IP: 59.*.*.* India

அருமை... அருமை...!

இஸ்லாமிய பள்ளியில், இறைமறையை கிராஅத் ஓதி நிகழ்ச்சிகளைத் துவக்கி, சினிமா பாடலும், சினிமா பாடலுக்கு ஆடலும், துள்ளலும், நாட்டுப்புற பாடலுக்கு ஆடலும் நடைபெற்றதா..!!..!! ஆஹா.. ஆஹா.. அருமையிலும் அருமை.

இப்படியே தொடரட்டும் இஸ்லாமிய கலாச்சாரம்.

இதில் ஒருவர் ஆடல் நிகழ்ச்சிகளை பாராட்டி, வரும் காலத்தில் இவர்கள் மிகச்சிறந்த நடனக்கலைஞர்களாக திகழ வாழ்த்தினாராம். புல்லரிக்கின்றது.

சாளை S.I.ஜியாவுத்தீன், காயல்பட்டினம்

IP: 117.*.*.* India

பள்ளிகளில் அதுவும் ஆரம்பப் பள்ளிகளில் ஆண்டு விழா எனும் பெயரில் நடத்தப்பட்டு வரும் கலாச்சார சீரழிவு தான் சினிமாப் பாடல்களுக்கு மழலைகளை ஆடவிட்டு அழகு பார்ப்பது ரசிப்பது. சிறுமியர்கள் தன் பிஞ்சு இடுப்பை வளைத்து மார்பை நிமிர்த்தி முகத்தில் காதல், காமம், கவர்ச்சி என நவரச பாவங்களையும் வரவழைத்து ஆட்டம் போடுவதை அமர்ந்திருக்கும் அனைத்து குழந்தைகளும், பெற்றோர்களும், ஆசிரியைகளும் பார்த்து ரசித்து நாசமய்ப் போன விரசமான பாடல்வரிகளை மேற்குறிப்பிட்ட அனைவரும் முனுமுனுத்து கொண்டிருக்கும் அவல நிலை!

கல்வியை, ஒழுக்கத்தை தூய சிந்தனைகளை வித்திட்டு விதைக்கும் களமான கல்விக்கூடங்கள் ஒழுக்க மேம்பாடை உன்னத வாழ்கைக்கு உதவும் வழிகளில் எத்தனையோ நல்ல பல ஆரோக்கியமான போட்டிகளை நடத்தி மாணவர்களுக்கு ஊன்றுகோலக இருப்பதை விட்டுவிட்டு இப்படி ஆபாச நடனத்தை பிஞ்சுகளின் அடி மனதில் நஞ்சாக விதைக்கும் கொடுமை! இதற்கு நம் சமுதாய ஆர்வலர்களும், இறை இல்லத்தின் முத்தவல்லியாக இருப்பவர்களும் தலைமை தாங்கி வழி நடத்தும் கேவலம்!

இறைமறை ஓதித் துவங்கிய நிகழ்ச்சியில் இப்படி இடுப்பை வளைத்து ஆடும் ஆட்டம் பாட்டங்கள் தேவைதானா? இச் செயலை நாம் அங்கீகரித்தால் அதன் விளைவுகளுக்குத் துணை போகும் நம்மை இறைவன் தான் மன்னிப்பானா? இதில் உச்சகட்ட கொடுமை என்னவெனில், இறுதியாக பேசிய அப் பள்ளியின் தலைமை ஆசிரியர் ”நீங்கல்லாம் நான் எதிர்பார்த்ததை விட நல்லா ஆடி அசத்திட்டீங்க! இனி அடுத்த வருடம் இதை விட நல்லா ஆட இப்போதே ப்ராக்டீஸ் பண்ணிக் கொள்ளுங்க நானே பரிசுகளை தருவேன்” என பிஞ்சு மழலைகள் மனதில் நஞ்சைத் தூவிய கேவலம்! இதைத்தான் நம்மால் பொறுக்க முடியவில்லை!

முழுக்க முழுக்க இஸ்லாமியர்களால் நிர்வகிக்கப்படும் இது போன்ற பள்ளிகளில் அரங்கேறும் இத்தகைய கொடுமைகளை நாம் எத்தனை முறை தட்டிக் கேட்டாலும் அது செவிடன் காதில் ஊதிய சங்காகவே இருப்பதை எண்ணி, நெஞ்சு பொறுக்குதில்லையே இந்த நிலை கெட்ட மாந்தர்களை நினைத்து விட்டால் எனும் பாரதியின் ஆவேச வரிகள் தான் வலியாக நம் அடி மனதில் உருவாகின்றது.

-ராபியா மணாளன்.

IP: 117.*.*.* India

சாளை S.I.ஜியாவுத்தீன் மற்றும் M.N.L.முஹம்மது ரபீக் இவர்களின் ஆதங்கம் வரவேற்புக்குரியது... பள்ளி பாலகன் மனதில் நாட்டு பற்றையும் ஒழுக்கத்தையும் திணிப்பதை தவிர்த்து ஆண்டு விழா என்ற பெயரில் பிஞ்சி மனதில் நஞ்சை ஊற்றும் இந்த நிகழ்ச்சி வன்மையாக கண்டிக்க படவேண்டும்...

இனி வரும் ஆண்டு விழாக்களில் இது போல் அசிங்கங்களை தவிர்த்து கொள்ளுங்கள்... இல்லையனில் தவிர்க்க உட்படுத்த படுவீர்கள் திரளான மக்கள் முன்னிலையில்...

Moderator: Comment edited!

IP: 117.*.*.* India

எல்லாம் சரிதான். ஆனால் ஆடல் பாடல், திரை மெட்டுக்கு ஏற்றாற்போல் நடனம், மாறுவேட போட்டி..

நமது இஸ்லாமிய கலாசாரம் கப்பலேறுகிறது, அனாச்சாரம் அரங்கேறுகிறது என்றுதானே கமலாவதியை வெறுத்து ஒதுக்கி நமதூரில் ஒரு பாரம்பரியம் மிக்க பள்ளியில் நம் பிள்ளைகளை பெற்றோர் உங்கள் கைகளில் ஒப்படைக்கிறார்கள்.

எனதருமை நிர்வாகிகளே, இனிய உடன் பிறப்புக்களே, நமது பார்வை திசை மாறுகிறதா, எங்கோ தவறு நடக்கிற மாதிரி தெரிகிறதே...கொஞ்சம் மாற்றி யோசியுங்கள்.

மங்கை சூதகமானால் கங்கையில் நீராடலாம். கங்கை சூதகமானால் எங்கே நீராடுவது என்று தமிழில் ஒரு சுலோகம் உண்டு. நமக்கு கங்கை கூட ஓடும் நீர் என்பதால் அது சூதகமாவதில்லை. ஆனால் மங்கை...ஆம் அவர்கள் நமது தங்கைகள், நாளைய தாய்மார்கள்.அடுத்த சந்ததிகளை பெற்று தரும் குலக் கொழுந்துகள். நாம் கோடு போட்டால் அவர்கள் ரோடு போடுவார்கள். நாம் புள்ளி வைத்தால் அவர்கள் கோலம் போடுவார்கள். ஆனால் நாம் போடும் கோடும் புள்ளியும் நமது மார்க்க எல்லைக்குள் இல்லாவிட்டால், விளைவுகள் அவர்களை எங்கே கொண்டு போய்விடும்...பயமாக உள்ளது. அல்லாஹ் பாதுகாப்பானாக.

உங்கள் அணுகுமுறையை மாற்றிக் கொள்ளுங்கள்.தவறினால் பெற்றோர்கள் தங்கள் பிள்ளைகளை வேறு இடத்துக்கு மாற்றிக் கொள்வார்கள். தொன்று தொட்டு நீங்கள் மிக கஷ்டப்பட்டு பெற்ற உயர்ந்த நன் மதிப்பு கேள்விக்குறியாக முன் விழித்துக் கொள்ளுங்கள்.

IP: 115.*.*.* India

இனிமையான குணம் கொண்டவரும் சிறந்த எழுத்தாளருமான ஹிஜாஸ் மைந்தனிடம் இவ்வளவு வெப்பமான கருத்து பதிவு எதிர்பார்க்காத ஒன்றாகும். இதை போன்ற விமர்சனங்களுக்கு பிறகாவது சம்பந்த பட்ட பள்ளியின் மேன்மைக்குரிய நிர்வாகிகள் வரும் காலங்களில் இதை போன்ற சினிமா ஆடல் பாடல் நிகழ்சிகள் நடை பெறாத வண்ணம் சம்பந்த பட்ட ஆசரியர்களுக்கு உத்தர விட வேண்டும் என்று பணிவோடு கேட்டு கொள்கிறேன்.

ஆண்டு விழா என்றாலே சினிமா பாடல்களை கொண்ட ஆடல் நிகழ்ச்சி இரண்டு வைப்பது ஆசரியர்களுக்கு வழக்கமான சம்பிரதாயமாக ஆகிவிட்டது.இதை தவிர்த்து எத்தனையோ மக்களை கவரும் நிகழ்சிகளை நடத்தலாமே?

நம் ஊரில் சில பள்ளிகளில் இதை போன்ற நிகழ்சிகளுக்கு நிர்வாகிகள் நடத்த தடை செய்திருப்பது வரவேற்கதக்கது. அதற்காக ஹிஜாஸ் மைந்தன் அவர்கள் கருத்து பதிவில் காதல், காமம் என்ற வாசகங்களை தவிர்த்து இருந்தால் நன்றாக இருந்து இருக்கும். குறைகளை சுட்டி காட்டும் பொழுது கூட மென்மையான வார்த்தைகளை பயன்படுத்துவது சம்பந்த பட்டவர்கள் குறைகளை விரைவில் களைவதற்கு ஏதுவாக இருக்கும்.

எனவே ஹிஜாஸ் மைந்தன் போன்ற நல்ல எழுத்தார்கள் வரும் இளைய எழுத்தாளர்களுக்கு முன்மாதிரியாக இருக்க என் இனிய வாழ்த்துக்களை தெர்விக்கிறேன்.வரும் காலங்களில் இதை போன்ற கலாசார சீரழிவை ஏற்படுத்தும் நிகழ்சிகள் பள்ளி விழாக்களை நடைபெறாது என நம்புவோம்.