{ முகநூல் கருத்துக்கள்}{ட்விட்டர் கருத்துக்கள்}

2015ஆம் ஆண்டு வீ-யுனைட்டெட் காயல் ப்ரீமியர் லீக் கால்பந்து சுற்றுப்போட்டிகள், இம்மாதம் 04ஆம் நாள் வியாழக்கிழமையன்று, காயல்பட்டினம் ஐக்கிய விளையாட்டு சங்க மைதானத்தில் துவங்கியது. துவக்கப் போட்டியில், Fi-Sky Boys அணி வெற்றிபெற்றுள்ளது. இதுகுறித்து, வி-யுனைட்டெட் சார்பில் வெளியிடப்பட்டுள்ள செய்தியறிக்கை:-

வீ-யூனைடெட் ஸ்போர்ட்ஸ் கிளப் பெருமையுடன் நடத்தும் 7ஆம் ஆண்டு VMS Jewellers SilvOr கோப்பைக்கான கால்பந்து போட்டிகள் இன்று (04/06/2015) மாலை ஐக்கிய விளையாட்டுச் சங்கம் (USC) மைதானத்தில் ஆரம்பமாகின.

துவக்க நாள் நிகழ்வின் ஆரம்பமாக அனைத்து அணிகளுக்கான சீருடைகளை போட்டியின் சிறப்பு விருந்தினர்களான BSNL நிறுவனத்தின் திருச்செந்தூர் மண்டல பொறியாளர் ஜெயகொடி, காயல்பட்டினம் நகராட்சியின் ஆணையாளர் காந்திராஜன், ஹிதாயா ஹமீது அப்துல்காதர், மோகன், வாவு சாஹூல் ஹமீது, ஹபீபுர்ரஹ்மான் ஆகியோர் வெளியிட அணியின் உரிமையாளர்கள் மற்றும் வீரர்கள் பெற்றுக்கொண்டனர்.







துவக்கநாள் போட்டியின் முதல் ஆட்டத்தில் Canton Thunders அணியும், Fi-Sky Boys அணியும் விளையாடின. இதில் Fi-Sky Boys அணியினர் 1-0 என்ற கோல் கணக்கில் வெற்றிபெற்றனர். அந்த அணிக்காக அக்கீல் கோலடித்தார்.

முதல்பாதி ஆட்டத்தில் முடிவில் சிறப்பு விருந்தினர் ஜெயக்கொடி அவர்களுக்கு ஆட்ட வீரர்களை அறிமுகம் செய்துவைக்கும் நிகழ்வு நடைபெற்றது.





இரண்டாவது ஆட்டத்தில் Knight Riders அணியும், Kayal Chelsea அணியும் விளையாடின. இதில் Knight Riders அணி 1-0 என்ற கோல் கணக்கில் வெற்றிபெற்றது. அந்த அணிக்காக O.A.K. யாஸர் அரஃபாத் கோலடித்தார்.

நாளை (05/06) மாலை நடைபெற உள்ள முதல் போட்டியில் Janseva அணியை எதிர்த்து, Bangkok Ball Blasters அணி விளையாட உள்ளது. இரண்டாவது போட்டியில் Strange Spikers அணியை எதிர்த்து, Gallery Birds அணி விளையாட உள்ளது.









தகவல் & படங்கள்:
M.ஜஹாங்கீர்

கடந்தாண்டு (2014) வீ-யுனைட்டெட் கால்பந்து சுற்றுப்போட்டி குறித்த செய்தியைக் காண இங்கே சொடுக்குக!

வீ-யுனைட்டெட் தொடர்பான முந்தைய செய்தியைக் காண இங்கே சொடுக்குக!