Kayal on the Web

செய்திகள்

செய்தி எண் (ID #) 15089

#KOTW15089

வியாழன், டிசம்பர் 25, 2014

தக்வா சார்பில் ஒருவழிப்பாதை நெசவுத் தெரு முனையில் மேலும் ஒரு குவிவிழிக் கண்ணாடி!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3294 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில், முக்கியமான சாலைகளின் சந்திப்பில், இரு புறங்களிலிருந்தும் வரும் வாகனங்கள் ஒன்றையொன்று அறியாமல் வருகையில் ஏற்படும் எதிர்பாரா போக்குவரத்து நெரிசல் மற்றும் விபத்துகளைத் தவிர்க்க - அவ்வாறான இடங்களில் குவிவிழிக் கண்ணாடியை நிறுவுவதென, 2013ஆம் ஆண்டு பிப்ரவரி மாதம் நடைபெற்ற - அமைப்பின் பொதுக்குழுக் கூட்டத்தில் தீர்மானிக்கப்பட்டு,

முதற்கட்டமாக காயல்பட்டினம் ஐசிஐசிஐ வங்கி முனையில், கடந்த நவம்பர் மாதம் 12ஆம் நாளன்று ஒரு குவிவிழிக் கண்ணாடியும்,

அதனைத் தொடர்ந்து, காயல்பட்டினம் பேருந்து நிலையம் அருகில் இரண்டு குவிவிழிக் கண்ணாடிகளும்,

கடந்த பிப்ரவரி மாதம் 03ஆம் நாளன்று அல்ஜாமிஉல் அஸ்ஹர் முனையில் ஒரு குவிவிழிக் கண்ணாடியும் பொருத்தப்பட்டது.

அந்த வரிசையில், காயல்பட்டினம் ஒருவழிப்பாதை - பெரிய நெசவுத் தெரு முனையில் இம்மாதம் 24ஆம் நாள் புதன்கிழமையன்று 13.30 மணியளவில் ஒரு குவிவிழிக் கண்ணாடி நிறுவப்பட்டுள்ளது.

தக்வா தலைவர் வாவு எம்.எம்.ஷம்சுத்தீன் தலைமையில் நடைபெற்ற இந்நிகழ்ச்சியில், செயலாளர் எம்.எஸ்.செய்யித் முஹம்மத், துணைச் செயலாளர் எம்.எச்.அபுல் மஆலீ, அங்கத்தினரான வாவு எம்.எம்.உவைஸ், சோனா காதர், வாவு ஷாஹுல் ஹமீத், ரிழ்வான் ஆகியோர் கலந்துகொண்டனர்.

தகவல்:
ஹாஃபிழ் M.M.முஜாஹித் அலீ

தக்வா அமைப்பு தொடர்பான முந்தைய செய்தியைக் காண இங்கே சொடுக்குக!

{TAGS} thakwa bangkok thailand kwa convex mirror convex lens road safety traffic transport highway municipality nesavu street corner one way

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by சாளை S.I.ஜியாவுத்தீன் (அல்கோபார்) [25 December 2014]
IP: 37.*.*.*

Saudi Arabia | Comment Reference Number: 38567

மாஷா அல்லாஹ்.

மேலும் ஒரு குவிவிழிக் கண்ணாடியை நம் ஊருக்கு நிறுவி, விபத்துக்களை தடுக்கும் நல்ல முயற்சியில் ஈடுபட்டு இருக்கும் தக்வா சகோதரர்களுக்கு பாராட்டுக்களும் வாழ்த்துக்களும்.

ஒரு வெள்ளைக்கலர் மாருதி ஸ்விப்ட் வண்டி ஒன்வேயில் வந்து நிற்கின்றதே..!!! பைன் போட்டுவிடப் போகிறார்கள்.

சாளை S.I.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...அல்லாஹ்வின் அருள் குறையாமல் குவியட்டும் !!!!!!
posted by A.R.Refaye (Abudhabi) [25 December 2014]
IP: 94.*.*.*

United Arab Emirates | Comment Reference Number: 38570

குவிவிழிக் கண்ணாடி பொருத்தி ஓட்டுனர்களின் கண் விழியை உஷார் படுத்திய தாய்லாந்து காயல் நற்பணி மன்ற தலைவர் மற்றும் பொதுக்குழு உறுப்பினர்கள் அனைவர்களுக்கும் அல்லாஹ்வின் அருள் குறையாமல் குவியட்டும் !!!!!!

A.R.Refaye-Abudhabi

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...இன்னும் செய்யுங்கள் ...
posted by mackie noohuthmbi (kayalpaattinam) [25 December 2014]
IP: 180.*.*.*

India | Comment Reference Number: 38574

வித்தியாசமான சிந்தனைகள் - இளைஞர்களை ஈர்க்கிறது. மக்களின் பாராட்டை பெற்று தருகிறது வாழ்த்துக்கள்.

இன்னும் இது போன்ற பொது சேவைகள் எனென்ன செய்யலாம் என்ற பொது மக்களின் கருத்துக்களை இணையதளங்கள் வாயிலாக கேட்டறிந்து, தக்வா - தாய்லாந்த் காயல் நல மன்றம் தாம் பிறந்த "தாய்லாந்துக்கு" நிறையவே செய்ய முடியும். தொலை நோக்கு சிந்தனைதான் இப்போதைய தேவை. வெற்றியாளர்கள் எதையும் மாற்றமாக செய்யவில்லை, அதை வித்தியாசமாக கோணத்தில் சிந்தித்து செயல்படுத்துகிறார்கள், வெற்றி பெறுகிறார்கள்..

ஒரு நேர்காணல். "நீங்கள் பொய் சொல்வீர்களா? என்று ஒரு வித்தியாசமான கேள்வியை பெரிய ஒரு நிறுவனத்தின் நிர்வாக அதிகாரி, மார்கெட்டிங் மேலாளர் பதவிக்கு தேர்வு செய்யப்படும் பட்டதாரியிடம் கேட்கிறார். இதுவரை இப்படி நாம் யாராவது நம் நிறுவனத்திற்கு ஆள் எடுக்கும்போது கேட்டிருக்கிறோமா?.சங்கடமான கேள்விதான்.

KON BANEGA CROREPATHI என்ற நிகழ்ச்சியில் அமிதாப் பச்சன் உங்கள் நண்பனுக்கு போன் பேசி யோசனை கேட்க சந்தர்ப்பம் தருவார். இங்கு அந்த வசதி இல்லை. ஆனால் அதற்கு பதில் சொல்லாமல் தேர்வில் வெற்றி பெற முடியாது.

இங்குதான் நமது IQ - INTELLIGENT QUOTIENT வித்தியாசமாக வேலை செய்ய ஆரம்பிக்கும்.

"அந்த பொய் நம் நிறுவனத்துக்கு நன்மையாக இருந்து, வேறு யாருக்கும் பாதிப்பு உண்டாக்காமல் இருக்கும் என்றால் பொய் சொல்வேன்" என்று பதில் எந்த சலனமும் இல்லாமல் வெளிவருகிறது.

You are Appointed.

இது பற்றி இஸ்லாம் என்ன சொல்கிறது என்பது அவரவர்கள் மன சாட்சிக்கு விட்டு விடுவோம். சொல்ல வந்த செய்தி, வித்தியாசமாக சிந்திப்பது செயல்படுவது என்பது மட்டும்தான். வானத்தில் பறப்பதும் பூமியில் நடப்பதும் அவரவர் எண்ணங்களே.....வாழ்த்துக்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by K.D.N.MOHAMED LEBBAI (RIYADH) [28 December 2014]
IP: 94.*.*.*

Saudi Arabia | Comment Reference Number: 38623

அஸ்ஸலாமு அலைக்கும்

நம் ஊர் அனைத்து காயல் உலக '' காயல் நற்பணி '' மன்றத்தினர்களை இது போன்ற மிக சிறப்பான நல்ல சிறப்புகளை மனதார பாராட்டியே ஆகணும் ....

இந்த நல்ல செய்யலால் நம் ஊரில் ஓரளவுக்கு விபத்துக்கள் தவிர்க்க படலாம் ..........

தொடரட்டும் தக்குவாவின் '''' இது போன்ற பல நல்ல காரியங்கள் ( சாதனைகள் ) ....நம் ஊருக்கு .......

வாழ்த்துக்கள் தக்வா...அமைப்பினர்களுக்கு .... வஸ்ஸலாம்

K.D.N.MOHAMED LEBBAI
RIYADH

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்