காயல்பட்டினம் சதுக்கைத் தெரு, அர்ரஹீம் மீலாது குழுவின் சார்பில், இறைத்தூதர் நபிகள் நாயகம் ஸல்லல்லாஹு அலைஹி வஸல்லம் அவர்களின் பிறந்த நாள், புனிதப் போராளிகளின் நினைவு நாள், மஹான் முஹ்யித்தீன் அப்துல் காதிர் ஜீலானீ ரஹ்மத்துல்லாஹி அலைஹி அவர்களின் நினைவு நாள் ஆகியவற்றை நினைவுகூரும் வகையில் முப்பெரும் விழா இம்மாதம் 25ஆம் தேதியன்று நடத்தப்படவுள்ளது.
காயல்பட்டினம் சதுக்கைத் தெரு ஜன்னத்துல் காதிரிய்யா பெண்கள் தைக்காவில் நடைபெறும் இவ்விழாவில், அன்று மாலை 05.00 மணிக்கு, காயல்பட்டினம் முஅஸ்கர் மகளிர் அரபிக்கல்லூரி மாணவியர் வழிநடத்தலில், சிறுவர் - சிறுமியர் பங்கேற்கும் சன்மார்க்க நிகழ்ச்சிகளும், மஃரிப் தொழுகைக்குப் பின் திக்ர் மஜ்லிஸும், இஷா தொழுகைக்குப் பின் சன்மார்க்க சொற்பொழிவு நிகழ்ச்சியும் நடத்தப்படவுள்ளது.
காயல்பட்டினம் மஹ்ழரா அரபிக்கல்லூரியின் பேராசிரியர் மவ்லவீ ஹாஃபிழ் எஸ்.செய்யித் அப்துர்ரஹ்மான் தங்ஙள் அஹ்ஸனீ ஃபாழில் பாக்கவீ சன்மார்க்க சொற்பொழிவாற்றுகிறார்.
விழா ஏற்பாடுகளை, விழாக்குழு தலைவர் ஹாஜி எம்.எஸ்.மஹ்மூத் ரஜ்வீ, துணைத்தலைவர் ஹாஜி எம்.கே.அப்துல் ஹை உள்ளிட்டோரடங்கிய குழுவினர் செய்து வருகின்றனர். |
