காயல்பட்டினம் கடைப்பள்ளி வளாகத்தில் அடங்கியிருக்கும் மஹான் செய்யித் ராபியத்தும்மாள் நாயகி அவர்களின் வருடாந்திர கந்தூரி நிகழ்ச்சி, இம்மாதம் 22ஆம் நாள் புதன்கிழமையன்று, தர்ஹா வளாகத்தில் நடைபெற்றது. அதிகாலை ஃபஜ்ர் தொழுகைக்குப் பின் கத்முல் குர்ஆன் ஓதி, ஈஸால் தவாப் செய்யப்பட்டது. அன்று மாலையில் மவ்லித் மஜ்லிஸும், மஃரிப் தொழுகைக்குப் பின் திக்ர் மஜ்லிஸும் நடைபெற்றது.



இஷா தொழுகைக்குப் பின், சன்மார்க்க சொற்பொழிவு நிகழ்ச்சி நடைபெற்றது. ஸெய்யிதினா பிலால் பள்ளியின் இமாம் மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் ஃகைரீ, அல்ஜாமிஉஸ் ஸகீர் – சிறிய குத்பா பள்ளியின் கத்தீப் மவ்லவீ எஸ்.எம்.முஹம்மத் ஃபாரூக் அல்ஃபாஸீ ஆகியோர் சிறப்புரையாற்றினர்.





நிகழ்ச்சிகள் அனைத்திலும் திரளான பொதுமக்கள் கலந்துகொண்டனர். நிறைவில் அனைவருக்கும் ‘தபர்ருக்’ எனும் நேர்ச்சை வினியோகிக்கப்பட்டது.