Kayal on the Web

செய்திகள்

செய்தி எண் (ID #) 15710

#KOTW15710

ஞாயிறு, ஏப்ரல் 5, 2015

பாடப் புத்தகங்கள் விலை உயர்கிறது: 2 முதல் 4 மடங்கு அதிகரிப்பு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2610 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் வரும் கல்வி ஆண்டில் பள்ளி பாடப் புத்தகங்களின் விலை உயர்த்தப்பட உள்ளது. பல புத்தகங்களின் விலை 2 முதல் 4 மடங்கு வரை அதிகரிக்கப்பட்டுள்ளது.

அரசு மற்றும் அரசு உதவி பெறும் பள்ளிகளில் படிக்கும் மாணவ, மாணவிகளுக்கு இலவசமாக பாடப் புத்தகங்கள் வழங்கப்படுகின்றன. தனியார் பள்ளிகளில் படிக்கும் மாணவர்கள் தமிழ்நாடு பாடநூல் கழகம் அச்சடித்து விற்பனை செய்யும் புத்தகங்களை விலை கொடுத்து வாங்க வேண்டும்.

காகித விலை உயர்வு, அச்சடிப்பு மற்றும் விற்பனை, நிர்வாகச் செலவினங்கள் காரணமாக வரும் கல்வி ஆண்டில் (2015-16) பள்ளிப் பாடப்புத்தகங்களின் விலை உயர்த்தப்பட இருப்பதாக பள்ளிக் கல்வித்துறை முதன்மைச் செயலர் டி.சபீதா அறிவித்துள்ளார்.

அதன்படி, ஒன்று முதல் 9-ம் வகுப்பு வரையிலான முப்பருவ பாடப்புத்தகங்கள் மற்றும் எஸ்எஸ்எல்சி, பிளஸ் ஒன், பிளஸ் டூ பாடப்புத்தகங்களின் விலை கணிசமாக உயர்ந்துள்ளது. பிளஸ் டூ மனையியல் புத்தகத்தின் விலை 4 மடங்கு அதிகரித்துள்ளது குறிப்பிடத்தக்கது.

இதேபோல, பிளஸ் ஒன் தமிழ் பாடப்புத்தகம் ரூ.12.50-ல் இருந்து ரூ.30 ஆகவும், வரலாறு புத்தகம் ரூ.23-ல் இருந்து ரூ.50 ஆகவும், கணினி அறிவியல் தொகுதி-2 ரூ.30-லிருந்து ரூ.70 ஆகவும் உயர்ந்துள்ளது.

பிளஸ் டூ ஆங்கில புத்தகம் ரூ.28-லிருந்து ரூ.60 ஆகவும், கணக்கு புத்தகம் (தொகுதி 1, தொகுதி-2) ரூ.27-லிருந்து ரூ.80 ஆகவும், தாவரவியல் புத்தகம் ரூ.27-லிருந்து ரூ.70 ஆகவும், விலங்கியல் புத்தகம் ரூ.24-லிருந்து ரூ.90 ஆகவும் அதிகரிக்கப்பட்டுள்ளது.

தகவல்:
தி இந்து தமிழ் நாளிதழ் (05.04.2015)

{TAGS} text books price hike tamilnadu paadanool kazhagam

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. கல்வியின் விலை கோபுர உயரமா?
posted by முஹம்மது ஆதம் சுல்தான்! (yanbu) [05 April 2015]
IP: 188.*.*.*

Saudi Arabia | Comment Reference Number: 40007

நான் ஐந்தாம் வகுப்பு மாறிய காலம் (மாறிய செய்தியை, அதாவது பாஸ் ஆனதை சொல்லும்பொழுது வீட்டில் யாரும் காதுகொடுத்து அதை ஒரு பொருட்டாகவே கேட்கவில்லை)

ம்ம்மா சாரு நோட்டுபுத்தகதுக்கு மூணு ரூவா வாங்கிட்டு வரச்சொன்னாரு. ஏண்டா மூணு ரூவா, என்ன அநியாய கொள்ளை என்று என் உம்மா வெடிக்க ஆரம்மித்தார்.

நீ வேண்டா பள்ளிக்கூடத்துக்கு வந்து சாருட்ட கேளு என்று நான் சொன்னவுடன்.சரி,சரி பின்னால கொடுப்போம்.என்று என் தாய் பதில் அளித்தார்கள். (உடனேயே கொடுக்க முடியாத குடும்ப சூழ்நிலை நிலை அப்போது)

ஆக,அன்றைய (நோட்டு + புத்தகத்தின்) விலையையையும், இன்றைக்கு புத்தகத்திற்கு மட்டும் உள்ள விலையையையும் ஒப்பிட்டு பார்த்தால் தலையே சுற்றுகிறது. இதில் இங்க்லீஷ் கான்வென்ட்டில் படிக்கும் பிள்ளைகளை நினைத்தால்.......????? ..

அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by P.S. ABDUL KADER (KAYALPATNAM) [05 April 2015]
IP: 163.*.*.*

Japan | Comment Reference Number: 40008

பாட புத்தக விலை ஏறினா என்னா? எல்லாம் மாண்புமிகு மக்கள் முதல்வர் அம்மா இலவசம்மாக தானே கொடுக்க சொல்லி இருக்கிறார்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by K.D.N.MOHAMED LEBBAI (RIYADH) [06 April 2015]
IP: 37.*.*.*

Saudi Arabia | Comment Reference Number: 40016

அஸ்ஸலாமு அலைக்கும்

பாடப் புத்தகங்கள் விலை உயர்வுக்கு ....மாணவ கண்மணிகளும் சரி ,, பெற்றோர்களும் சரி கொஞ்சமும் பயப்பட தேவையே இல்லை ....காரணம் ..நம் மரியாதைக்குரிய மாண்புமிகு .அம்மா அவர்களின் வாக்கு படி தற்போது தான் தமிழக அரசு தான் மாணவ கண்மணிகளுக்கு ...பாடப் புத்தகங்கள் .... ''' இலவசமாகவே '' தந்து உதவுகிறார்களே.....

அப்படி இருக்க ..மாணவ கண்மணிகளும் சரி & பெற்றோர்களும் சரி கொஞ்சமும் யோசிக்கவே தேவை இல்லை .....தைரியமாகவே நம் மாணவ கண்மணிகள் படிப்பில் முழுமையான கவனம் செலுத்தலாம் ......

நம் மரியாதைக்குரிய மாண்புமிகு .அம்மா அவர்களின் தலைமையில் மிகவும் திறம் பட ... பொது மக்கள்களை எந்த ஒரு விசையத்திலும் பாதிக்காத வகையில் மிக சிறப்பாகவே தமிழகத்தில் >> ADMK << கட்சி ஆட்சி நடை பெற்று வருவது தமிழக மக்கள் யாவர்களும் நன்கு அறிந்ததே ....

ஒரு காலத்தில் பாட புத்தகம் ....இலவசமாக தந்து நம் ஊர் மக்களை படிக்க ஆதரவு தந்தவர்கள் ...எங்கள் மரியாதைக்குரிய ஹாஜி ..M.K.T. அப்பா அவர்கள் தான் ....தற்போது ஓரளவுக்கு நாங்கள் படித்து இந்த நிலைமைக்கு வரவும் முழு காரணம் ...எங்கள் மரியாதைக்குரிய ஹாஜி ...M.K.T. அப்பா அவர்கள் தான்...அவர்களின் கண்காணிப்பு எங்களுக்கு இல்லை என்றால் எங்கள் முன்னேற்றம் மிகவும் குறைவு தான் .....இது போன்று நம் மரியாதைக்குரிய.ஹாஜி . L.K.அப்பா அவர்களும் நம் ஊர் மக்கள் படிப்பு விசையத்தில் ஆதரவு கரம் தந்தவர்கள் தான் ...என்று நாங்கள் கேள்வி பட்டு உள்ளோம் .... பொதுவாகவே நம் மரியாதைக்குரிய '' இருவர்களும் நமது ஊரின் கல்வி தந்தை '' என்றே கூறலாம் ....இன்னும் நாம் இவர்களை நினைத்து பார்க்கிறோம் என்றால் ...பெருமை பட கூடியவர்கள் தான் .....இவர்கள் குடும்பத்தார்களையும் வல்ல இறைவன் எப்போதும் சிறப்பாக்கி அருள்வானாகவும் ஆமீன்.....

தற்போது நம் மரியாதைக்குரிய மாண்புமிகு அம்மா அவர்களின் ஆதரவு தமிழக மக்களுக்கு கிடைத்து உள்ளது ....நமக்கு பெருமை தான் ......

மரியாதைக்குரிய அம்மா அவர்களின் தலைமையில் இன்னும் பல சாதனைகள் ...தமிழக மக்களுக்கு ....தொடரும் ...... வஸ்ஸலாம்

K.D.N.MOHAMED LEBBAI
RIYADH

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்