{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 65ஆவது குடியரசு நாள் இன்று நாடெங்கும் கொண்டாடப்படுகிறது. இதனை முன்னிட்டு, காயல்பட்டினம் சென்ட்ரல் மெட்ரிகுலேஷன் மேனிலைப்பள்ளியில் இன்று காலை 08.30 மணிக்கு குடியரசு நாள் விழா நடைபெற்றது.

பள்ளி தலைமையாசிரியை எம்.செண்பகவல்லி தலைமையில் நடைபெற்ற இவ்விழாவில், வாவு வஜீஹா வனிதையர் கல்லூரியின் துணைப் பொருளாளர் வாவு எஸ்.ஏ.ஆர்.கதீஜத்துல் ஃபாத்திமா தேசிய கொடியேற்றினார்.

ஜன்னத்துல் ஃபிர்தவ்ஸ் வரவேற்றுப் பேசினார். ஜோதி சிறப்புரையாற்றினார். தொடர்ந்து, குடியரசு நாள் மகிமையை உணர்த்தும் பாடல்கள், கவிதைகள், பேச்சுக்கள் பள்ளி மாணவியரால் வழங்கப்பட்டன. சாதனை மாணவ-மாணவியருக்கு இவ்விழாவில் பரிசுகளும் வழங்கப்பட்டன. செல்வ நங்கை நன்றி கூற, நாட்டுப்பண்ணுடன் விழா நிறைவுற்றது.