{ முகநூல் கருத்துக்கள்}{ட்விட்டர் கருத்துக்கள்}

நோன்புப் பெருநாளை முன்னிட்டு, காயல்பட்டினம் மஸ்ஜித் அல்ஜதீத் - புதுப்பள்ளியில் இம்மாதம் 09ஆம் தேதி வெள்ளிக்கிழமையன்று காலை 09.00 மணியளவில் ஈதுல் ஃபித்ர் - நோன்புப் பெருநாள் தொழுகை நடைபெற்றது.

ரமழான் மாதத்தில் இப்பள்ளியில் தராவீஹ் தொழுகையை இணைந்து வழிநடத்திய - ஹாஃபிழ் செய்யித் இப்றாஹீம் தொழுகையை வழிநடத்தி, குத்பா பேருரை நிகழ்த்தினார்.

இத்தொழுகையில் அப்பள்ளி ஜமாஅத்தைச் சேர்ந்த ஆண்கள் அனைவரும் பெருந்திரளாகக் கலந்துகொண்டனர். புதுப்பள்ளியின் உட்புறம், வெளிப்பள்ளி, வட - தென் பகுதிகளிலுள்ள பகுதிகள் ஆகிய அனைத்திடங்களிலும் ஜமாஅத்தார் நிறைந்தமர்ந்து காணப்பட்டனர்.



தொழுகை நிறைவுற்ற பின்னர், ஜமாஅத்தார் அனைவரும் ஒன்றுகூடி, கட்டித்தழுவி - கைலாகு செய்து தமக்கிடையில் மகிழ்ச்சியைப் பரிமாறிக்கொண்டனர்.





பின்னர், இப்பள்ளியின் பாரம்பரிய வழமைப்படி, ஜமாஅத்தார் அனைவரும் டங்கா (முரசு) முழங்க தெருவலமாக மஹான் ஸாஹிப் அப்பா தைக்கா சென்று அங்குள்ள மண்ணறைகளை ஜியாரத் செய்தனர்.



அனைவரும் நின்ற நிலையில் அஹ்மதுல்லாஹ் பைத்தை ஒரே குரலில் உரக்கப் பாடினர். துஆ பிரார்த்தனையுடன் அனைத்து நிகழ்ச்சிகளும் நிறைவுற்றன.

தகவல் & படங்கள்:
M.U.முஹம்மத் இம்ரான்