IP: 180.*.*.* India

மெய்சிலிர்க்கிறது. யார் இவர், இவரைப் பற்றி நமதூர் கவிஞர்கள் இலக்கிய வல்லுனர்கள் யாரும் இதுவரை பேசியதாக அவருக்கு விழா எடுத்ததாக என் அறிவுக்கு எட்டியவரை தெரிய வில்லையே. இந்த ஆய்வுக்கட்டுரையை சமர்ப்பிக்கின்றவர் கூட ஒரு காயல்பட்டினம் நண்பராக தெரியவில்லையே..

சதகத்துல்லா அப்பா அவர்களை பற்றி சொல்லும்போது, "சதகதுல்லாஹ் அப்பாவை சதக்காவாக ஞாலத்துக்கு ஈந்த ஞான பூமி இது" என்று காயல்பட்டினத்தை கவிக்கோ புகழ்ந்து கூறுவார்.

நண்பர் சதகதுல்லாஹ் அவர்களுக்கு நன்றி. 24ம் திகதி நடைபெறும் நிகழ்ச்சியில் நமதூர் இலக்கியவாதிகள் சென்னையில் இருப்பவர்கள் இந்த நிகழ்ச்சியில் கலந்து இந்த பெருமகனாரின் வாழ்க்கை சரித்திரத்தையும், முடிந்தால் அவர் எழுதிய சீராவின் நகல் ஒன்றையும் பெற்று வந்து நமதூரில் பிரபலப் படுத்தவேண்டும்.

நமது பெருமை நமக்கே தெரியவில்லை... நமது சரித்திரத்தை நாம் தெரிந்து கொள்வது நமக்கு பெருமை அல்லவா?

IP: 188.*.*.* Saudi Arabia

கயல்பட்டணத்தின் பாரம்பரிய சரித்திரத்தை எழுதியவர்களின் கவனத்திலிருந்து இந்த கருவூலம் கைநழுவியது எப்படி? அதுவும் நமதூருக்கு சம்பந்தமில்லாத ஒரு சகோதரருக்கு எப்படி கிடைத்தது. இது நம்மவர்கள் நம்மூரைப் பற்றிய ஆராய்ச்சியில் முழுமை அடையவில்லை என்பதை காட்டுகிறது அல்லவா?

இன்னும் இந்த புண்ணிய பூமியின் பாரம்பரிய கலாச்சார புதையல் பொக்கிஷத்தை தோண்ட தோண்ட வெளிவரும் போல் தெரிகிறது. அல்லது எங்கேயோ யாரெல்லாமோ இப்புதையலை பதுக்கி வைத்திருக்கிறார்களோ என்னவோ?..

இத்த எண்ணம் ஏற்பட காரணம் பல துறைகளிலும் மாணிக்கங்களாய் திகழ்ந்த நம் மேன்மைக்குறியவர்களை அன்றைய முன்னோர்கள் சரியான நேரத்தில், சரியான வழியில் முன்னிலைப்படுத்தவில்லையோ? அந்த மாணிக்கங்களை பட்டை தீட்டி பிரசாசிக்க செய்ய தவறிவிட்டார்களோ அன்று வாழ்ந்த பெரியோர்கள் என்ற சந்தேகம் எழுகிறது!

இந்த சந்தேகம் உண்மையாககக் கூட இருக்கலாம் ஏனென்றால் வரகவி காசீம்புலவர் கால்வழி வந்த கவிஞர் மஹ்மூது ஹுசைன் அவர்களின் கவிக்கனியை நம்மூரில் சுவைக்காதவர்களை கை விரல்விட்டு எண்ணிவிடலாம். அந்த அளவிற்கு கவிப்புலமையில் பிரகாசித்த அக்கவிஞரை ஒருசில அமைப்புகள் தவிர, மற்றபடி அவருக்காக இந்த ஊரில் அவரை என்றும் நிலையாக நினைவு கூறும் வரலாற்று பேழை பொக்கிஷம்கள் பிற்காலத்திலுள்ளவர்களுக்கு சான்றாக கிடைக்கக்கூடிய பணிகள் செய்யப்பட்டனவா என்றால் இல்லை,

இன்னும் ஒருபடி மேலே சொல்லவேண்டுமென்றால் அக்கவிஞரின் திறமையையும், புகழையும் அவர் காலத்திலேயே அவரும் மற்றும் அனைவர்களும் திருப்தி அடையும் அளவிற்குறிய மிகப்பெரும் மரியாதையை அக்கவிமகனுக்கு செய்யவில்லையே என்பதுதான் எதார்த்த உண்மையும், என்மனதினுள் எழுந்துகொண்டே இருந்த ஆதங்கமும் ஆகும்!

தற்போது நடந்துள்ள நிகழ்வுக்கு கருத்துபதிவு செய்யும் இவ்வேளையில் என் ஆதங்கத்தை அனைவரும் அறிய ஒர் வாய்ப்பாக அமைதுள்ளதுள்ளத்தை நினைத்து ஆறுதல் அடைகிறேன் அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!