு அதிகமாக இருக்கிறோம், எங்களுக்கும் ஒரு விமானம் ஏற்பாடு செய்து இருக்கலாம் அல்லாவா.. கொஞ்சம் கூடுதல் செலவு பிடித்து இருக்கும், அவ்வளவுதான்..

என்னது..... அதிகம் கிண்டவான்டாமா!! சோறு குழைந்து விடுமா!!... சரி விடுங்க. சிரமப்பட்டு வந்தவர்களுக்கு பாராட்டுக்கள்.