IP: 117.*.*.* India

அடேயப்பா, இவ்வளவு நில உரிமையாளர்கள் இந்த ஊரில் இருக்கிறார்களா... இப்படி இருந்துமா குப்பை கொட்டுவதற்கு இடம். பயோ காஸ் தொழ்ற்சாலை கட்டுவதற்கு இடம் கேட்டு நகர்மன்றம் பாடாய் படுகிறது. அனாவசியமாக சட்ட திட்டங்களை இறுக்கமாக்கி நில உரிமையாளர்களின் மனங்களையும் இறுக்கமாக்கி நல்ல விஷயங்களுக்கு ஊர் நலத்துக்கு தாராளமாக நிலம் தந்து உதவும் நல்லவர்களையும் காயப்படுத்துகிறார்களே இது நியாயமா. இதைவிட நில உரிமாயாளர்கள் இத்தனை ஏக்கர் பிளாட் போடும்போது ஊரில் உள்ள ஏழை மக்களுக்கு இரண்டு வீட்டு தரை இனாமாக கொடுங்கள், பள்ளிக் கூடம் கட்ட, நியாய விலைகடை கட்ட ஒரு நிலம் தாருங்கள் என்று கேட்கலாமே..

அப்படிதானே அந்த காலத்தில் ஆனா கானாகுடும்பம் புளியங்க்கொட்டயார் குடும்பர், எம்கேடி குடும்பம். எல்கேஎஸ் குடும்பம் குளத்தார் குடும்பம் பீ எஸ்கேவீ குடும்பம். எஸ்ஸோ குடும்பம் எல்லோரும் ஊருக்காக நிலங்களை வாரி வழங்கினார்கள். அவர்கள் சரித்திரத்தில் வாழ்கிறார்கள்.

இப்படி பணம் பணம் என்று நில உரிமையாளர்களும் அதற்கு துணை போகும் அரசுகளும் ஆலாய் பறந்தால் , காலப் போக்கில் நமதூரில் பரந்து விரிந்து கிடக்கின்ற கடலையும் பிளாட் போட்டு விற்கும் காலம் வரும். அப்போதும் நகர்மன்றம் எங்களுக்கு இங்கு ஒரு பாதை மட்டும் போட்டு தாருங்கள் என்று கேட்டு பிளாட் போடா அனுமதி வழங்குவார்களோ!

பணத்தின் மீதுதான் பக்தி என்ற பின் பந்த பாசமே ஏடதடா..பதைக்கும் நெஞ்சினை அணைக்கும் யாருமே அண்ணன் தம்பிகள் தானடா...பாடல் ஞாபகம் வருகிறதா? என்று தணியும் இந்த நிலம் புலம் அதிகம் வேண்டும் என்ற தாகம்?

IP: 88.*.*.* Saudi Arabia

நிலம் வாங்கி விற்பனை செய்பவர்களே, நீங்க எங்களுக்கு (நடுத்தரம், ஏழை) சும்மா அடிமாட்டு விலைக்கு நிலம் தர வேணாம். அநியாயமா விலையை பலமடங்கு அதிகரித்து எண்கள் வயற்றில் அடிக்காதீர்கள்.

அடிப்படை தேவைக்கு கூட இரத்தத்தை சிந்தி உழைப்பவன் ஊரில் சிறு நிலம் வாங்க முடியவில்லை. இதுக்கெல்லாம் அல்லாஹ்விடம் பதில் சொல்லியாகனும்.

என்ன வரி போட்டாலும் இவங்களுக் என்ன பாதிப்பும் இல்லை அதையும் சேர்த்தே வாங்குறான் தலைலை தான் கட்டுவார்கள்.

IP: 180.*.*.* India

OSR எனப்படும் திறந்த வெளி நில ஒதுக்கீடு விஷயத்தில் அரசு கண்டிப்பாக இருப்பதுதான் ஊர் மக்கள் அனைவருக்கும் நல்லது. இந்த விஷயத்தில் நமதூர் நில உரிமையாளர்களும் , வணிகர்களும் தங்கள் நலத்தைப்பற்றி மட்டும் சிந்திக்கக்கூடாது.

இவர்கள் நில வணிகத்தில் தங்களுக்கு கிடைக்கும் லாபத்தில் சற்று குறைத்துக்கொண்டாலே OSR க்கு நிலம் அளிப்பது சாத்தியமாகி விடும்.

மஸ்ஜிதுகள் ,உள்ளூர் நிதியச்சாலை , பள்ளிக்கூடங்கள், அரசு மருத்துவமனை , விளையாட்டு திடல்கள் ,நகராட்சி அலுவலகம் , போன்றவைகள் இன்று நமதூரில் கம்பீரமாக நிமிர்ந்து நிற்பதற்கு காரணம் அன்றைய எம் பெருமை மிகு முன்னோர்களின் ஈகை குணம்தான்.

நல்லவேளை அந்த சீமான்கள் காலத்தால் முந்தி விட்டார்கள். இல்லாவிட்டால் நமதூர் புதிர் விளையாட்டு சதுரம் போல் மாறியிருக்கும். வீடுகளுக்குள் வந்து போக ஹெலிகாப்டரின் உதவியைத்தான் நாட வேண்டியிருந்திருக்கும்.

வரைமுறையற்று நடக்கும் நில வணிகத்தால் நிலத்தின் , மனையின் மதிப்பு செயற்கையாக வீங்க வைக்கப்பட்டுள்ளது. சாமானியர்களுக்கு நிலம் வாங்க முடியவில்லை.

அரசுகள் எத்தனை சட்டம் போட்டாலும் நம் மனம் மாறாத வரை பெரிதாக ஏதும் பலன் ஏற்படப்போவதில்லை.

அன்பான நில வணிகர்களே ! உரிமையாளர்களே !

.நிலம் மனை வாங்கி விற்கும் விஷயத்தில் இரக்கத்தோடும் சமூக அக்கறையோடும் செயல்படுங்கள். சாமானியர்களின் பொதுமக்களின் நலனையும் நிலையையும் கருத்தில் கொள்ளுங்கள். அல்லாஹ் உங்களின் வணிகத்தில் அருள் வளம் செய்வானாக !

IP: 89.*.*.* Bahrain

தற்பொழுது இருக்கும் நம் பஞ்சயத் நிலம் தோல் சாப்பு குடும்பத்தாரால் நன்கொடையாக கொடுக்கப் பட்டது என்பதை நினைவு கூற விரும்புகிரன்..

இதற்கான கல்வெட்டு உள்ளது..

IP: 115.*.*.* India

நம் ஊரு நில உரிமையாளர்களிடம் நகராட்சி தலைவி நடத்திய கலந்தோசனை கூட்டம் மிகவும் வரவேற்கதக்கதும், பயனுள்ளதும் ஆகும். நில உரிமையாளர்கள் மத்தியில் நகராட்சி தலைவி ஆலோசனை வழங்கியபோது நில உரிமையாளர் LAYOUT அமைக்கும்பொழுது குறிப்பிட்ட இடத்தை பொது வசதிக்காக விட்டு அந்த இடத்தை நகராட்சிக்கு வழங்கவேண்டும் என்று கோரிக்கை வைத்தார்கள்.

அப்படி செய்தால் பிளாட் விலை அதிகரித்து விடும் என்பதை கருத்தில் கொண்டு நில உரிமையாளர்கள் மறுத்து விட்டார்கள். இது சரியா? தவறா? என்பதற்கு முன்னாள் சில அடிப்படை விசயங்களை விளங்க வேண்டும். இது வரையில் நம் ஊரில் போடப்படுகிற ப்ளாட்டுகள் எதுவும் DTCP என்ற அரசு துறை நிறுவனத்திடம் ஒப்புதல் பெறாத UN APPROVED PLOT என்பதுதான் நிதர்சன உண்மையாகும்.

நம் ஊரு நில உரிமையாளர்கள் DTCP ஒப்புதல் வாங்க முயற்சி செய்தார்கள். ஆனால் அதற்கு நகராட்சி எந்த வழிகாட்டுதலையும் நில உரிமையாளர்களுக்கு வழங்கவில்லை. எனவே இது கடினமான விஷயம் என்பதாலும், நிறைந்த பண செலவும் ஏற்படும் என்பதாலும் DTCP இல்லாத UN APPROVED பிளாட்களே நடைமுறை வழக்கமாக நடந்து வருகிறது.

இந்த சூழ்நிலையில் பொது இடத்துக்காக இடம் கொடுத்தால் ஏற்கனவே விஷம் போல் ஏறி உள்ள பிளாட் விலை இன்னும் எகுரிவிடும். எனவே நகராட்சி தலைவி அவர்கள் நில உரிமையாளர்கள் இனி அமைக்க இருக்கும் ப்லாட்டுகளுக்கு அரசின் DTCP ஒப்புதலை எளிதாக எடுப்பதற்கு தாங்கள் அதில் உள்ள விசயங்களை அதிகாரிகளோடு ஆராய்ந்து நில உரிமையாளர்களுக்கு ஆலோசனை வழங்கவேண்டும்.

இது எளிதாக்க படுமானால் தானாகவே DTCP பிளாடுகளின் சட்ட விதி படி அகலமான ரோடு, பொது வசதிக்காக இடம் விடுதல் என அணைத்து அம்சம் கொண்ட APPROVED பிளாட்டாக மாற்றிவிடும்.

நகராட்சி தலைவி இந்த விசயத்தில் தனி முயற்சி செலுத்தவேண்டும் என்று நில உரிமையாளர்கள் மற்றும் நில வியாபாரிகள் சார்பில் கேட்டுகொள்கிறேன்.

YOURS,
NIZAR
DEEVU STREET,

IP: 146.*.*.* Saudi Arabia

நமதூர் முன்னோர்கள் பரந்த மனப்பான்மையுடன் ஒவ்வரு வீட்டின் அருகிலும், முன்னும், பின்னும் முடுக்கு விட்டு ஐந்து ஆறு வீடுகள் முடிந்து நான்கு பக்கமும் வெட்டை என்ற பெயரில் பெண்கள் அளவளாக வேண்டி சுமார் இருபது முப்பது அடிகள் ஒதுக்குவார்கள். அங்கே பெண்கள் மட்டும் மாலை பொழுதில் அமைதியாக பல்லாங்குழி, தாயம், புளியமுத்து கொத்துதல், கொல்லன்கொட்டை கொத்துதல் போன்ற விளையாட்டு விளையாடுவார்கள்.மற்றுமல்ல அந்த வெட்டைகள் திருமணம், போன்ற நிகழ்சிகளில் சமையல் செய்தல், மற்றும் பெண்கள் நிகழ்சிகள் நடக்கும்.

ஆனால் தற்போது முடுக்கு நான்கு அடிகூட விடுவதே இல்லை. ஏன்? ஏற்கனவே முதுகுக்கு என்று ஒதுக்கிய பகுதிகளை கூட பிளாட் உடன் சேர்த்து 20 x 40 என்ற அளவுகளில் போடுகிறார்கள். ஒரு பத்து வருடங்களுக்கு முன் போட்ட பிளாட்டுகளில் எல்லாம் முடுக்கு விட்டு இருந்தார்கள். ஆனால் தற்போது அந்த நடை முறை எள்ளளவேனும் பேண பட வில்லை.

தயவு செய்து இனியாவது பிளாட் போடும் போது முடுக்கு விட்டு நிகழ்சிகள் நடக்க பொது பகுதி ( சமுதாய ) அமைத்தும் கொடுத்து நமதூர் மக்கள் தங்கள் வீடு நிகழ்சிகளை நடு ரோட்டை அடைத்து கொண்டு நடத்தி கொண்டிருப்பதை தவிர்க்கலாம். தயவு செய்து நில உரிமையாளர்களே சிந்தித்து நமதூர் கலாசாரம் காப்பற்றப்பட ஒத்துழைப்பு நல்குமாறு நமது முன்னோர்கள் எப்படி பரந்த மனதுடன் செயல் பட்டார்களோ அது போன்று செயல் பட வெளி நாடு வாழ் காயல் மக்களின் சார்பில் அன்புடன் கேட்டு கொள்கிறோம்.

நன்றி

M .E .L .நுஸ்கி
மற்றும் ரியாத் வாழ் காயல் சகோதரர்கள்
ரியாத்
சவுதி அரேபியா