{ முகநூல் கருத்துக்கள்}{ட்விட்டர் கருத்துக்கள்}

இந்தியாவின் 66ஆவது குடியரசு நாள் இன்று நாடெங்கும் கொண்டாடப்படுகிறது. இதனை முன்னிட்டு, காயல்பட்டினம் நகராட்சி எல்லைக்குள் இயங்கி வரும் டி.சி.டபிள்யு. தொழிற்சாலை நிர்வாகத்தின் சார்பில், ஆலை வளாகத்திலுள்ள உள் விளையாட்டு மைதானத்தில் குடியரசு நாள் நிகழ்ச்சி நடைபெற்றது.

ஆலையின் நிர்வாக உதவி தலைவர் (காஸ்டிக் சோடா பிரிவு) சுபாஷ் டாண்டன் விழாவிற்குத் தலைமை தாங்கி, தேசிய கொடியேற்றியதோடு, ஆலை நிறுவன பாதுகாவலர்களின் சிறப்பு அணிவகுப்பு மரியாதையை ஏற்றுக்கொண்டு, உரையாற்றினார்.





இவ்விழாவில், ஆலை நிர்வாக உதவித் தலைவர் டாக்டர் மே.சி.மேகநாதன், நிர்வாக உதவித் தலைவர் (பணியகம்) ஆர்.ஜெயக்குமார், துணைத்தலைவர் பீ.ஆர்.யாதவ், மூத்த பொது மேலாளர்களான ராதாகிருஷ்ணன், சாம்பசிவன், சந்திரசேகர், பொதுமேலாளர் அருணகிரி, தலைமை பாதுகாப்பு அதிகாரி வெங்கடேஷ் மற்றும் நிறுவன ஊழியர்கள், தொழிலாளர்கள் கலந்துகொண்டனர்.

விழாவின் நிறைவில், மாஸ்டர் வின்செண்ட் ஸ்டீஃபன் குழுவினரின் சிலம்பாட்டம் மற்றும் கராத்தே நிகழ்ச்சிகள் நடைபெற்றன.

தகவல் & படங்கள்:
சித்திரை வேல்,
மக்கள் தொடர்பு அலுவலர் - DCW தொழிற்சாலை

DCW ஆலை தொடர்பான முந்தைய செய்தியைக் காண இங்கே சொடுக்குக!