IP: 94.*.*.* Saudi Arabia

அஸ்ஸலாமு அலைக்கும்

வரவேற்கத்தக்க நல்லதோர் செய்தி தான் .....கண்டிப்பாகவே நம் '' சட்டமன்றத்தில் வெள்ளையறிக்கை தாக்கல்'' செய்வது ரொம்பவும் அவசியமானதே ....

அப்போது தான் நம் தமிழக அரசும் சரி ....தமிழகத்தில் உள்ள அனைத்து பொது மக்களுக்கும் சரி ஒரு முழுமையான ஒரு விழிப்புணர்ச்சி '' தோன்றும் .....இன்ஷா அல்லாஹ் நமக்கு ஒரு நிரந்தரமான நல்லதோர் செயல் வடிவம் கிடக்கும் ....

நம் ஊரில் தற்போது இருக்கும் அனைத்து பொது மக்களும் தவறாது .... கண்டிப்பாகவே இப் போராட்டத்தில் கலந்து கொள்ள வேணும் ... நம் ஊர் மக்களின் வேக உணர்ச்சியை இந்த'' நாசமா போன '' DCW '' தொழிற்சாலைக்கும் & தமிழக அரசுக்கும் புரிய வைக்க வேணும் .....

நம் ஊர் பொது மக்களின் உயிர் மீது எந்த ஒரு '' அக்கறையே '' இல்லாத நம் தமிழக அரசின் தூத்துகுடி மாவட்ட அதிகாரிகளின் மெத்தனமான போக்கை நாம் என்னவென்று சொல்வது ....நம் ஊர் பொது மக்களின் உயிருக்கு மதிப்பு இல்லையா ?? என்ன .......

இன்ஷா அல்லாஹ் .... நம் .... SDPI ....அமைப்பினர்களின் இந்த போராட்டத்தால் நிச்சயம் '' நமக்கு நல்லதோர் தீர்ப்பு '' கிடைக்கும் என்று எதிர் பார்க்கிறோம் ......

நாம் போராடுவோம் ....நிச்சயம் நாம் '' வெல்வோமாக ''''ஆமீன்......

வஸ்ஸலாம்
K.D.N.MOHAMED LEEBAI
RIYADH

IP: 163.*.*.* Japan

தி இந்து நாளிதழ் எழுத்தாளர் திரு. சமஸ் அவர்கள் காயல்பட்டினத்தில் நேரடி ஆய்வு செய்து தி இந்து நாளிதழில் 14 - 08 - 2014 அன்று வெளிவந்த செய்தி..
புற்றுக்கு எதிராகத் திரளும் ஊர்..

காயல்பட்டினம் பேருந்து நிலையத்தில் இறங்கியதுமே எதிர்ப்படுகிறார்கள் புற்றுநோயாளிகள். சுப்பிரமணியன் பேருந்து நிலைய வளாகத்தில் வல்கனைசிங் தொழில் செய்கிறார். மனைவியும் புற்றுநோயாளி, மகனும் புற்றுநோயாளி. “டயருக்கு பஞ்சர் ஒட்டிப் பொழப்பு நடத்துறவங்க. பொஞ்சாதிக்கு நுரையீரல்ல புத்து. புள்ளைக்கு ரத்தத்துல புத்து. ஒரே நேரத்துல ஒருத்தரை சென்னையிலேயும் இன்னொருத்தரை மதுரையிலேயும் வெச்சுக்கிட்டுப் போராடுனேன் பாருங்க. எவ்வளவோ செலவு செஞ்சி பாத்தாச்சு. பொஞ்சாதி போய்ட்டாங்க. பிள்ளையைக் காப்பாத்தணும், அதுக்காகத்தான் ஓடிக்கிட்டு இருக்கேன்” என்று சொல்லும் தந்தையையே பார்த்துக்கொண்டிருக்கிறான் ஐயன்ராஜ். மருத்துவச் செலவை எதிர்கொள்ள படிப்பை நிறுத்திவிட்டு, அப்பாவோடு கடையில் உதவிக்கு உட்கார்ந்திருக்கிறான். “அப்பா ஒண்டியா எவ்ளோண்ணே கஷ்டப்படுவாங்க, பாவம் இல்லேண்ணே, என்னால பெருசா ஒண்ணும் முடியாது. ஆனா, பக்கத்துலேயே உட்கார்ந்துருக்கும்போது அப்பாவுக்கு ஒரு ஆறுதலா இருக்கு” என்கிறான், கண்ணில் ததும்பும் நீரை அடக்கிக்கொண்டு.

IP: 188.*.*.* Saudi Arabia

இந்த அரசும்,மாவட்ட அதிகாரிகளும் நமக்கு சாதகமாக அதாவது மனசாட்ச்சியுடன் நடப்பார்கள் என்பது மலடி மழலை பெறுவாள் எபதற்க்கு ஈடாகும்! மயிலே மயிலே இறகு போடு என்பதற்கு சமமாகும்!

நம்முடைய ஒட்டுமொத்த அமைப்புகளும்,அனைத்து மக்களும் ஒற்றுமையாய் ஓரணியில் நின்று போராடும் எதிர்ப்பலையால் மட்டுமே அந்த முரட்டு ஆலையையும்,அதற்க்கு ஆமாம் சாமி போடும் அரசையும் அவர்களுக்கு வால்பிடிக்கும் அதிகாரிகளையும் சிறுது சிறிதாக அசைத்து விட முடியும்!

இது ஒரு நாள் போராட்டத்தின் மட்டுமே கிடைத்துவிட கூடியது அல்ல,பலநாள் மனஉறுதி துவளாமல் தொடர் போராட்டத்தின் மூலமாக கிடைக்கும் உறுதியான இறுதியான வெற்றியாகும் இன்ஷா அல்லாஹ்! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்.

IP: 207.*.*.* United States

எஸ்.டி.பீ.ஐ. சார்பில் இன்று DCW ஆலை முற்றுகைப் போராட்டம்!

நம் வலிதெரியாது
ஆலைக்கு துணைபோகும்
அயலவனின் கரமும்
நம்மோடு இணையட்டும்

கேன்சர் என்ற சொல்
காலாவதியாகி போகட்டும்
உரிமைக்காக அணிதிரளும்
கரங்கள் வலுவடையட்டும்

கோரிக்கைகள் செவிடன் காதில்
ஊதிய சங்காக இல்லாமல்
வெள்ளை அறிக்கையாக
விரைவில் தாக்கலாகட்டும்

நாசகார தொழிற்சாலையில்
இன்று ஆலையில் ஊதப்படும்
இடைவேளைக்கான சங்கு
இறுதிச்சங்காக அமையட்டும்

அமிலக் கழிவையும்
நச்சு வாயுவையும் கலந்து
மரண பயத்தை தருவிக்கும்
DCW ஓட்டமெடுக்கட்டும்

இன்றைய நம் போராட்டம்
நமக்காகவே மலர்ந்துகிடக்கும்
நாளைய விடியலை இறைவன்
நமக்கே உரித்தாக்கட்டும்