{ முகநூல் கருத்துக்கள்}{ட்விட்டர் கருத்துக்கள்}

திருச்செந்தூர் கோயிலில் நடைபெறும் வைகாசி விசாக திருவிழாவை முன்னிட்டு, இம்மாதம் 24ஆம் தேதியன்று உள்ளூர் விடுமுறை அறிவிக்கப்பட்டுள்ளது.

இதுகுறித்து, தூத்துக்குடி மாவட்ட ஆட்சியர் ஆஷிஷ் குமார் இன்று வெளியிட்டுள்ள அறிக்கையில், திருச்செந்தூர் சுப்பிரமணிய சுவாமி கோயிலில், வைகாசி மாதம் 10ஆம் நாள் - அதாவது 24.05.2013 அன்று வைகாசி விசாக திருவிழா நடைபெறவுள்ளதாகவும், அதனை முன்னிட்டு, தூத்துக்குடி மாவட்டம் முழுக்க உள்ளூர் விடுமுறை அளிக்கப்படுவதாகவும், அன்றைய நாளில், அரசுத் தேர்வுகள் ஏதேனும் அறிவிக்கப்பட்டிருப்பின், அது தொடர்பான மாணவ-மணாவியர், ஆசிரியர்கள் மற்றும் பணியாளர்களுக்கு இவ்விடுப்பு பொருந்தாது என்றும் தெரிவிக்கப்பட்டுள்ளது.

இந்த விடுமுறைக்குப் பகரமாக, 08.06.2013 அன்று அலுவலக நாளாக அறிவிக்கப்படுவதாக அந்த அறிக்கையில் மேலும் தெரிவிக்கப்பட்டுள்ளது.