Kayal on the Web

செய்திகள்

செய்தி எண் (ID #) 11846

#KOTW11846

வியாழன், செப்டம்பர் 19, 2013

அனிதா ராதாகிருஷ்ணன் வெற்றியை எதிர்த்து தாக்கல் செய்த மனு: தொடர்ந்து விசாரிக்க நீதிமன்றம் உத்தரவு!

செய்தி: காயல்பட்டணம்.காம்
இந்த பக்கம் 2387 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

திருச்செந்தூர் தொகுதி எம்.எல்.ஏ. அனிதா ராதா கிருஷ்ணனின் தேர்தல் வெற்றியை எதிர்த்து தாக்கல் செய்த மனுவை தொடர்ந்து விசாரணை செய்ய சென்னை உயர் நீதிமன்றம் உத்தரவிட்டுள்ளது.

சென்னை உயர் நீதிமன்றத்தில் அதிமுக-வைச் சேர்ந்த மனோகர் தாக்கல் செய்த மனுவில் கூறியிருப்பதாவது:

2011-ஆம் ஆண்டு ஏப்ரல் மாதம் நடந்த தமிழக சட்ட சபைத் தேர்தலில், திருச்செந்தூர் தொகுதியில் திமுக வேட்பாளர் அனிதா ராதாகிருஷ்ணனை எதிர்த்து, அதிமுக கட்சி சார்பில் நான் போட்டியிட்டேன். இந்தத் தேர்தலில் அனிதா ராதாகிருஷ்ணன் வெற்றி பெற்றார். தேர்தலின் போது, தேர்தல் விதிமுறைகளை மீறி அதிகமாக பணம் செலவழித்தார். மேலும், வாக்கு எண்ணிக்கையின் போது இரண்டு இயந்திரங்கள் வேலை செய்யவில்லை. இதன் மூலம் தேர்தல் வெற்றியில் பல்வேறு முறைகேடுகள் நடந்துள்ளன.அதனால், தேர்தலில் அவர் வெற்றி பெற்றது செல்லாது என அறிவிக்க வேண்டும்.

இந்த மனுவுக்கு எதிர்ப்பு தெரிவித்து அனிதா ராதாகிருஷ்ணன் மனு தாக்கல் செய்தார். அதில், என் வெற்றிக்கு எதிராக தாக்கல் செய்யப்பட்ட மனுவில் எந்த உண்மையும் இல்லை. அதனால் அந்த மனுவை தள்ளுபடி செய்ய வேண்டும் தெரிவித்தார்.

இந்த மனு நீதிபதி கே.ரவிச்சந்திர பாபு முன்பு விசாரணைக்கு வந்தது. விசாரணையில் நீதிபதி அளித்த உத்தரவு: தேர்தல் மனுதாரர் தாக்கல் செய்த மனுவில் உள்ள அனைத்தையும் ஏற்றுக் கொள்ள முடியாது. பிரதிவாதி தேர்தல் விதிமுறைகளை மீறி அதிகமாக பணம் செலவழித்தார் என மனுவில் கூறப்பட்டுள்ளது. ஆனால், அதிகமாக செலவழித்த தொகையின் மதிப்பு தொடர்பான எந்த ஆதாரமும் இல்லை. தொகையும் குறிப்பிடவில்லை.

மேலும், வாக்கு எண்ணிக்கையின் போது இரண்டு இயந்திரங்கள் செயல்படவில்லை எனவும் குறிப்பிட்டுள்ளார். அதற்கான ஆதாரமும் இல்லை. இதை வைத்து பார்க்கும் போது பிரதிவாதியின் மீது நடவடிக்கை எடுக்க முடியாது.

இது தவிர, தபால் வாக்குப் பதிவில், தபாலின் நிறம் இளம் சிவப்பில் (பிங்க்) இருக்க வேண்டும். ஆனால், அதன் நிறம் மாறி இருந்தது எனக் கூறியிருக்கிறார். மேலும், வாக்கு பதிவின் போது 93-வது வாக்குச் சாவடியில் இருந்த இயந்திரத்தின் நிறுத்தும் பொத்தான் (closing button) செயல்படவில்லை. அதை தேர்தல் கண்காணிப்பாளரிடம் மனுதாரர் தெரிவித்த போது, தேர்தல் கண்காணிப்பாளர் அதை கண்டு கொள்ளவில்லை எனக் கூறியுள்ளார். இது போன்ற தகவல்கள் அடிப்படையில் தேர்தல் வெற்றியை எதிர்த்து தாக்கல் செய்த மனுவை விசாரிப்பதற்கான முகாந்திரம் உள்ளது. அதனால், மனுவை தொடர்ந்து விசாரிக்கலாம் என்று அதில் தெரிவிக்கப்பட்டுள்ளது.

தகவல்:
தினமணி

{TAGS} anitha anitha radhakrishnan tiruchendur mla manoharan election petition election 2011 assembly highcourt madras high court

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. வரும்.... ஆனா வராது விரைவில்....!
posted by நட்புடன் - தமிழன் முத்து இஸ்மாயில் (காயல்பட்டினம்.) [19 September 2013]
IP: 59.*.*.*

India | Comment Reference Number: 30182

வரும்.... ஆனா வராது விரைவில்.... தீர்ப்பு....! அது எதுவாகவும் இருக்கட்டும்.....! அந்நேரம் அனிதா அவர்களின் முறையான பதவி காலமும் முடிந்து முறையாக சட்டசபை மறுதேர்தலும் நடத்தப்பட்டு முடிந்து இருக்கும் அப்போது...!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. நீதி வெல்லும்!.
posted by முஹம்மது ஆதம் சுல்தான்! (YANBU) [19 September 2013]
IP: 188.*.*.*

Saudi Arabia | Comment Reference Number: 30191

அத்துக்கிட்டு போகும் என்று அனைவராலும் எதிர்பார்க்கப்பட்டது!ஆனால் அறுத்தெறிந்து செல்லவில்லையவர்!

அதனாலேயே ஆத்திரமடைந்து அவர் பதவியை அறுத்தெறிய அ.திமுக அலைமோதுகிறது, அதற்க்கெல்லாம் "ஆமாம்" போடமுடியுமா நீதியரசர். நிதானித்து பார்ப்போம் என்ன நிகழ்கிறது என்று. நீதி வெல்லும்!. .

அல்லாஹ் அனைத்தும் அறிந்தவன்!

அன்புடன்
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. மனம் தான் சாட்சி!
posted by ஹைதுரூஸ் ஆதில் (கோழிக்கோடு-கேரளா) [19 September 2013]
IP: 122.*.*.*

India | Comment Reference Number: 30204

அஸ்ஸலாமு அலைக்கும்,

2011 தேர்தலின் போது அனிதா ராதா கிருஷ்ணன் அவர்களுக்கு வாக்களிக்க தி மு க சார்பில் காயல் பட்டணத்தில் வீடு வீடாக பணம் விநியோகிக்கப்பட்டது என்பது ஊரார் அனைவருக்கும் தெரியும்.

***மார்க்கத்தை பேணும் மிக சிலர் இப்படியான பணத்தை வாங்கவில்லை.

***வேரு சிலர் இதெல்லாம் நம்மிடம் கொள்ளையடித்த பணம் தான் என்ற ஆறுதலுடன் வாங்கினார்கள்.

***இன்னும் சிலர் அதை வாங்கி நலிந்தவருக்கு கொடுத்து உதவினார்கள்.

ஏன், நாம் தொழில் செய்யும் கோழிக்கோட்டிற்க்கு கூட ஒரு தொகை வந்து அதை வைத்து கோழிக்கோடு-காயல்பட்டினம் (வழமைக்கு நேரத்திற்கு முன்னதாகவே,வழமை இடத்திற்கு மாறாக வேறு இடத்தில் இருந்து புறப்பட்ட) பேரூந்தில் போயி வாக்களித்தும் வந்தார்கள் பலர். இதெல்லாம் நாம் அறிந்த உண்மை.

ஆனால் நீதிமன்றத்திற்கு தேவை இதற்க்கெல்லாம் சாட்சியங்கள் தானே? இதற்க்கெல்லாம் நிச்சயமாக ஒரு சாட்சியங்களும் விட்டு வைக்க மாட்டார்கள். அல்லாஹுவே இதற்க்கு சாட்சி. மட்டுமல்லாமல் இந்த பணத்தை வாங்கியவர்களின் மனம் தான் அதாங்கோ மனசாட்சி.

(மக்களே! இனி மேலாவது இது போல ஹராமான பணத்திற்கு ஆசை படாதீர்கள்)

ஹைதுரூஸ் ஆதில், கோழிக்கோடு-கேரளா.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by Cnash (Makkah ) [19 September 2013]
IP: 212.*.*.*

Switzerland | Comment Reference Number: 30210

இந்த நாட்டின் நீதி மன்றமும் தீர்ப்புகளும் என்ன செய்ய போகிறது!! மதுரையில் அழகிரி வெற்றி யை எதிர்த்து மோகன் என்ற கம்யுனிஸ்ட் வேட்பாளர் வழக்கு தொடர்ந்தார் .. வழக்கு தொடர்தவரும் இரண்டு விட்டார்.. அப்புறம் மற்றொருவர் அந்த வழக்கை தொடர்ந்து நடத்துகிறார்... அழகிரி அமைச்சராக 4 வருடம் அனுபவித்து, மீதி உள்ள 1 வருடம் எம்பியாக தொடர்ந்து.. இன்னும் 6 மாதத்தில் ஆடியும் முடியபோகிறது ... இதுக்கு பிறகு தீர்ப்பு வாந்தால் என்ன வரட்டா என்ன?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்