{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 64ஆவது குடியரசு தினம், 26.01.2013 அன்று நாடெங்கும் கொண்டாடப்பட்டது.

குடியரசு தினத்தையொட்டி, அன்று காலை 09.00 மணியளவில், தூத்துக்குடி மாவட்ட ஆட்சியரக பெருந்திட்ட வளாகம் – காவல்துறை மைதானத்தில் குடியரசு தின விழா நடைபெற்றது.

தூத்துக்குடி மாவட்ட ஆட்சியர் ஆஷிஷ் குமார் தேசிய கொடியேற்றி, மரியாதை செலுத்தினார்.



இவ்விழாவில், மாவட்ட ஆட்சியர் ஆஷிஷ் குமார் முன்னிலையில், மாவட்டத்திலுள்ள பள்ளிக்கூடங்களின் மாணவ-மாணவியர் கலை நிகழ்ச்சிகளை நடத்திக் காண்பித்தனர்.

காயல்பட்டினத்திலிருந்து, எல்.கே.மெட்ரிகுலேஷன் மேனிலைப்பள்ளியின் 110 மாணவ-மாணவியர் விழாவில் கலந்துகொண்டு கலை நிகழ்ச்சிகளை நடத்தினர்.

கலை நிகழ்ச்சியில் பங்கேற்றமைக்காக, பள்ளி தலைமையாசிரியர் மீனா சேகரிடம் மாவட்ட ஆட்சியர் ஆஷிஷ் குமார் கேடயம் வழங்கினார்.