{ முகநூல் கருத்துக்கள்}{ட்விட்டர் கருத்துக்கள்}

வரும் கல்வியாண்டில் புதிதாகத் துவக்கப்படவுள்ள Wisdom Public School பள்ளியின் அமைவிடத்தில், பெற்றோர் சந்திப்பு நிகழ்ச்சியை இம்மாதம் 03ஆம் தேதியன்று நடத்திட பள்ளியை நிர்வகிக்கும் VISION EDUCATIONAL TRUST சார்பில் தீர்மானிக்கப்பட்டுள்ளது. இதுகுறித்து, வெளியிடப்பட்டுள்ள அறிக்கை வருமாறு:-

அன்புடையீர், அஸ்ஸலாமு அலைக்கும் வரஹ்மத்துல்லாஹி வபரக்காதுஹ்...

இறையருளால், நமது Wisdom Public Schoolஇல், வரும் கல்வியாண்டில் முதற்கட்டமாக Pre KG முதல் 05th Standard வரை துவக்கப்படவுள்ளது.

இன்ஷாஅல்லாஹ், வரும் கல்வியாண்டு முதல், காட்டு மகுதூம் பள்ளியை அடுத்து அமைந்துள்ள செயின்ட் தாமஸ் மெட்ரிகுலேஷன் பள்ளி எதிரில் Wisdom Public School அமையவுள்ளது. அதற்கான கட்டிடப் பணிகள் வேகமாக நடைபெற்று வருகிறது. வரும் கல்வியாண்டில் Pre KG முதல் 05th Standard வரை துவக்கப்படவுள்ளதாகவும், மாணவர் சேர்க்கை குறித்தும் அறிவிக்கப்பட்டதையடுத்து ஏராளமான பெற்றோர் தம் குழந்தைகளை பள்ளியில் சேர்த்துள்ளனர், அல்ஹம்துலில்லாஹ்!

பள்ளியில் சேர்க்கை அனுமதி பெற்றுள்ள அனைத்து மாணவ-மாணவியரின் பெற்றோருக்கும், பள்ளி அமைவிடத்தை நேரில் காண்பிப்பது என எமது Vision Educationl Trust சார்பில் தீர்மானிக்கப்பட்டுள்ளதன் அடிப்படையில், இன்ஷாஅல்லாஹ் இம்மாதம் 03ஆம் தேதி - ஞாயிற்றுக்கிழமை (நாளை மறுநாள்) மாலை 04.15 மணியளவில், காயல்பட்டினம் அல்ஜாமிஉல் அஸ்ஹர் ஜும்ஆ மஸ்ஜித் அருகில் அமைந்துள்ள - Vision Educational Trust அறக்கட்டளையின் அலுவலகத்திலிருந்து - அனைத்து பெற்றோரையும் வாகனம் மூலம் பள்ளி அமைவிடத்திற்கு அழைத்துச் சென்று காண்பிக்கவும், சிற்றுண்டி உபசரிப்பு செய்யவும் விரும்புகிறோம். அனைத்து பெற்றோரும், அவசியம் வருகை தருமாறும், குறித்த நேரத்திற்கு முன்பாக குறிப்பிட்ட இடத்தில் ஒன்றுகூடுமாறும் அன்புடன் கேட்டுக்கொள்கிறோம்.

இதுகுறித்து, சேர்க்கை அனுமதி பெற்றுள்ள அனைத்து மாணவ-மாணவியரின் பெற்றோருக்கும் முறைப்படி தகவல் தெரிவிக்கப்பட்டு வருகிறது என்பதையும் அன்புடன் அறியத் தருகிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.