Kayal on the Web

செய்திகள்

செய்தி எண் (ID #) 10805

#KOTW10805

புதன், மே 15, 2013

ஆஸாத் கோப்பை கால்பந்து 2013: சென்னை சிட்டி பொலிஸ் அணி அரையிறுதிக்குத் தகுதி! மாவட்ட ஆட்சியர் திடீர் விஜயம்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3102 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கம் சார்பில், மவ்லானா அபுல் கலாம் ஆஸாத் நினைவு சுழற்கோப்பைக்கான அகில இந்திய கால்பந்துப் போட்டிகள், இம்மாதம் 12ஆம் தேதி (இன்று) துவங்கி, 30ஆம் தேதி வரை நடைபெறுகிறது.

மே 15ஆம் தேதி புதன்கிழமை (இன்று) மாலையில் நடைபெற்ற முதலாவது காலிறுதிப் போட்டியில், காரைக்கால் கோச்சிங் சென்டர் அணியும், சென்னை சிட்டி பொலிஸ் அணியும் மோதின.

ஆட்டம் துவங்கிய 16ஆவது நிமிடத்தில், எதிர்பாராத விதமாக சென்னை அணி வீரர் ஜெரால்ட் ஃபாப்லிஸ், யாரும் எதிர்பாராத விதமாக திடீரென ஒரு கோல் அடித்தார்.

பின்னர், இரு அணியினரும் சம வலிமையுடன் மோதினர். துவக்கத்தில் சுறுசுறுப்பாகவும், பின்னர் சற்று மந்தமாகவும் ஆட்டம் சென்றது.

ஆட்டத்தின் பிற்பாதியில், காரைக்கால் அணி வீரர்கள் எப்படியும் ஒரு கோல் அடிக்க வேண்டும் என்ற முனைப்புடன் ஆடியபோதிலும், அதற்கான வாய்ப்பு ஆட்டம் முடியும் வரை கிட்டவேயில்லை.

இதனையடுத்து, சென்னை சிட்டி பொலிஸ் அணி, 1-0 என்ற கோல் கணக்கில் வெற்றிபெற்று, இம்மாதம் 28ஆம் தேதி நடைபெறும் முதலாவது அரையிறுதிப் போட்டியில், விளையாட தகுதி பெற்றுள்ளது.

இப்போட்டியைக் காண நகரின் பல பகுதிகளிலிருந்தும் நூற்றுக்கணக்கான ரசிகர்கள் திரண்டு வந்திருந்தனர்.

இன்று ஆட்டம் நடைபெற்றுக்கொண்டிருந்தபோது, தூத்துக்குடி மாவட்ட ஆட்சியர் ஆஷிஷ் குமார் திடீரென மைதானத்திற்கு வந்தார். அவருடன், திருச்செந்தூர் வட்டாட்சியர் நல்லசிவன், காயல்பட்டினம் கிராம நிர்வாக அதிகாரி மைக்கேல் ராஜ் ஆகியோர் உடன் வந்திருந்தனர்.

ஐக்கிய விளையாட்டு சங்க தலைவர் மற்றும் நிர்வாகிகளிடம் சிறிது நேரம் பேசிய அவர், சுற்றுப்போட்டி குறித்த விபரங்களைக் கேட்டறிந்தார். சுமார் 10 நிமிடங்கள் மைதானத்தைப் பார்வையிட்ட பின்னர் மாவட்ட ஆட்சியர் திரும்பிச் சென்றார்.

நாளை நடைபெறும் போட்டியில், தமிழ்நாடு பொலிஸ் - சென்னை அணியும், நெல்லை மாவட்ட கால்பந்துக் கழக அணியும் மோதவுள்ளன.

படங்களில் உதவி:
ஹிஜாஸ் மைந்தன்
செய்தியாளர் - காயல்பட்டணம்.காம்

{TAGS} usc u.s.c. united sports club sports football azad trophy 2013 moulana abul kalam azad trophy 2013 azad trophy 2013 day 04 karaikal coaching centre academy fc chennai city police collector ashish kumar

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. மாவட்ட ஆட்சியர் ஆஷிஷ் குமார் மிகவும் எளிமையானவர்.
posted by V D SADAK THAMBY (Guangzhou, China) [15 May 2013]
IP: 218.*.*.*

China | Comment Reference Number: 27420

நமது மாவட்ட ஆட்சியர் ஆஷிஷ் குமார் மிகவும் எளிமையானவர்.

நம் ஊருக்கு அவர் மிகசாதரனமாக வருகை புரிகிறார். அவர் திடீரென மைதானத்திற்கு வந்தது நமக்கு வியப்பளிக்கவில்லை. அவருடைய பதவிகாலத்தில் நம் ஊர் மேன்மை அடையட்டும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...கால் பந்தும் பனங்காயும்...
posted by சாளை பஷீர் (மண்ணடி , சென்னை) [16 May 2013]
IP: 180.*.*.*

India | Comment Reference Number: 27422

கால் பந்தாட்ட போட்டி பற்றிய செய்தி சேகரிப்பும் நிழற் படங்களும் விரிவாகவும் வண்ண மயமாகவும் இருந்தது . குஞ்சும் குருமாவும் சிறிசும் பெரிசுமாக நம்மவர்களை பாக்கும்போது என்னா சந்தோஷமா இருக்குது. விளையாட்டுத் திடலிலேயே நான் இருப்பதைப்போல உணர முடிந்தது.

படங்களை எடுத்து தள்ளிய உற்ற நண்பர்கள் எஸ்.கே. விற்கும் ,ஹிஜாஸ் மைந்தனுக்கும் பாராட்டுக்கள் !

தின் பண்டங்கள் விற்கும் படம் மிக அழகு. என் உம்மாவிடம் கறச்சல் பண்ணி துட்டு வாங்கி இந்த கள்ள பண்டங்களை தின்ற நாட்கள் நினைவில் சுழல்கின்றன.

ஆனால் ஒரு உறுத்தல். தட்டு ஏந்தி சவ்வு மிட்டாய் பாலகனின் உருவம் நினைவை விட்டு அகல மறுக்கின்றது.அந்த பிஞ்சுக் கரங்களில் சவ்வு மிட்டாய் தட்டின் வடிவில் வாழ்க்கை பாறாங்கல்லாய் கனக்கின்றது .

அவன் வயதை ஒத்த சிறுவர்கள் விளையாட்டுப்போட்டியை சுவைத்துக் கொண்டிருக்க அவன் கையில் மட்டும் ஏன் இந்த வாழ்க்கை சுமை ? . பெற்றவர்களின் உற்றவர்களின் இதமான அணைப்பில் பொதிந்திருக்க வேண்டிய அந்த சிறு குருவியின் தலையில் ஏன் பன ( ண ) ங்காய் இருக்கின்றது ?

அவனின் படிப்பையும் , விளையாட்டையும் , களிப்பையும் மொத்த பால்ய பருவத்தையும் அவனிடமே திரும்ப ஒப்படைப்பதுதான் சரியாக இருக்கும். ஏனென்றால் அதை இப்போது நாம் அவனிடம் திரும்ப ஒப்படைக்கவில்லை என்றால் இனி எப்போதும் முடியாது . கழிந்த நாட்களும் பருவங்களும் யாருக்கும் திரும்ப கிடைக்காது

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. இளகிய மனசுக்குச் சொந்தக்காரர்...
posted by ஹிஜாஸ் மைந்தன். (காயல்பட்டினம்.) [16 May 2013]
IP: 117.*.*.*

India | Comment Reference Number: 27426

அருமை நண்பர் சாளை-பஷீர் அவர்களே!

மிக்க நன்றி! தங்களைப் போன்ற அறிவார்ந்தவர்களின் அலோசனைகளும்,ஆதரவும், வாழ்த்துக்களும் இன்னும் இவ் வலைதளத்தை மெருகூட்ட பேருதவியாக இருக்கும். மேலும் தாங்கள் சவ்வுமிட்டாய் விற்கும் பாலகனைப் பற்றி பெரிதும் ஆதங்கப்பட்டிருந்தீர்கள். அந்த பையன்களைப் பற்றி நான் விசாரித்ததில் அவர்கள் நன்றாகப் படிக்கக்கூடிய மாணவர்கள்தான்!

பள்ளி விடுமுறையில் தன் குடும்பத்தின் வருமானத்திற்காக இந்த சிறுதொழிலை செய்து வருகின்றனர். எனவே தாங்கள் கவலைப்பட வேண்டாம். அல்லாஹ் அச் சிறார்களுக்கு ஒளிமயமான எதிர்காலத்தையும், வளமான வாழ்வையும், கல்வியில் சிறப்பையும் வழங்கியருள்வானாக! ஆமீன்.

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்