IP: 116.*.*.* Singapore

ஊழல் எதிர்ப்பு இயக்கத்திற்கு பாராட்டுகள் பல.

- மண்ணின் மைந்தன்

Administrator: Comment edited

IP: 117.*.*.* India

இந்த இயக்கத்தின் கிளை நமது நகரில் ஆரம்பிக்கப்பட்ட சில நாட்களில் சிலர் இந்த இயக்கத்தை கொச்சை படுத்தி கேலியும் கிண்டலுமாக மக்கள் மத்தியில் பரப்ப செய்தார்கள்...

எந்த இயக்கமும் ஆரபித்த உடனேயே எதையும் செய்து விட முடியாது. அதற்கான நேரமும் சூழ்நிலைகளும் அமையவேண்டும் என்பதை நிரூபித்துள்ளார்கள் இந்த ஊழல் எதிர்ப்பு இயக்கம் - சென்னை அமைப்பின் காயல்பட்டினம் நகர கிளை சகோதரர்கள்... பாராட்டுகள்....

பொறுத்து இருந்து பார்போம் இந்த இயக்கத்தின் சார்பாக ஆட்சியரிடம் கொடுக்கப்பட்ட புகார் மீதான நடவடிக்கை என்னவென்று அறிவோம் விரைவில்...

Moderator: Comment edited!

IP: 101.*.*.* India

இதில் இருவழி பாதை பற்றிய புகாரையும் சேர்த்திருக்கலாம். குறிப்பாக நெசவு தெரு மூப்பனார் ஓடை மற்றும் ஜாமிவுல் அஷர் பள்ளி அருகே ரோடுகளை பார்க்கும் போது கற்காலத்தில் இருக்கிறோமா என்ற சந்தேகம் எழுகிறது.

IP: 176.*.*.* Saudi Arabia

பயனுள்ள பல அமைப்புகளை உருவாக்கி, அவற்றின் மூலம் தங்களால் இயன்ற அளவுக்கு நல்ல பணிகளைச் செய்துகொண்டிருக்கும் அன்பிற்குரிய சகோதரர்களுக்கு என் நெஞ்சார்ந்த நன்றிகள்.

இதுநாள் வரை புதிய சாலைகள் போடப்படும்போது, ரோடு ரோலர் வாகனத்தையும், வேலை செய்யும் பணியாளர்களையும் பராக்கு பார்ப்பதையும், ரோடு போட்டு முடிந்ததும், தூசி படாத புது ரோட்டைப் பார்த்துப் பார்த்து ரசிப்பதையும், மழைக்காலங்களில் அந்த ரோடுகள் பெயர்ந்தெழும்போது போட்டவனையும், பொறுப்பிலிருப்பவர்களையும் திட்டுவதையும் மட்டுமே வழமையாகக் கொண்டிருந்த எங்களுக்கு, இன்று ஒரு ரோடு இப்படித்தான் இருக்க வேண்டும், அதற்கு இப்படித்தான் தோண்ட வேண்டும் என்ற விபரங்கள் எல்லாம் உள்ளது என்பதே இப்போதுதான் விளங்குகிறது.

என்ன செய்ய பொருளாதாரத்தை ஈட்டுவதற்காக நாங்கள் கடல் கடந்து வந்துவிட்டோம். ஊரில் இருக்கும் ஒரு சிலரோ தம் சக்திக்கு மிஞ்சி பணியாற்றுவதைப் பார்க்கையில் ஒரு பக்கம் மகிழ்ச்சியாகவும், இன்னொரு பக்கம் அவர்களுடன் நானும் களத்தில் நிற்க முடியவில்லையே என்று ஆதங்கமாகவும் உள்ளது.

இந்த நல்லவர்கள் எடுக்கும் நன்முயற்சிகளுக்கு வல்ல அல்லாஹ் நிறைவான பலனையும், அதில் ஈடுபடுவோருக்கு நற்கூலிகளையும், எதிர்ப்போருக்கு உண்மையை உணரும் பாக்கியத்தையும் வழங்கியருள்வானாக..

IP: 195.*.*.* United Arab Emirates

ஊழல் எதிர்ப்பு இயக்கத்தினர் மாவட்ட ஆட்சியரிடம் முறையிட்டமைக்கு நன்றிகளும், வாழ்த்துக்களும்.

மாவட்ட ஆட்சியர் உறுதி அளித்துள்ள படி உயர்மட்ட அதிகாரிகள் அவர்களது கடமையை உணர்ந்து நேர்மையாக ஆய்வு செய்வார்களேயானால்! நகராட்சி ஆணையர், ஒப்பந்தக்காரர்/கள் மற்றும் தொடர்புடையவர்கள் மீதான சட்ட நடவடிக்கை மேற்கொள்ளப்படும் என்பதில் சந்தேகம் இல்லை.

சகோ. ஹமீத் ரிபாய் கூறியது போல், நம்மில் பெரும்பாலானோர் இதுவரை சாலை போடும் விதத்தை "பராக்கு" பார்த்தோம் என்பதில் மாற்று கருத்து இருக்க முடியாது. அது ஒரு தொடர்கதையாக இனி இருக்காது என்ற நம்பிக்கை துளிர் விடுகிறது.

ஒரு சாலை அமைக்கப்படும்போது என்ன என்ன விதிமுறைகள் பின்பற்றப்பட வேண்டும் என்பதை சமீபத்தில் (News ID # 10086) அறியத்தந்த இவ்விணையதளத்திற்கு நன்றியும், வாழ்த்துக்களும்.

IP: 188.*.*.* Saudi Arabia

மாங்காயை போட்டவுடன் மாமரமாக வந்திடாது, எந்த இயக்கமும் தோன்றியவுடன் நாம் நாடும் பயனை பட்டென்று தந்துவிடவும் முடியாது.

பலதையும் ஆராய்ந்து அதன் சாத்தியக்கூறுக்கேற்ப ஆக்கப்பூர்வமாக, மக்களுக்கு பயனாகும் நற்பணிகளை செய்ய முன்வரும் எந்த புதிய இயக்கத்தையும் வரவேற்று உற்ச்சாகப்படுத்துதல் வேண்டும்!

தயவு செய்து அனுபவத்திலுள்ள பழமையான இயக்கத்தோடு ஒப்பிட்டு பார்க்கவேண்டாம்! பிறந்த பிள்ளை தவழ்ந்து பின் நடைபழகி பிறகுதான் நிலையாக நிற்கமுடியும்!

எந்த செயலுக்கும் பொறுமை காட்டி அவர்களுக்கு பக்கபலமாக இருந்தால், எல்லாம் வல்ல அல்லாஹ் அனைத்தையும் வெற்றியாகித் தருவான்!

புண்ணிய காரியங்களை கையில் எடுத்திருக்கும் கண்ணியவான்களே, உங்கள் உண்மையான உழைப்புக்கு பக்கபலமாக பக்கத்தில் இல்லாவிட்டாலும் படைத்தாளுபவனிடம் பிரார்த்தித்தவனாகவே இருக்கிறேன்!

வெற்றிக்கனி விழத்தயாராகி விட்டது கைகளில் அடைய கனபொழுது காத்திருந்தாலே போதும்!

அல்லாஹ் அனைத்தையும் அறிந்தவன்!

அன்புடன்,
முஹம்மது ஆதம் சுல்தான்.