{ முகநூல் கருத்துக்கள்}{ட்விட்டர் கருத்துக்கள்}

நோன்புப் பெருநாளை முன்னிட்டு, காயல்பட்டினம் மஸ்ஜித் அல்அரூஸ் - அரூஸிய்யா பள்ளியில் இம்மாதம் 09ஆம் தேதி வெள்ளிக்கிழமையன்று காலை 09.00 மணியளவில் ஈதுல் ஃபித்ர் - நோன்புப் பெருநாள் தொழுகை நடைபெற்றது.



பள்ளியின் இமாம் - வடகரையைச் சேர்ந்த முஹம்மத் வலிய்யுல்லாஹ் தொழுகையை வழிநடத்த, மவ்லவீ ஹாஃபிழ் எம்.எம்.முஹம்மத் நூஹ் அல்தாஃபீ குத்பா பேருரை நிகழ்த்தினார்.

இத்தொழுகையில் அப்பள்ளி ஜமாஅத்தைச் சேர்ந்த அனைவரும் பெருந்திரளாகக் கலந்துகொண்டனர்.



தொழுகை நிறைவுற்ற பின்னர், ஜமாஅத்தார் அனைவரும் ஒன்றுகூடி, கட்டித்தழுவி - கைலாகு செய்து தமக்கிடையில் மகிழ்ச்சியைப் பரிமாறிக்கொண்டனர்.



நிகழ்ச்சிகள் யாவும் நிறைவுற்ற பின்னர், இப்பள்ளியில் பணியாற்றும் இமாம் - பிலால்களுக்கு பெருநாள் ஊக்கத்தொகை வழங்குவதற்காக வாளியேந்தி ஜமாஅத்தாரிடம் நன்கொடை வசூலிக்கப்பட்டது. அனைவரும் ஆர்வத்துடன் நன்கொடைத் தொகைகளை வாரி வழங்கினர்.



தகவல் & படங்கள்:
S.H.முஹம்மத் உமர்