Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
9:40:32 AM
செவ்வாய் | 19 மார்ச் 2024 | துல்ஹஜ் 1692, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:1312:3315:4718:3419:43
Sunrise/Sunset timing for Kayalpatnamஉதயம்06:22Moonrise/Moonset timing for Kayalpatnamஉதயம்14:00
மறைவு18:28மறைவு02:10
Morning Twilight
வானியல்கடல்சமூகம்
05:1205:3706:01
உச்சி
12:25
Evening Twilight
சமூகம்கடல்வானியல்
18:4919:1319:38
Go to Homepage
செய்திகள்
Previous News ItemNext News Item
செய்தி எண் (ID #) 12498
#KOTW12498
Increase Font Size Decrease Font Size
வெள்ளி, டிசம்பர் 6, 2013
காயல்பட்டினம் பொறியாளர்களின் வடிவமைப்பில் - ஹாங்காங் நாட்டில் புதிய பள்ளி கட்டுமானம்! நவ. 24ஆம் தேதி திறக்கப்பட்டது!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 3461 முறை பார்க்கப்பட்டுள்ளது | வாசகர் கருத்துக்கள் காண (14) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தைச் சேர்ந்த கட்டிடக் கலை பொறியாளர்கள் இருவரின் வடிவமைப்பு மற்றும் கூட்டு முயற்சியில், ஹாங்காங் நாட்டில் பள்ளிவாசல் ஒன்று புதிதாகக் கட்டி முடிக்கப்பட்டு, கடந்த நவம்பர் மாதம் 24ஆம் தேதி திறக்கப்பட்டுள்ளது. இதுகுறித்து பெறப்பட்டுள்ள செய்திக்குறிப்பு வருமாறு:-



புதிய பள்ளிவாசல் திறப்பு விழா:

ஹாங்காங் நாட்டின் நடுவிலுள்ள கவ்லூன் நகரில் யாவ் மா தீ என்ற பகுதியில், மஸ்ஜித் இப்றாஹீம் என்ற பெயரில் புதிய பள்ளிவாசல் கட்டி முடிக்கப்பட்டு, கடந்த நவம்பர் மாதம் 24ஆம் தேதி ஞாயிற்றுக்கிழமையன்று லுஹ்ர் தொழுகையுடன் திறப்பு விழா கண்டது. தொழுகைக்கான முதல் அழைப்பொலியை (அதான்), ஹாங்காங் கவ்லூன் பெரிய பள்ளியின் இமாமும், காயல்பட்டினத்தைச் சேர்ந்தவருமான மவ்லவீ ஹாஃபிழ் எம்.ஏ.கே.ஷுஅய்ப் நூஹ் மஹ்ழரீ ஒலிக்க, அதனைத் தொடர்ந்து தொழுகை நடைபெற்றது.

சுமார் 700 பேர் பங்கேற்ற திறப்பு விழா நிகழ்ச்சியில், சில முஸ்லிம் நாடுகளின் - ஹாங்காங் நாட்டிற்கான தூதர்களும், ஹாங்காங் அரசு அதிகாரிகளும் சிறப்பழைப்பாளர்களாகக் கலந்துகொண்டனர்.












கட்டிட அமைப்பு:

புதிய பள்ளிவாசல் கட்டுவதற்காக, ஹாங்காங் அரசின் சார்பில் 4900 சதுர அடி பரப்பிலான நிலம் குத்தகையாக வழங்கப்பட்டுள்ளது. அதில், 2200 சதுர அடி அளவில் இப்புதிய பள்ளிவாசல் கட்டப்பட்டுள்ளது. தொழுகை தளம், இரு பாலருக்கான கழிப்பறை வசதிகள், உளூ (சுத்தம்) செய்வதற்கான இடம், கலந்தாலோசனைக் கூடம், பொருட்பாதுகாப்புக் கிடங்கு ஆகியவற்றை உள்ளடக்கியதாக இப்புதிய கட்டிடம் அமைந்துள்ளது.

முன் முயற்சிகள்:

இப்பகுதியில் பள்ளிவாசல் நிர்மாணிப்பது அவசியம் என்பதையுணர்ந்த சில முஸ்லிம்கள், 2011ஆம் ஆண்டு மார்ச் மாதத்தில், United Welfare Union - Hong Kong என்ற பெயரில் அமைப்பொன்றைத் துவக்கி, புதிய பள்ளிவாசல் கட்டுவதற்கான நிலத்தை அரசிடமிருந்து கோரிப் பெற்றிடுவதற்காக, ஹாங்காங் உள்விவகாரத் துறையின் துணையோடு, அந்நாட்டின் நில விவகாரத் துறையை அணுகியது இவ்வமைப்பு.

துவக்கத்தில், ஒரு வருட குத்தகை அடிப்படையில், யாவ் மா தீ-யிலுள்ள Dundas Streetஇல் 2530 சதுர அடியில் நிலமொன்றை வழங்க அரசு முன்வந்துள்ளது. எனினும், ஒரு வருடம் நிறைவடைந்த பின், அவ்விடம் வேறு வகை கட்டுமானத்திற்காக விற்பதற்கு அரசால் திட்டமிடப்பட்டிருந்தமையால், அது ஏற்கப்படவில்லை. அதனைத் தொடர்ந்து. தற்போது பள்ளிவாசல் கட்டப்பட்டுள்ள இடத்தை 2012ஆம் ஆண்டு மே மாதத்தில் ஹாங்காங் அரசு வழங்கியது. நீண்ட கருத்துப் பரிமாற்றங்கள் - பேரங்களையடுத்து, 2012ஆம் ஆண்டு செப்டம்பர் 20ஆம் தேதியன்று - 2 வருட குத்தகை அடிப்படையில் இந்நிலத்தை அரசு வழங்க இசைந்தது.

நீண்ட கால அளவில் குத்தகைக்கு அரசால் நிலம் வழங்க இயலாத நிலையைக் கருத்திற்கொண்டு, பல்வேறு இஸ்லாமிய மார்க்க அறிஞர்களுடன் இதுகுறித்து கலந்தாலோசனை செய்யப்பட்டு, நிறைவில் அல்லாஹ்வின் மீது பாரத்தை விட்டு, இரண்டாண்டு குத்தகை அடிப்படையில் நிலத்தைப் பெற்று பள்ளிவாசலைக் கட்ட தீர்மானிக்கப்பட்டது. அதன் தொடர்ச்சியாக, குத்தகை மற்றும் வாடகை ஒப்பந்த ஆவணங்கள் கைச்சான்றிடப்பட்டு, நடப்பாண்டு பிப்ரவரி மாதம் 01ஆம் தேதியன்று - இரண்டாண்டு குத்தகை அடிப்படையில் இந்நிலம் பெறப்பட்டது. துவக்கத்தில், 12,960 ஹாங்காங் டாலர் மதிப்பில் வாடகை தொகை அரசால் முன்வைக்கப்பட்டது. வேண்டுகோளையடுத்து அது 3,070 ஹாங்காங் டாலராக குறைக்கப்பட்டது.

கட்டிடப் பணிகள்:

பள்ளிவாசல் புதிய கட்டிடம் கட்டுவதற்காக பிப்ரவரி 03ஆம் தேதியன்று அஸ்திவாரம் இடப்பட்டது. சுமார் 300 பேர் பங்கேற்ற அந்நிகழ்வில், பள்ளிவாசல் கட்டுமானப் பணிகளுக்காக அந்த இடத்திலேயே நிறைவான நன்கொடை பெறப்பட்டது. பள்ளிவாசல் கட்டிட முன்வடிவப் படம் - அரசின் கட்டிட விவகாரத் துறையால் ஏற்கப்பட்டதையடுத்து, 2013ஆம் ஆண்டு ஜூலை மாதம் கட்டிடப் பணி துவக்கப்பட்டு, அக்டோபர் மாதம் புதிய பள்ளிவாசல் கட்டி முடிக்கப்பட்டது.

காயல் பொறியாளர்கள் வடிவமைப்பு:

புதிய பள்ளிவாசலுக்கான திட்டப்படத்தை - ஹாங்காங் நாட்டில் பொறியாளர்களாகப் பணியாற்றி வரும் காயல்பட்டினத்தைச் சேர்ந்த கட்டிட பொறியாளர்களான எம்.செய்யித் அஹ்மத், பி.எம்.ஐ.அப்துல்லாஹ் ஜவ்ஹரீ ஆகியோர் - தாமாகவே முன்வந்து, கட்டணம் எதுவும் பெறாமல் தன்னார்வத்துடன் வடிவமைத்துள்ளனர்.

கட்டிடத்திற்கான நிலத்தை அரசிடமிருந்து பெறுவதற்கான முன் முயற்சிகள், கட்டிடப் பணிகளின்போது உரிய நேரங்களில் முறையான மேற்பார்வை உள்ளிட்ட பணிகள் - ஒப்பந்தக்காரர்களுடன் இணைந்து இவ்விரு பொறியாளர்களால் செய்துகொடுக்கப்பட்டுள்ளது குறிப்பிடத்தக்கது.

நிறைவான நன்கொடை:

பள்ளி கட்டிடப் பணிக்குத் தேவையான நிதி நன்கொடை மூலம் ஏற்கனவே முழுமையாகப் பெறப்பட்டுவிட்டது. வருங்கால மேம்பாட்டுப் பணிகள், பள்ளி பராமரிப்பு மற்றும் இயங்குவதற்கான செலவினங்களுக்காக 30 லட்சம் ஹாங்காங் டாலர் தேவைப்படும் என மதிப்பிடப்பட்டுள்ளது. இவ்வகைக்காக 23 லட்சம் ஹாங்காங் டாலர் இதுவரை பெறப்பட்டுள்ளது.

பள்ளி அமைந்துள்ள இடம் குறைந்த கால குத்தகை அடிப்படையிலேயே பெறப்பட்டுள்ளமையால், ஏற்கனவே ஆயத்தம் செய்யப்பட்ட - பிரித்துப் பொருத்தும் வகையிலான கட்டிடப் பொருட்களால் பள்ளிவாசல் கட்டி முடிக்கப்பட்டுள்ளது.

வருங்காலத் திட்டம்:

குத்தகைக் காலம் 2014 டிசம்பர் மாதத்துடன் நிறைவடைவதால், அதனை நீட்டித்து - நிரந்தர குத்தகைக் காலமாகப் பெறுவதற்கான முயற்சிகளை போர்க்கால அடிப்படையில் மேற்கொள்ள, மஸ்ஜித் இப்றாஹீம் பள்ளிவாசலை நிர்வகித்து வரும் United Welfare Union - Hong Kong அமைப்பால் திட்டமிடப்பட்டுள்ளது.


இவ்வாறு அந்த செய்திக்குறிப்பில் தெரிவிக்கப்பட்டுள்ளது.

தகவல் & படங்கள்:
ஹாங்காங்கிலிருந்து...
பொறியாளர் M.செய்யித் அஹ்மத் உதவியுடன்
ஹாஃபிழ் B.S.அஹ்மத் ஸாலிஹ்


[கூடுதல் தகவல் இணைக்கப்பட்டது @ 01:30 / 07.12.2013]


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...இறை இல்லக் கொடைவள்ளல்கள்
posted by mackie noohuthambi (kayalpatnam) [06 December 2013]
IP: 117.*.*.* India | Comment Reference Number: 31836

மாஷா அல்லாஹ். படிப்பதற்கும் பார்ப்பதற்கும் சந்தோஷமாக உள்ளது.அரசு நிலத்தை குத்தகைக்கு தந்ததும், அரசு வரைபடத்துக்கு உடன் ஒப்புதல்தந்ததும் எந்த கட்டணமும் இல்லாமல் நமதூர் பொறியாளர்கள் பள்ளிவாசல் வரைபடத்தை உருவாக்கி தந்ததும் பள்ளிவாசல் கட்ட நிதி குவிந்ததும், இவ்வளவு விரைவில் கட்டி முடித்து பயன்பாட்டுக்கு வந்ததும் எல்லாமே ஒரு கனவுபோல் தெரிகிறது, அதுவும் ஒரு அந்நிய நாட்டில், அல்ல்லாஹு அக்பர்.

நமது நாட்டில் நினைத்துக் கூட பார்க்க முடியாது. எங்கள் முஹல்லாஹ்வில் அமைந்துள்ள மொகுதூம் பள்ளியை கட்டி முடிக்க நிர்வாகம் பட்டபாடு சொல்லில் அடங்காது, ஏட்டில் எழுத முடியாது. நகர்மன்றம்,நீதிமன்றம், சட்டமன்றம்,பாராளுமன்றம் இன்னும் என்னென்ன மன்றங்கள் உண்டோ எல்லா இடத்துக்கும் பசி தாகத்துடன் அலைந்து திரிந்து, சுமார் 2-3 வருடங்கள் கழித்துதான் இன்றுள்ள நிலைக்கு அது உயர்வடைந்தது.

இன்ஷா அல்லாஹ் குத்தகை காலம் 99 வருடங்களாக அதை மாற்றி தரும் வல்லமை அந்த பள்ளியின் நாயகன், நாயன் அல்லாஹ்வின் கையில் இருக்கிறது.ஒரு விஷயம் ஆக வேண்டும் என்று அவன் நினைத்தால் அவன் சொல்வதெல்லாம், "ஆகி விடு "என்பதுதான். உடனே அது ஆகி விடும். ஆனால் அதில் தொழுக வரும் முஸ்லிம்கள் நாம் எல்லோரும் ஒற்றுமையாக இருக்கவேண்டும் என்பதுதான் அல்லாஹ் அதற்கு விதிக்கும் நிபந்தனை.

ஒன்றுபடுவோம், இஸ்லாம் என்ற ஒரு குடையின்கீழ், அணிவகுப்போம் முஸ்லிம்கள் என்ற ஒரே அணியில்.

இனிய து ஆக்களும் வாழ்த்துக்களும்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...
posted by V D SADAK THAMBY (Guangzhou,China) [06 December 2013]
IP: 218.*.*.* China | Comment Reference Number: 31837

மத நல்லிணக்கத்திற்கு, பிற நாடுகளை காட்டிலும் ஹாங்காங் அரசு எப்போதுமே ஒரு முன்மாதிரிதான்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...அல்லாஹுவின் புனித இல்லம்
posted by M.S.ABDULAZEEZ (Hk) [06 December 2013]
IP: 180.*.*.* Hong Kong | Comment Reference Number: 31839

2:150 وَمِنْ حَيْثُ خَرَجْتَ فَوَلِّ وَجْهَكَ شَطْرَ الْمَسْجِدِ الْحَرَامِ ۚ وَحَيْثُ مَا كُنتُمْ فَوَلُّوا وُجُوهَكُمْ شَطْرَهُ لِئَلَّا يَكُونَ لِلنَّاسِ عَلَيْكُمْ حُجَّةٌ إِلَّا الَّذِينَ ظَلَمُوا مِنْهُمْ فَلَا تَخْشَوْهُمْ وَاخْشَوْنِي وَلِأُتِمَّ نِعْمَتِي عَلَيْكُمْ وَلَعَلَّكُمْ تَهْتَدُونَ

2:150. ஆகவே(நபியே!) நீர் எங்கிருந்து புறப்பட்டாலும் (தொழுகையின் போது) உம் முகத்தைப் புனிதப் பள்ளிவாயிலின் பக்கமே திருப்பிக் கொள்ளும்; (முஃமின்களே!) உங்களில் அநியாயக்காரர்களைத் தவிர மற்ற மனிதர்கள் உங்களுடன் வீண் தர்க்கம் செய்ய இடங்கொடாமல் இருக்கும் பொருட்டு, நீங்களும் எங்கே இருந்தாலும் புனிதப் பள்ளியின் பக்கமே உங்கள் முகங்களைத் திருப்பிக் கொள்ளுங்கள்; எனவே, அவர்களுக்கு அஞ்சாதீர்கள்; எனக்கே அஞ்சுங்கள்; இன்னும், என்னுடைய நிஃமத்களை(அருட் கொடைகளை) உங்கள் மீது முழுமையாக்கி வைப்பதற்கும், நீங்கள் நேர்வழியினைப் பெறுவதற்கும் (பிறருக்கு அஞ்சாது, எனக்கே அஞ்சுங்கள்).


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:...
posted by mohmed younus (kayalpatnam) [06 December 2013]
IP: 117.*.*.* India | Comment Reference Number: 31841

பொறியாளர்கள் இருவருக்கும் அல்லாஹ் பறக்கத் செய்யட்டும்!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. மஸ்ஜித் இப்ராஹீம்
posted by D.S.ISMAIL (HONGKONG) [07 December 2013]
IP: 210.*.*.* Hong Kong | Comment Reference Number: 31843

இந்த இறையில்லம் அமைவதற்கு முக்கிய பங்களித்த நண்பர்கள் அப்துல்லாஹ் & செய்யித் அஹ்மத் இருவருக்கும் அல்லாஹ் ஈருலகிலும் பரகத் செய்வானாக.

நண்பர் செய்யித் அஹ்மத் பள்ளி நிர்வாகத்தில் இணை செயலாளராக (JOINT SECRETARY) ஆக இருக்கிறார் என்ற தகவலை அளிக்காதது அவரின் பெருந்தன்மையை காட்டுகிறது.

இன்ஷா அல்லாஹ் இப்பள்ளி விரைவில் நிரந்தரமாக கட்டப்பட்டு கம்பீரமாக காட்சியளிக்க அல்லாஹ் உதவி புரிவான்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. மாஷா அல்லாஹ்.
posted by KADER SHAMUNA (KL) [07 December 2013]
IP: 118.*.*.* Malaysia | Comment Reference Number: 31844

அஸ்ஸலாமு அழைக்கும்,

மாஷா அல்லாஹ்.இந்த பள்ளிவாசல் பார்பதற்கு மிகவும் அருமையாக உள்ளது... பொறியாளர்கள் இருவருக்கும் அல்லாஹ் பறக்கத் செய்யட்டும்!ஆமீன் ....


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. Re:...
posted by AHAMED SULAIMAN (Dubai) [07 December 2013]
IP: 217.*.*.* United Arab Emirates | Comment Reference Number: 31846

அஸ்ஸலாமு அழைக்கும் ,

அல்லாஹ் போதுமானவன் உழைத்த அனைத்து உள்ளகளுகும் இறைவன் தன் அருள்களை வழங்கட்டும் . ஒப்பந்தம் நீண்ட கால ஒப்பந்தமாகட்டும் ஆமீன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. Re:...வாழ்த்தி , துஆ செய்வோம்
posted by A.S.L.SULAIMAN LEBBAI (RIYADH - S.ARABIA) [07 December 2013]
IP: 37.*.*.* Saudi Arabia | Comment Reference Number: 31847

அல்லாஹ்வின் இல்லமான இந்த புனித பள்ளிக்கு காயல்பட்டினத்தைச் சேர்ந்த கட்டிடக் கலை பொறியாளர்கள் இருவர் வடிவமைப்பு செய்து கொடுத்து மற்றும் கூட்டு முயற்சியில், ஹாங்காங் நாட்டில் பள்ளிவாசல் ஒன்று புதிதாகக் கட்டி முடிக்கப்பட்டு அதன் திறப்பு விழாவும் நடந்து உள்ளதை நினைத்து மிகவும் மகிழ்ச்சி அடைகிறோம் .

இந்த புனித பள்ளி கட்டுவதற்காக முஎர்ச்சி எடுத்த அனைவர்களுக்கும் வல்ல நாயனின் இருந்து நற்கூலி நிச்சயம் கிடைக்கும் . அவர்களுக்காக நாமும் வல்ல நாயனிடம் து ஆ செய்வோம் .ஆமீன்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
9. Re:...
posted by S.I.Dastagir (Colombo) [07 December 2013]
IP: 112.*.*.* Sri Lanka | Comment Reference Number: 31848

Assalamu Alikum Warah….

Masha Allah, Today morning in Colombo I happened to view the Opening ceremony of “MASJID IBRAHIM” at Yau Ma Tei - Hong Kong.

I’m so much pleased and happy to know that my cousin brother’s son and my boyhood Best friend’s son were the main architects and advisors of this beautiful mosque. May Almighty Allah shower his choicest blessings on them and build them a home in Firdows ul Ala.

I also pray the most Beneficent to inspire the Govt of Hong Kong to release the whole land to the mosque., Give them Dawah and attract to the fold of Islam.

My sincere blessings, prayers and wishes to all brothers and sisters who have Contributed their share in all sphere for this noble task. May Allah accept all their Prayers and bestow and give them Al Jannath Ul Firdows.

Wassalam
S.I.Dastagir / Colombo
7-12-2013 1.30 pm


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
10. Re:... அஸ்ஸலாமு அலைக்கும்.
posted by SUPER IBRAHIM S.H. (RIYADH. K.S.A.) [07 December 2013]
IP: 78.*.*.* Saudi Arabia | Comment Reference Number: 31850

அஸ்ஸலாமு அலைக்கும்.

மாஷா அல்லாஹ்.இந்த பள்ளிவாசல் பார்பதற்கு மிகவும் அருமையாக உள்ளது... பொறியாளர்கள் இருவருக்கும், மற்றும் யார் எல்லாம் உதவி செய்தர்ஹலோ அனைவருக்கும் அல்லாஹ் பறக்கத் செய்யட்டும்!ஆமீன் .... ஆமீன்! யாரப்பல் ஆலமீன்!!!!

அன்புடன்,
சூப்பர் இப்ராகிம் செய். இபு.
ரியாத். சவுதி அரேபியா.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
11. Re:...
posted by Cnash (Makkah ) [07 December 2013]
IP: 212.*.*.* Switzerland | Comment Reference Number: 31851

மாஷாஅல்லாஹ் ..

இந்த மகத்தான பணியை செய்து முடித்த உங்கள் அனைவருக்கும் அல்லாஹ் இரு உலகிலும் கிருபை செய்வானாக! இது இறைவனுடைய இல்லம் நீங்கள் செய்து இருப்பது அவனுக்கு உகப்பான செயல் ... இதை செய்து முடிக்க நாடிய இறைவன் மிக விரைவில் இது நிரந்தர இறை இல்லமாக ஆகுவதற்கும் அருள் புரிவான்...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
12. Re:...
posted by சாளை S.I.ஜியாவுத்தீன் (அல்கோபார்) [07 December 2013]
IP: 37.*.*.* Saudi Arabia | Comment Reference Number: 31862

செய்தியை படிக்க சந்தோசம், பள்ளிவாசலின் புகைப்படங்களை கண்டு பரவசம், நம் சகோதரர்களின் கைவண்ணத்தில் உருவானதை அறிந்து பூரிப்பு..!!! மாஷா அல்லாஹ்.

* ஜமால் மாமா, என்ன கன்னத்தில் கையை வைத்து ஆழ்ந்த யோசனையுடன் கூடிய கவலையில் இருக்கின்றீர்கள். ? உங்கள் கவலை புரிகின்றது, குத்தகைக் காலம் 2014 டிசம்பர் மாதத்துடன் நிறைவடையப்போகின்றதே என்பது தானே.! வல்ல அல்லாஹ் இதை நிரந்தர பள்ளிவாசலாக மாற்றி விடுவான்.

* பிரித்து மேய்ந்து விடுவேன், பிரித்து மேய்ந்து விடுவேன் என்று கூறுவார்களே, இந்த டெக்னாலஜிக்கு அர்த்தம் இது தானோ..!!

சாளை S.I.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
13. Re:...மாஷாஅல்லாஹ் ! ரம்மியமான இறை இல்லம் !
posted by s.i.ahmed (colombo) [07 December 2013]
IP: 220.*.*.* Sri Lanka | Comment Reference Number: 31865

அல்லாஹ்வின் அடியார்கள் -அவனை வணங்கி வழிபட இந்த இறை இல்லத்தை அழகுற நிர்மாணிதுள்ளார்கள் அல்ஹம்துலில்லாஹ் .இந்த அரிய பணியில் பல வழிகளிலும், தம்மை அர்பணித்த ஒவ்வொரு இறை நேசச் செல்வர்களுக்கும் ரப்புல் ஆலமீன் ஈருலகிலும் ரஹ்மத் செய்வானாக !

இந்த இறை இல்லத்தில் முஸ்லிம்களுக்கிடையே எத்தகைய கொள்கை வேறுபாடும், பாகுபாடும் காட்டப்படாமல் அனைத்துலக முஸ்லிம் உம்மத்துகளும் உரிமையோடு அல்லாஹ்வை வணங்கி வழிபடக்கூடிய இறை இல்லமாக இதனை மிளிரச் செய்திடல் வேண்டும்.

மாறாக இறை இல்லத்தை நிர்வகிக்கும் பொறுப்பாளர்கள் வணக்கம் புரிபவர்களை தடுத்து அதனைப் பாழாக்கி விட வேண்டாம் என அல்லாஹ்வே எச்சரிக்கை விடுக்கின்றான்.

"அன்றி அல்லாஹ்வுடைய பள்ளிவாசல்களில் அவனுடைய பெயர் கூறப்படுவதைத் தடுத்து,அவற்றைப் பாழாக்க முயற்சிப்பவனை விட பெரிய அநியாயக்காரன் யார் ? அச்சத்துடனன்றி அவற்றில் நுழைய அவர்களுக்கு உரிமையே இல்லை .(அதற்கு மாறாக நடக்கும் ) அவர்களுக்கு இவ்வுலகில் இழிவுதான். மறுமையிலோ கொடிய வேதனை உண்டு ."(அல்குர்ஆன் 2:114)

"( நபியே) ஓர் அடியார் தொழுதால் ,அதைத் தடை செய்கிறவனை நீங்கள் (கவனித்துப் )பார்த்தீர்களா ? அவர் நேரான பாதையில் இருந்து கொண்டு ,பரிசுத்தத் தன்மையை ஏவிக்கொண்டிருந்தும் (அவரை அவன் தடை செய்வதை )நீங்கள் (கவனித்துப் )பார்த்தீர்களா ?(அவன் ,அவரைப் )பொய்யாக்கிப் புறக்கணிப்பதையும் நீங்கள் கவனித்தீர்களா ?(அவன் செய்யும் இந்த துஷ்ட காரியங்களை) நிச்சயமாக அல்லாஹ் பார்க்கிறான் என்பதை அவன் அறிந்து கொள்ளவில்லையா ? (இவ்வாறு அவன் செய்வது) தகாது (இந்த துஷ்ட செயலிலிருந்து )அவன் விலகிக்கொள்ளாவிடில் குற்றம் செய்யும் அப்பொய்யனின் முன் குடுமியைப் பிடித்து நாம் இழுப்போம்.ஆகவே அவன் (தன் உதவிக்காக)தன் சபையோரை அழைக்கட்டும் நாமும் (அவனை நரகத்திற்கு அனுப்ப நரகத்தின் )காவலாளிகளை அழைப்போம் .(நபியே )நிச்சயமாக நீங்கள் அவனுக்கு கீழ்படியாதீர்கள் (உங்கள் இறைவனுக்குச் ) சிரம் பணிந்து வணங்கி (அவனை )அணுகுவீராக ! (அல்குர்ஆன் 96:9-19)


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
14. Re:..Second Mile Stone of Kowloon.
posted by K.V. KHADER (Kayalpatnam) [09 December 2013]
IP: 117.*.*.* India | Comment Reference Number: 31890

Allahu Akbar. Assalamualaikum Dear Brothers. We are much delighted to see the "New Masjid Ibrahim" in Kowloon at Yaumatei.

It is not just a grand opening but a great opening and a venture of our Young Architech, Mr. Seyed Ahamed, S/o my respected Late Brother Mahmood Saachappa (A Lovable Personality of all) and Mr. Abdullah Jawahari, S/o my good old friend Mr. Ilyas.

May Almighty Allah bestow His Mercy on all of us and show us the right path, Aameen.

K.V. KHADER & SONS
KAYALPATNAM


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்
எடத்த அடைக்குது! (?!)  (6/12/2013) [Views - 2698; Comments - 2]
நெல்சன் மண்டேலா மரணம்!  (6/12/2013) [Views - 2781; Comments - 5]

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2024. The Kayal First Trust. All Rights Reserved