Kayal on the Web

செய்திகள்

செய்தி எண் (ID #) 13310

#KOTW13310

வியாழன், மார்ச் 20, 2014

லஞ்சம், ஊழலற்ற நாடாக இந்தியாவை மாற்றுவோம்: ஆம் ஆத்மி வேட்பாளர்கள் உறுதிமொழி!

செய்தி: காயல்பட்டணம்.காம்
இந்த பக்கம் 2186 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் 8 தொகுதிகளுக்கான முதல் வேட்பாளர் பட்டியலை ஆம் ஆத்மி கட்சி செவ்வாய்க்கிழமை டெல்லியில் வெளியிட்டது. புதுச்சேரிக்கும் வேட்பாளர் அறிவிக்கப் பட்டுள்ளார். வேட்பாளர்கள் அறிமுக நிகழ்ச்சி, சென்னை பெருங்குடியில் உள்ள கட்சி அலுவலகத்தில் புதன்கிழமை நடந்தது.

எம்.பி.ஜேசுராஜ் (நெல்லை), எம்.புஷ்பராயன் (தூத்துக்குடி), எஸ்.பி.உதயகுமார் (கன்னியா குமரி) ஆகியோரைத் தவிர மீதமுள்ள 6 வேட்பாளர்களும் அறிமுக நிகழ்ச்சியில் பங்கேற்றனர். அவர் களை ஆம் ஆத்மி கட்சியின் மாநில பிரசாரக்குழு ஒருங்கிணைப்பாளர் டேவிட் பருண்குமார் அறிமுகம் செய்து வைத்தார்.

இந்த நிகழ்ச்சியில் பேசிய வேட்பாளர்கள், ‘லஞ்சம், ஊழலற்ற நாடாக இந்தியாவை மாற்றுவோம். தொகுதி மக்களின் குறைகளை கேட்டறிந்து, அதை நிறைவேற்றபாடுபடுவோம். சமுதாய முன்னேற் றத்துக்காக பாடுபடுவோம்’ என்றுஉறுதிமொழி எடுத்துக் கொண்டனர்.

இதைத் தொடர்ந்து நிருபர்களிடம் டேவிட் பருண்குமார் கூறுகையில், ‘‘தமிழகத்தில் 25 தொகுதிகளில் ஆம் ஆத்மி கட்சி போட்டியிட திட்டமிட்டுள்ளது. அரசின் அடக்குமுறை காரணமாக இந்த நிகழ்ச்சியில் உதயகுமார், புஷ்பராயன், ஜேசுராஜ் பங்கேற்க வில்லை’’ என்றார்.

பொதுமக்களின் எச்சரிக்கை

மத்திய சென்னை தொகுதி வேட்பாளர் ஜே.பிரபாகர் கூறும் போது, ‘‘மத்திய சென்னை மக்களிடையே ஆம் ஆத்மிக்கு நல்ல வரவேற்பு உள்ளது. பலர் செல்போனில் என்னைத் தொடர்பு கொண்டு, ‘தயாநிதி மாறனை எதிர்த்து போட்டியிடுகிறீர்கள். அதனால், ஜாக்கிரதையாக இருங்கள். தனியாக வெளியே செல்ல வேண்டாம். நண்பர்களுடன் உஷாராக செல்லுங்கள்’ என கூறுகின்றனர்.

என்ன ஆனாலும், மத்திய சென்னை தொகுதியில் தயாநிதி மாறனை எதிர்த்து போட்டியிடுவேன். வெற்றி பெற்று நாடாளுமன்றம் செல்வேன். வாபஸ் என்ற பேச்சுக்கே இடமில்லை’’ என்றார்.

தகவல்:
தி இந்து

{TAGS} elections 2014 parliament tamilnadu aap aam admi party arvind kejariwal

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. We need a change and we need to change.
posted by Abdul Wahid S. (Kaayalpattinam) [21 March 2014]
IP: 115.*.*.*

India | Comment Reference Number: 33847

"எம்.பி.ஜேசுராஜ் (நெல்லை), எம்.புஷ்பராயன் (தூத்துக்குடி), எஸ்.பி.உதயகுமார் (கன்னியா குமரி) ஆகியோரைத் தவிர மீதமுள்ள 6 வேட்பாளர்களும் அறிமுக நிகழ்ச்சியில் பங்கேற்றனர்." (C & P from Above news)

8 ல் 3 போனால் 6 என்பது புதுக் கணக்கு போலும்!

------------------------ + -------------------

காலம் காலமாக தி மு க வுக்கும் அ.தி மு க வுக்கும் மாறி மாறி ஒட்டு ஒட்டு போட்ட காலம் மாறிவிட்டது. இரண்டு கட்சியும் "ஒரே குட்டையில் ஊறிய மட்டைகள்தான்". இட ஒதிக்கீடு தருவார்கள் என்று நம் சமுதாயக் கட்சிகள் வேண்டுமென்றால் இலவு காத்த கிளிகள் போல காத்துக் கொண்டிருக்கலாம். நாம் காத்துக் கொண்டிருக்க வேண்டியதில்லை.

த த ஜ, மற்றும் ம ம க, முஸ்லிம் லீக்கும் தான் முறையே அ தி மு க மற்றும் தி மு க வுடன் ஒப்பந்தம் செய்து தேர்தல் உடன்பாடு வைத்துள்ளதே தவிர முஸ்லிம் சமுதாயம் இந்த சாக்கடையுடன் ஒப்பந்தம் செய்யவில்லை. அதலால் நாம் இந்தக் கட்சி வேட்பாளர்களுக்கு ஒட்டு போட வேண்டிய அவசியம் / நிர்பந்தம் எமக்கில்லை.

சமுதாயக் கட்சிகள் சார்பில் போட்டியிடும் வேட்பாளர்களுக்கு ஓட்டளிப்பதை தவிர்க்க வேண்டாம். காரணம் நாளை ஒரு பிரச்சனை வரும் பொது இந்த வேட்பாளர்கள் நம் சமுதாயத்திருக்கு விசுவாசமாக குரல் கொடுப்பார்கள் என்று நாம் நம்ப முடியும். அ தி மு க அல்லது தி மு க வேட்பாளர்கள் நமக்கு குரல் கொடுக்க மாட்டார்கள். தங்களை நிறுத்திய கட்சிகளுக்கு விசுவாசமாக இருப்பார்கள் என்பதுதான் எதார்த்தம்.

இதற்கு முன் நமக்கு இந்த திராவிடக் கட்சிகளைத் தவிர வேறு Option / Choice இல்லாமல் இருந்தது. அனால் இப்போது நிலைமை மாறிவிட்டது. மாற வேண்டியவர்கள் நாம்தான்.

எந்த சமுதாயம் மாற நினைக்கவில்லையோ அந்த சமுதாயம் மாறாது. நமக்குத் தேவை மாற்றம். அதலால் சிந்தித்து செயல்படுவீர். உங்கள் ஒட்டு ஒரு ஆயுதம். அதை பயன்படுத்தும் நேரம் வந்துவிட்டது. அதை சாக்கடையில் தூக்கி எறியாதீர்.

We need a change and we need to change.

---------------- END ------------------------------

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. காலத்தின் தேவை அறிந்து, புரிந்து செயல் படுவோம்!
posted by கத்தீபு முஹம்மது முஹ்யித்தீன் (தோஹா – கத்தார்) [22 March 2014]
IP: 178.*.*.*

Qatar | Comment Reference Number: 33856

நம்முடைய தேர்வு கீழ்க்கண்ட hierarchy யில் இருந்தால் எவ்வளவு நன்றாக இருக்கும்?

1. முஸ்லிம் லீக் (அ) மனித நேய மக்கள் கட்சி (அ) விடுதலைச் சிறுத்தைகள்
2. எஸ் டி பி ஐ
3. ஆம் ஆத்மீ
4. கம்யூனிஸ்ட் கட்சிகள்

இவை தவிர, திமுக, காங்கிரஸ் கட்சிகளைப் புறக்கணித்தல் நலம். பாஜக / அதிமுக, மற்றும் அவைகளின் கூட்டணிக் கட்சிகளை முற்றிலுமாகப் புறக்கணிப்பது காலத்தின் கட்டாயம்! புரிந்து செயல் படுவீர்!

நம் தூத்துக்குடி தொகுதியைப் பொறுத்த வரை, ஆம் ஆத்மீக்கு ஒருமுகமாக நம் சமூகத்தினர் வாக்களித்து வெற்றி பெற செய்திட சமூக ஆர்வலர்கள் முழு மூச்சாகக் களப் பணியைத் துவக்கலாம் என்பது எம் போன்றோரின் ஆவல்! நடக்குமா?

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by Meera Sahib (Kayalpatnam) [22 March 2014]
IP: 117.*.*.*

India | Comment Reference Number: 33862

ஆம் ஆத்மி கட்சியின் வெற்றிக்கு நாம் அனைவரும் பாடுபடுவோம் . முதலில் அனைவரும் உறுப்பினர்களாக சேருவோம்.! ஊழல் அரசியலுக்கு முடிவு கட்டுவோம்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்