{ முகநூல் கருத்துக்கள்}{ட்விட்டர் கருத்துக்கள்}

வரவிருக்கும் மக்களவை தேர்தலில் தமிழகம் மற்றும் புதுச்சேரியில் 35 தொகுதிகளில் போட்டியிடும் திமுக வேட்பாளர் பட்டியலை அக்கட்சி தலைவர் கருணாநிதி சென்னை அண்ணா அறிவாலயத்தில் பத்திரிகையாளர் சந்திப்பில் வெளியிட்டார். தூத்துக்குடி தொகுதி திமுக வேட்பாளராக அறிவிக்கப்பட்டுள்ள என்.பி. ஜெகன் எம்.காம் பட்டதாரி. கிறிஸ்தவ நாடார் வகுப்பைச் சேர்ந்தவர். 2.7.1979ம் ஆண்டு பிறந்தார். மாவட்ட செயலாளர் என்.பெரியசாமியின் மகன்.

திமுகவில் அடிப்படை உறுப்பினராகவும், கல்லூரி பருவத்தில் மாணவர் பேரவை தலைவராகவும் இருந்துள்ளார். இவர் ஹோட்டல் கீதா இன்டர்நேஷனல் நிர்வாகத்தை கவனித்து வருகிறார். இவரது மனைவி மெரின் பேபி நிஜா. இவருக்கு அக்சய் பெரீசன் டேவிஸ் (10) என்ற மகனும், டிவைனா எபி பிரியதர்ஷினி (6) என்ற மகளும் உள்ளனர். இருவரும் முறையே 5ம் வகுப்பு மற்றும் 2ம் வகுப்பும் படித்து வருகின்றனர்.

ஜெகனுக்கு கீதாஜீவன், சுதா, மிஷிதா ஆகிய 3 சகோதரிகளும், ராஜா, அசோக்வரதன் ஆகிய 2 சகோதரர்களும் உள்ளனர். சகோதரிகளில் கீதாஜீவன் 1996ல் மாவட்ட பஞ்சாயத்து தலைவராகவும், 2006ம் ஆண்டு தூத்துக்குடி எம்எல்ஏவாக தேர்ந்தெடுக்கப்பட்டு திமுக அமைச்சரவையில் கால்நடை துறை அமைச்சராகவும், பின்னர் சமூக நலத்துறை அமைச்சராகவும் பொறுப்பு வகித்தவர் என்பது குறிப்பிடத்தக்கது.

தகவல்:
www.tutyonline.com