Kayal on the Web

செய்திகள்

செய்தி எண் (ID #) 10800

#KOTW10800

செவ்வாய், மே 14, 2013

DCW நிறுவனத்தின் ஆண்டிறுதி லாபம் 104 கோடி ரூபாய்! பங்குதாரர்களுக்கு 18% டிவிடென்ட் அறிவிப்பு!!

செய்தி: காயல்பட்டணம்.காம்
இந்த பக்கம் 2293 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

DCW நிறுவனத்தின் மார்ச் 31 முடிய காலாண்டு முடிவுகள் (Quarterly Results) இன்று வெளியாகி உள்ளன. இந்த காலகட்டத்தில் DCW வரவு 270 கோடி ரூபாய் என்றும், வரி மற்றும் இதர ஒதுக்கீடுகள் போக லாபம் 17 கோடியே 34 லட்சம் ரூபாய் என்றும் இந்நிறுவனம் தெரிவித்துள்ளது. சென்ற ஆண்டு இதே காலகட்டத்தின் (January 2012 – March 2012) வரவு 322 கோடி ரூபாய், லாபம் 3 கோடியே 67 லட்சம் ரூபாய்.

இக்காலாண்டில் DCW வின் குஜராத்தில் உள்ள சோடா ஆஷ் பிரிவின் வரவு 52 கோடி ரூபாய் (இலாபம் - 5.7 கோடி ரூபாய்), சாஹுபுரத்தில் உள்ள காஸ்டிக் சோடா பிரிவின் வரவு 120 கோடி ரூபாய் (இலாபம் - 24.05 கோடி ரூபாய்), பீ.வீ.சி. பிரிவின் வரவு 89 கோடி ரூபாய் (லாபம் - 2.84 கோடி ரூபாய்).

2012 - 2013 முழு ஆண்டின் வரவு 1318 கோடி ரூபாய். இதில் சோடா ஆஷ் பிரிவின் வரவு 183 கோடி ரூபாய் (இலாபம் – 10.29 கோடி ரூபாய்), சாஹுபுரத்தில் உள்ள காஸ்டிக் சோடா பிரிவின் வரவு 687 கோடி ரூபாய் (இலாபம் - 196.81 கோடி ரூபாய்), பீ.வீ.சி. பிரிவின் வரவு 430 கோடி ரூபாய் (நஷ்டம் - 19.22 கோடி ரூபாய்). வட்டி, வரிகளுக்கு பிறகான ஆண்டிறுதி லாபம் 104 கோடி ரூபாய்.

இன்று நடந்த கூட்டத்தில் பங்குதாரர்களுக்கு பங்கு ஒன்றுக்கு 18 சதவீத டிவிடென்ட் அறிவிக்கப்பட்டது.

மேலதிக விபரங்களுக்கு இங்கு அழுத்தவும்

{TAGS} dcw annual statement quarterly result dividend

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. ஆலை மென்மேலும் வளர வாழ்த்துகிறோம்.
posted by V D SADAK THAMBY (Guangzhou,China) [15 May 2013]
IP: 113.*.*.*

China | Comment Reference Number: 27416

நமது ஊர் தொழிற்சாலை அதிக லாபம் ஈட்டியதை அறிந்து மிக்க மகிழ்ச்சி.அது மென்மேலும் வளர்ந்து நம் ஊருக்கும் மக்களுக்கும் பயன்பெற வாழ்த்துகிறோம். இந்த ஆலையின் வாயிலாக நமது நகராட்சிக்கு அதிக வருவாய் கிடைக்க நம் நகராட்சி நிர்வாகம் முனைய வேண்டும்.ஆலை மூலம் நம் ஊர் மக்களுக்கு வேலை வாய்ப்புகள் பெருக வேண்டும். எனக்கு தெரிந்து நம் ஊரை சேர்ந்த நிறைய கெமிக்கல் பட்டதாரிகள் வெளியூர் /வெளிநாடுகளில் வேலை பார்கின்றனர். அம்மாதிரி தகுதி வாய்ந்த நபர்களுக்கு ஆலை நிர்வாகம் வேலைவாய்ப்பு அளிக்க வேண்டும்.

ஆலை மாசு விஷயத்தில் மாசு கட்டுப்பாட்டு வாரியத்தின் விதி முறைகளை அது பேனி நடந்தாலே போதுமானது.யாரும் ஆலையை மூடச்சொல்லி கோர முடியாது.

அது புதிதாக தொடங்கவிருக்கும் மின் உற்பத்தி நிலைத்யத்தின் நிலை பற்றி தெரியவில்லை. இந்த மின் உற்பத்தி நிலையத்தை செயல்படுத்துவதன் மூலம் தனது தேவைக்கு போக அதிக மின்னுற்பத்தி செய்தால்,உபரி மின்சாரத்தை தமிழ்நாடு மின்வாரியத்திற்கு விற்கும் நிலை ஏற்படும் . அதன் மூலம் சுற்றுவட்டார பகுதிகள் பயனடையும்.நமது ஊரும் பயன் பெரும்.

ஆலையின் கட்டுப்பாட்டில் உள்ள CBSE பள்ளி 10 வது வகுப்பு வரை மட்டுமே CBSE பாட திட்டத்தில் இயங்குகிறது. 12 வது வகுப்பு வரை CBSE பாட திட்டம் தொடர வழிவகை செய்ய வேண்டும்.இதன் மூலம் நம் வட்டாரத்தில் கல்வியில் போட்டி அதிகரிப்பதோடு மெட்ரோபாலிடன் நகரங்களில் கிடைக்கும் உயர்தர கல்வி வசதி கிராமப்புற மாணவர்களுக்கும் குறைந்த செலவில் கிடைக்கும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Live environmental friendly and let others also.
posted by JAHIR HUSSAIN VENA (VENA) [15 May 2013]
IP: 82.*.*.*

Bahrain | Comment Reference Number: 27417

Good News

Live environmental friendly and let others also.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. 12ம் வகுப்பு ஆரம்பிக்கும் பொழுது CBSE முறையிலேயே ஆரம்பிக்க பட்டது
posted by AbdulKader ThaikaSahib MSS (Riyadh, KSA) [15 May 2013]
IP: 37.*.*.*

Saudi Arabia | Comment Reference Number: 27419

சகோ. சதக் தம்பி அவர்களுக்கு.... பல ஆண்டுகளாக பத்தாம் வகுப்புவரை மட்டுமே இயங்கி வந்த ஆலையின் கட்டுப்பாட்டில் உள்ள CBSE பள்ளி 12ம் வகுப்பு ஆரம்பிக்கும் பொழுது CBSE முறையிலேயே ஆரம்பிக்க பட்டது, இரண்டு வருடங்கள் CBSE முறையில் நடைபெற்ற கல்வி பின்னர் சில தவிர்க்க முடியாத காரணங்களால் “State Board”முறைக்கு மாறியது.

“State Board” கல்வி முறைக்கு மாறிய பின்னர் CBSE மற்றும் “State Board” மாணவர்கள் ஒரே கட்டிடத்தின் கீழ் பயில கூடாது என்ற எதோ மாநில அரசின் விதியை பின் பற்றி, பள்ளியின் “Main Building”இன் “Ground Floor”இல் இடதுபுற பகுதி பெரிய “Iron Grill” கொண்டு தனியாக பிரிக்கப்பட்டது. இது நான் அப்பளியில் 11ம் வகுப்பு “First Term Exams” நடைபெற்றுகொண்டிருந்த பொது நிகழ்ந்த சம்பவம்.....

மாநில அரசின் விதியை பின்பற்றி ஒரு வருடத்திற்குள் (நான் 12ம் வகுப்பு பயிலும் பொழுது) “State Board”இற்கு தனியாக கட்டிடம் கட்டப்பட்டது.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்