Kayal on the Web

செய்திகள்

செய்தி எண் (ID #) 13127

#KOTW13127

வெள்ளி, பிப்ரவரி 28, 2014

காயல்பட்டினம் நகர்மன்ற வங்கி கணக்கு விபரங்களை தனது இணையதளத்தில் வெளியிட்டுள்ளார் நகர்மன்றத் தலைவர்!

செய்தி: காயல்பட்டணம்.காம்
இந்த பக்கம் 4165 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர்மன்றத் தலைவர் ஐ. ஆபிதா சேக் - காயல்பட்டினம் நகர்மன்றம் சார்பாக - ஆணையர் பெயரில் இயக்கப்படும், 13 வங்கி கணக்குகளின் விபரங்களை தனது இணையதளத்தில் வெளியிட்டுள்ளார். அதில் 3 கணக்குகள் பாரதிய ஸ்டேட் வங்கி சார்ந்ததும், 8 கணக்குகள் இந்தியன் ஓவர்சீஸ் வங்கி சார்ந்ததும், இரண்டு தூத்துக்குடி மத்திய கூட்டுறவு வங்கி சார்ந்ததும் ஆகும்.

சில வங்கி கணக்குகளில் சில மாத விபரங்கள் விடுபட்டுள்ளன. அவைகள் கிடைக்கபெற்றவுடன் வெளியிடப்படும் என்று - தனது முகநூல் பக்கத்தில் நகர்மன்றத் தலைவர் தெரிவித்துள்ளார்.

தற்போது அவர் வெளியிட்டுள்ள வங்கி கணக்கு விபரங்கள் குறித்து நகர்மன்றத் தலைவர் தனது முகநூல் பக்கத்தில் (https://www.facebook.com/aabidha.shaik) பதிந்துள்ள கருத்துக்கள் வருமாறு:

வெளிப்படையான, ஊழலற்ற நிர்வாகத்தினை - இறைவன் துணையுடன் வழங்கிட - நான் பதவியேற்ற காலம் முதல் முயன்று வருகிறேன். அதன் தொடர்ச்சியாக எனது இணையதளத்தில் (http://www.kayalchairman.com/) - நகராட்சியின் வங்கி கணக்குகள் விபரத்தை நான் வெளியிட்டுள்ளேன். இதில் நகராட்சியின் 13 வங்கி கணக்குகளின் விபரம் உள்ளது.

நான் பதவிக்கு வந்த நிதியாண்டு முதல் - இது காலம் வரையிலான வங்கி கணக்குகளை - இறைவன் நாட்டத்துடன் - வெளியிடவுள்ளேன். தற்போது இது வரைக் கிடைக்கப்பெற்ற காலத்தின் விபரங்களை மட்டும் வெளியிட்டுள்ளேன்.

உள்ளாட்சி மன்றங்களுக்கான தணிக்கை துறை - ஒவ்வொரு ஆண்டும், நகராட்சி கணக்கினை தணிக்கை செய்யவேண்டும் என்ற விதிமுறை இருந்தாலும் - நூற்றுக்கணக்கான பொதுமக்களின் தணிக்கைக்கு ஈடேதும் கிடையாது என நான் நம்புகிறேன்.

வெளியிடப்பட்டுள்ள வங்கி கணக்கு விபரங்களில் ஏதேனும் சந்தேகம் / கேள்விகள் இருப்பின் அவற்றை எனது ஈமெயில் முகவரிக்கு (kayalchairman@gmail.com) தெரிவிக்கவும்.

நாம் அனைவரும் ஒன்றாக இணைந்து - தூய எண்ணத்தோடு செயல்புரிந்தால், ஊழலற்ற, நேர்மையான காயல்பட்டினம் நகராட்சியை விரைவில் காணலாம். இறைவன் நம் நல்ல நாட்டங்கள் அனைத்திற்கும் துணை புரிவான்.

இவ்வாறு - காயல்பட்டினம் நகர்மன்ற வங்கி கணக்குகளை தனது இணையதளத்தில் வெளியிட்டு, நகர்மன்றத் தலைவர் ஐ. ஆபிதா சேக் கருத்து தெரிவித்துள்ளார்.

{TAGS} chairman abeedha transparency auditing public audit accounts municipality bank statements bank account

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. தொடரட்டும் உங்கள் வெளிப்படை நிர்வாகம்.. பாராட்டுக்கள்..
posted by தமிழன் முத்து இஸ்மாயில் (காயல்பட்டினம்.) [28 February 2014]
IP: 180.*.*.*

India | Comment Reference Number: 33426

உங்களின் வெளிப்படை நிர்வாகத்தில் இதுவும் ஒன்று என்றே கருதுகிறேன்.. வாழ்த்துக்கள் - காயல்பட்டினம் நகராட்சியின் அனைத்து வங்கிக் கணக்குகளின் முழுமையான STATEMENT இனி மாதம் மாதம் உங்களின் இணையதளத்தில் வழங்கவும்.

கடந்த நகர்மன்ற தலைமையில் ரூபாய் 13 லட்சம் நமது வரிப்பணம் வங்கியில் இருந்து மோசடியாக போனது.. குறிப்பிடத்தக்கது...! அதன் முடிவு இதுவரை தெளிவில்லை...

உள்ளாட்சி துறை தணிக்கையின் போது சமீபத்தில் நமது நகராட்சியில் நமது வரி பணம் ரூபாய் 2.5 லட்சம் கையாடல் நடைபெற்ற முறைகேட்டை சுட்டிக்காட்டி நீங்களும் இன்னும் பொதுநல ஆர்வலகளும் கூடவே நானும் RTI மூலம் மனு செய்து இருந்தேன் அந்த மனுவுக்கு அன்றைய ஆணையர் அசோக் குமார் எனக்கு அளித்த பதில் இதோ.. (பதில் - காயல்பட்டணம் நகராட்சியில் 2010-11-ம் ஆண்டு உள்ளாட்சி தணிக்கையில் சுட்டிக்காட்டப்பட்டுள்ள நிதியிழப்பு தொகை சம்பந்தப்பட்ட ஊழியரால் வங்கியில் செலுத்தப்பட்டது. மனுதாரர் குறிப்பிட்டது போல் நிதியிழப்பு ஏற்படவில்லை என்ற விபரம் தொிவிக்கப்படுகிறது.) என்கிறார்..

(எனது எதிர் கருத்து இதோ - தணிக்கையில் சுட்டிக்காட்டப்பட்டுள்ள நிதியிழப்பு தொகை சம்பந்தப்பட்ட ஊழியரால் வங்கியில் செலுத்தப்பட்டது.. CP

அதாவது முறைகேடு நடந்துள்ளதை ஆணையர் ஒத்துக்கொள்கிறார்.. புகார் மனுவை ஆட்சிரிடம் வழங்கிய பிறகு அவசர அவசரமாக வங்கியில் பணம் செலுத்த பட்டுள்ளது... என்பதை அனைவரும் உணரலாம்...

சந்தேகம் இருப்பின் மாவட்ட ஆட்சியரின் இணையதளத்தில் சென்று எனது கோரிக்கை எண் பதிந்து உண்மையை தெரிந்து கொள்ளுங்கள்...http://onlinegdp.tn.nic.in/index1.php?dis=TK - http://onlinegdp.tn.nic.in/gdp_petition_status.php?ackmnt_no=TK%2F14%2F00344

கோரிக்கை எண் - TK/14/00344

தொடரட்டும் உங்கள் வெளிப்படை நிர்வாகம்.. பாராட்டுக்கள்..

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. வாழ்த்துகள்.
posted by s.s.md meerasahib (TVM) [28 February 2014]
IP: 171.*.*.*

India | Comment Reference Number: 33427

கணக்குகள் எல்லாம் ரெம்ப சுத்தமா பளிச்சின்னு தெரிகிறது. "எனக்கு ஒரு டவுட்டு"...... என் கண்ணுக்குத்தான் அப்படி தெரிகிறதா.?!!! என்றாலும் அப்படியே...... வெளியிட்டமைக்கு வாழ்த்துகள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (KAYAL PATNAM) [28 February 2014]
IP: 59.*.*.*

India | Comment Reference Number: 33429

அஸ்ஸலாமு அலைக்கும்

மரியாதைக்குரிய நமது நகர் மன்ற தலைவி அவர்களின் இந்த வெளிப்படையான ஒரு நிர்வாகத்தை தான் நாம் எதிர் நோக்கி காத்து இருந்தோம் ..... மேடம் தங்களுக்கு எங்களுடைய '' நல் வாழ்த்துக்கள் ''

>> >>மேடம் தொடரட்டும் நம் ஊருக்கான தங்களின் இது போன்ற நல்ல வெளிப்படையான செயல்கள் <<<<

நமது ஊர் நகர் மன்றத்தின் இது போன்ற வெளிப்படையான நிர்வாகத்தால் நம் ஊர் நகர் மன்றத்தின் நற் பெயர் தான் வெளி உலகத்துக்கு தெரிய வரும் ..... தங்களின் இந்த நல்ல செயலால் நம் நகர் மன்றம் தான் ....மற்ற நகர் மன்றத்துக்கு முன்மாதிரியாக விளங்கும் ...என்பதிலும் எள்ளளவும் சந்தேகம் இல்லை .......

இது போன்ற தங்களின் வெளிப்படையான நிர்வாகத்தால் தவறுகள் நடக்காது என்பது பொதுவான மக்களின் கருத்து .......

நம் நகர் மன்றம் வெளிப்படையான நிர்வாகத்தால் நம் ஊருக்கு மேலும் பல நல்ல பொது காரியங்கள் செயலாற்றிட வல்ல இறைவன் அருள் புரிவானாகவும் ஆமீன்..... வஸ்ஸலாம்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்