IP: 77.*.*.* Saudi Arabia

நேற்று ஊரில் இருந்து வந்திருந்த ஒரு சகோதரர் தமிழ் ஹிந்து நாளிதழை கொண்டு வந்திருந்தார். பார்த்த மாத்திரத்தில் இரண்டு விசயங்கள் புலப்பட்டது.

ஒன்று.. காலையில் எழுந்து அலுவலகம் செல்லும் பரபரப்பில், நாளிதழை ஒரு புரட்டு புரட்டி செய்திகளை அறிவோமே.. அது இதில் நடக்காது. நேரம் எடுத்து, நிதானமாக படித்தால் தான் உண்டு. ஆக, ரிடையார்டு ஆட்கள் வரிக்கு வரி படிப்பார்களே அவர்களுக்கு உகந்தது.

இரண்டு. வார்த்தை பிரயோகங்கள், தினத்தந்தி லெவலுக்கு சிம்பிள் ஆக இல்லை. ஆக, என்ன குட்டிக்கர்ணம் அடித்தாலும் தினத்தந்தி உடைய சர்குலேசனை எட்ட முடியாது.

புது முயற்ச்சி என்று எடுத்துக்கொள்ளலாம். வாழ்த்துவோம்.

கொடுமை என்னன்னா.. ஈ-பேப்பருக்கு காசாம்.

ஆக மொத்தம் வார இதழ் மாதிரி உள்ளது.

சாளை S.I. ஜியாவுத்தீன், அல்கோபார்

IP: 115.*.*.* India

கண்டிப்பாக தினத்தந்தி லெவெலுக்கு தி ஹிந்து வால் இறங்கி வரமுடியாது தான். ஏனென்றால் " மாறிமாறி கற்பழித்தனர் " உல்லாசமாக இருந்தனர் " போன்ற வார்த்தைகள் படிப்பவர்களுக்கு பரவசம் ஊட்டுமல்லவா அந்த மாதிரி கண்டிப்பாக தி ஹிந்து வில் நாம் எதிர் பார்க்க முடியாது

மதச்சார்பின்மைக்காக கடந்த காலங்களில் தி ஹிந்து உம் அதன் குழுமத்தில் உள்ள பத்திரிகையான frontline உம் நிறையவே மெனக்கட்டு உள்ளன. இதில் வரும் நிறைய செய்திகளை தமிழில் மொழிபெயர்த்து நிறைய இஸ்லாமிய பத்திரிகைகள் எழுதி உள்ளன இப்போது நாம் அந்த மாதிரி செய்திகளை தமிழிலேயே படிக்கலாம்

முஸ்லிம்களை சாடி அங்கொன்றும் இங்கொன்றும் செய்திகள் தி ஹிந்துவில் வந்தால் கூட மொத்தத்தில் நடுநிலை இழக்க கூடியவர்கள் அல்லர் நாம் நம்பலாம் . ஆகையால் நாம் தாரளமாக இதை வரவேற்கலாம்

IP: 77.*.*.* Saudi Arabia

சகோதரரே,

என் கருத்தை திரும்பவும் படித்துப்பாருங்கள்..

" வார்த்தை பிரயோகங்கள், தினத்தந்தி லெவலுக்கு சிம்பிள் ஆக இல்லை ".

தினத்தந்தியின் செய்தியின் லெவல் வேறு, வார்த்தை பிரயோகங்கள் வேறு. நான் குறிப்பிட்டது வார்த்தை பிரயோகங்களை.

ஆக, என்ன தான் ஹை லெவலில் இலக்கன சுதியுடன் எழுதினாலும், படிக்க நன்றாக தான் இருக்கும். அதையே தினம் தினமும் படிக்க நேர்ந்தால் ஒரு அலுப்பு தட்டிவிடும். இதை தான் நான் குறிப்பிட்டு உள்ளேனே தவிர, நீங்கள் நினைக்கும் செய்தியின் தரத்தை அல்ல. புரிந்து இருக்குமே..!!

சாளை S.I.ஜியாவுத்தீன், அல்கோபார்

IP: 218.*.*.* China

ஒருகாலத்தில் பத்திரிகை (பிரிண்ட் மீடியா ) உலகில் தினத்தந்தி மிகவும் பிரபலமாக இருந்தது. சாதாரண மக்கள் எளிதாக படிக்கும் வகையில் அதன் வடிவமைப்பு மொழியமைப்பு இருந்தது.ஆனால் அதன் செய்தியில் தரமில்லை.வெகுகாலமாக அதில் முன்னேற்றம் ஏற்படவும் இல்லை. எப்பொதும் ஆளும் கட்சி ஆதரவு செய்திகளை தாங்கியே பத்திரிகை வெளிவரும். அரசுக்கு எதிரான அல்லது மக்களை விழிப்படையசெய்யகூடிய செய்திகள் ஒருபோதும் இதில் வந்ததில்லை.

மூன்றாம் நிலையில் இருந்த தினமலர், பரபரப்பான செய்திகளை வெளியிட்டு இரண்டாம் நிலையில் இருந்த தினமணி யையும் தாண்டி முதலிடம் பிடித்தது.

1972 களில் வெளிவந்த பரபரப்பாக செய்திகளை வெளியிட்ட 'அலைஓசை' ' மக்கள் குரல்' போன்ற பத்திரிகைகள் சென்னைக்கு வெளியே அவ்வளாவாக பிரகாசிக்க முடியவில்லை.

இடைப்பட்ட காலத்தில் வந்த ஆதித்தனார் குடும்ப்பத்தின் போட்டி நாளிதழான ' தினகரன்' பெரிதாக ஒன்றும் சாதிக்க முடியவில்லை.பிறகு அது சன் குழுமத்திற்கு கைமாரியபிறகும் பெரிய மாற்றம் எதுவும் இல்லை. புதிய பத்திரிக்கைகள் பல தமிழில் வெளிவந்தும் , போட்டிகள் அதிகரித்தும் , தினத்தந்தியின் தரத்திலும் சர்குலேஷனிலும் பெரிய மாறுதல் ஒன்றும் இல்லை.

2000 ஆண்டுகளில் வலைதளங்களிலும் செய்தித்தாள்கள் இடம்பிடிக்க ஆரம்பித்துவிட்டன. அதிலும் தினத்தந்தி, தினகரன் போன்றவை பெரிதாக ஒன்றும் சாதிக்கவில்லை. தினமலர், தினமணி போன்ற மேல்சாதியினரின் நாளிதல்களே நாளிதழ் துறையில் ஆதிக்கம் செலுத்தின..ஆங்கில நாளிதல்களிலும் இதே நிலைதான்.

அதில் விதிவிலக்காக அமைந்ததுதான் "தி ஹிந்து " நாளிதழ். அரசுக்கு ஆதரவான / எதிரான செய்திகள் , அரசியல் கட்சிகளுக்கு ஆதரவான/எதிரான செய்திகள் , மத சார்பற்ற நிலைப்பாடு , அரசு மற்றும் அரசியல்கட்சிகளின் மிரட்டல்களுக்கு அடிபணியாமை, செய்திகளில் நம்பகத்தன்மை போன்ற கொள்கைகளால் மக்கள்மனதில் முதல் இடம்பிடித்தது.

முதன்முதலில் சென்னையை மையமாக வைத்து ஆங்கில நாளிதழாக துவங்கிய "தி ஹிந்து " புதிய தொழில் நுட்பம். தனி விமானத்தின் மூலம் இந்தியாவில் உள்ள பிற இடங்களுக்கு துரிதமாக சென்றடைவது. .சென்னையில் மட்டுமே அச்சு கோர்த்து பிற இடங்களில் பிரிண்ட் செய்து வெளியிடும் நவீன தொழில் நுட்பம். படிப்படியாக இந்தியா முழுவதும் அதன் எல்லைகளையும் விரிவடைய செய்தது. தற்போது இந்தியா முழுவதிலும் வெளிவரும் ஒரே நாளிதழ்.

முஸ்லிம்களுக்கு ஆதரவான நாளிதழ் என்று சொல்ல முடியாவிட்டாலும் முஸ்லிம்களுக்கு எதிரான நாளிதழ் இல்லை என்று உறுதியாக சொல்ல முடியும்.

இப்போது தமிழில். வாழ்த்துவோம் அதன் பணி சிறக்க.

IP: 59.*.*.* India

தம்பி சாளை ஜியாவுத்தின் கவனத்திற்கு,

நீங்கள் குறிப்பட்டது போல் E-Paper -க்கு சந்தா கட்ட வேண்டும். ஆனால் online paper -க்கு காசு கிடயாது. 'the hindu' ஆங்கில பேப்பர் e-paper -க்கும் சந்தா கட்ட வேண்டும். நீங்கள் online paper பார்த்து கொள்ளுங்கள். இது கடந்த 10 வருடமாக உள்ள நடைமுறை.

'The Hindu' வாசகர்கள் எப்போதுமே படித்த மக்கள்தான். அதன் English கொஞ்சம் high standard தான். அதையும் மீறி அதன் நடுநிலை, தவறை சுட்டிக்காட்டுவது, மதசார்பற்ற நிலை, அரசாங்கத்தின் ஊழல்களை அம்பலபடுத்துவது ஆகிய அம்சங்களினால்தான் 135 வருடம் தாக்கு பிடித்துள்ளது.

நீங்கள் குறிப்பிட்டது போல் தமிழில் தாக்குபிடிக்க வேண்டுமென்றால் அதன் சொல்நடை எளிதாக, பாமரனுக்கும் புரியும்படியும், அதே நேரத்தில் அதன் தனித்தன்மையை விட்டுக்கொடுக்காமலும் இருக்க வேண்டும். 135 வருடம் அனுபவமுள்ளவர்கள் காலபோக்கில் சரி செய்வார்கள். ஆனால் 'The Hindu' ஆங்கில பேப்பரின் மதசார்பற்ற கொள்கையில் இருந்து தமிழ் 'தி ஹிந்து' மாறாதவரை, நாம் இந்த பத்திரிக்கையை ஆதரிக்க வேண்டும்.

- சாளை அப்துல் ரஸ்ஸாக்.