{ முகநூல் கருத்துக்கள்}{ட்விட்டர் கருத்துக்கள்}

வரும் மார்ச் மாதம் 04ஆம் நாள் செவ்வாய்க்கிழமையன்று, அய்யா வைகுண்டசாமி பிறந்தநாளை முன்னிட்டு, தூத்துக்குடி மாவட்டத்திற்கு உள்ளூர் விடுமுறையை மாவட்ட ஆட்சியர் ம.ரவிக்குமார் அறிவித்துள்ளார். இதுகுறித்து அவர் வெளியிட்டுள்ள அறிக்கை பின்வருமாறு:-

தூத்துக்குடி மாவட்டம் அய்யா வைகுண்டசாமி வழிபாட்டுத் தலங்களில் அய்யா வைகுண்டசாமி பிறந்தநாள் விழா ஒவ்வொரு வருடமும் மாசி மாதம் 20ஆம் தேதி கொண்டாடப்படுகிறது. அய்யா வைகுண்டசாமி பக்தர்கள் தூத்துக்குடி மாவட்டத்தில் பரவலாக இருப்பதால், மேற்படி மாசி மாதம் 20ஆம் நாள் (04.03.2014 செவ்வாய்க்கிழமை) மாவட்டம் முழுவதும் உள்ளூர் விடுமுறையாக அறிவிக்கப்படுகிறது.

மேற்படி மாசி மாதம் 20ஆம் நாள் (04.03.2014) அன்று மாவட்டம் முழுமைக்கும் இந்த உள்ளூர் விடுமுறை பொருந்தும். எனினும், 04.03.2012 அன்று அரசுத் தேர்வுகள் சம்பந்தப்பட்ட மாணவ / மாணவியர், ஆசிரியர்கள் மற்றும் தொடர்புடைய பணியாளர்களுக்கு மட்டும் இவ்விடுப்பு பொருந்தாது என தெரிவிக்கப்படுகிறது. இது செலாவணி முறிவுச் சட்டத்தின்படி (Negotiable Instrument Act) பொது விடுமுறை நாளல்ல என தெரிவிக்கப்படுகிறது.

இந்த விடுமுறைக்குப் பகரமாக, 08.03.2014 சனிக்கிழமையன்று அலுவலக நாளாக அறிவிக்கப்படுகிறது. இவ்வாறு, தூத்துக்குடி மாவட்ட ஆட்சியர் ம.ரவிக்குமார் தனதறிக்கையில் தெரிவித்துள்ளார்.