Kayal on the Web

செய்திகள்

செய்தி எண் (ID #) 12301

#KOTW12301

செவ்வாய், நவம்பர் 12, 2013

தக்வா மன்றத்தின் சார்பாக நகரில் முதல் குவிவிழிக் கண்ணாடி அமைப்பு! நகர்மன்றத் தலைவர் திறந்து வைத்தார்!!

செய்தி: காயல்பட்டணம்.காம்
இந்த பக்கம் 3734 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

இவ்வாண்டு பிப்ரவரி மாதம் 17ம் தேதி நடந்த தாய்லாந்து காயல் நல மன்றம் (தக்வா) அமைப்பின் 12வது ஆண்டின் துவக்கம் மற்றும் வருடாந்திர பொதுக்குழுக் கூட்டத்தில் காயல்பட்டினத்தில் வாகன விபத்துகளைத் தவிர்க்க குவி விழி கண்ணாடி நிறுவுவது என தீர்மானம் நிறைவேற்றப்பட்டது.

தீர்மானம் 3 - வாகன விபத்துகளைத் தவிர்க்க குவி விழி கண்ணாடி:

பெரிய வாகனங்கள் அதிகம் செல்லும் காயல்பட்டினம் பிரதான வீதியின் திருப்பங்களில் விபத்துக்களைத் தவிர்க்கும் பொருட்டு, அந்தந்த வார்டு உறுப்பினர்கள் மூலம் நகராட்சியின் அனுமதி பெற்று, தேவையான குவிவிழிக் கண்ணாடி (Convex Mirror) அமைத்துக் கொடுக்க இக்கூட்டம் தீர்மானிக்கிறது. (பிப்ரவரி 17, 2013)

அதன் தொடர்ச்சியாக - ICICI வங்கி சந்திப்பில் - இன்று (நவம்பர் 12) காலை 10:30 மணியளவில் நடைபெற்ற எளிய நிகழ்ச்சியில், குவிவிழிக் கண்ணாடி (Convex Mirror) தக்வா அணுசரனையில் நிறுவப்பட்டது. இக்கண்ணாடியை நகர்மன்றத் தலைவர் ஐ. ஆபிதா சேக் திறந்து வைத்தார்.

இந்நிகழ்வின் போது நகராட்சி ஆணையர் ஜி.அசோக் குமார், நகர்மன்றத் துணைத் தலைவர் எஸ்.எம். மொஹிதீன், 5வது வார்டு உறுப்பினர் எம்.ஜஹாங்கிர், 13வது வார்டு உறுப்பினர் எம்.எஸ்.எம். சம்சுதீன், 16வது வார்டு உறுப்பினர் சாமு, தக்வா உதவி செயலாளர் M.H. அபுல் மாலி, அதன் செயற்குழு உறுப்பினர் M.A.C. செய்யது இபுறாஹீம், பொதுக்குழு உறுப்பினர் ஹாஃபிழ் S.M. மிஸ்கீன் சாஹிப் மற்றும் பொதுமக்கள் பலர் கலந்து கொண்டனர். தக்வா சார்பாக அனைவருக்கும் இனிப்பு வழக்கப்பட்டது.

நெடுஞ்சாலை அதிகாரிகளின் ஒப்புதலுக்காக சோதனை முறையில் முதல் கண்ணாடி நிறுவப்பட்டுள்ளது. நெடுஞ்சாலை அதிகாரிகளின் ஆய்வுகளுக்கு பின் நகரின் பிற முக்கிய சந்திப்புகளில் இக்கண்ணாடி நிறுவப்படும் என தெரிகிறது.

புகைப்படங்கள் மற்றும் தகவல்:
ஹிஜாஸ் மைந்தன்,
செய்தியாளர், காயல்பட்டணம்.காம்.

{TAGS} thakwa bangkok thailand kwa convex mirror road safety traffic transport highway municipality icici corner chairman abeedha municipality

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...தக்வா அமைப்பினருக்கு வாழ்த்துக்களும்,பாராட்டுக்களும,
posted by A.R.Refaye (Abudhabi) [12 November 2013]
IP: 2.*.*.*

United Arab Emirates | Comment Reference Number: 31391

தாய்லாந்து காயல் நல மன்ற தக்வா அமைப்பினருக்கு வாழ்த்துக்களும்,பாராட்டுக்களும, பிரதான வீதியின் திருப்பங்களில் விபத்துக்களை தவிர்க்கும் பொருட்டு அமைக்க பட்ட இக்கண்ணாடி இக்கால அவசர உலகில் அவசியமானாலும் ஒரு வழிப்பாதை அமுலாக்கப்பட்ட பிறகு விபத்துக்கள் நம்மூரில் குறைந்து இருக்க வேண்டும்.

இரு சக்கர வாகனம் மக்கள் தொகை கூடுவதுபோல் கூடிகொண்டே இருக்கிறது அதோடு பள்ளி வாகனங்கள்,ஆட்டோ, கூடவே அரசால் வழகப்படும் இலவச சைக்கிள் மாணக்கர்களின் விரைவு ஓட்டம் போன்ற குறைகளை களைய போக்குவரத்து பாதுக்காப்பு துறையை அனுகி விரைவு தடை (SPEED BREAK) பொதுமக்களையும்,முதியோர்களையும் பாதிக்கா வண்ணம் நகராச்சி நடவடிக்கை எடுக்கும் என நம்புவோம்.

நோட்: கண்ணாடியை சுற்றி சிறிய இரும்பு நெட் போல் frame போடுவதால் கண்ணாடியை கல்லெரிதலில்லிருந்து காக்கப்படலாம்.

A.R.Refaye-Abudhabi