{ முகநூல் கருத்துக்கள்}{ட்விட்டர் கருத்துக்கள்}

மத்திய அரசின் - மத்திய நிதி ஆணையம் (Central Finance Commission) 1951 ஆம் ஆண்டு அமைக்கப்பட்டது. ஐந்தாண்டு பணிகாலங்களுக்காக அமைக்கப்படும் இந்த ஆணையத்தின் முக்கிய பணி - மத்திய அரசு விதிக்கும் வரிகளை, மத்திய - மாநில அரசுகள் எவ்வாறு பகிர்ந்து கொள்வது என்பது குறித்து பரிந்துரை செய்வது. மேலும் இந்த ஆணையம், மாநில அரசாங்கங்கள் - தத்தம் மாநிலத்தில் உள்ள உள்ளாட்சி மன்றங்களுக்கு, மத்திய அரசின் மானியத்தை எவ்வாறு பகிர்ந்து வழங்குவது என்பது குறித்தும் பரிந்துரை செய்யும்.

ஜனவரி 2013 இல் மத்திய அரசின் 14வது நிதி ஆணைய குழு அமைக்கப்பட்டு, அதன் பரிந்துரை இவ்வாண்டு பிப்ரவரி மாதம், மத்திய அரசால், ஏற்றுக்கொள்ளப்பட்டது. அதன் பரிந்துரை - ஏப்ரல் 1, 2015 முதல் மார்ச் 31, 2020 வரையிலான ஐந்தாண்டு காலகட்டத்திற்கு பொருந்தும்.

14வது மத்திய நிதி ஆணையத்தின் பரிந்துரைப்படி - இந்த ஐந்தாண்டு காலகட்டத்தில், மத்திய அரசு - தான் வசூல் செய்யும் வரியில் 42 சதவீதத்தை மாநிலங்களுடன் பகிர்ந்துக்கொள்ளும். 13வது நிதி ஆணைய காலகட்டத்தில், இது 32 சதவீதமாக இருந்தது.

மத்திய அரசால் வழங்கப்படும் பொது அடிப்படை மானியம் (General Basic Grant) 2015-16 ஆம் ஆண்டு முதல் - ஒவ்வொரு ஆண்டும், இரு தவணையாக மாநில அரசால் - உள்ளாட்சி மன்றங்களுக்கு வழங்கப்படும்.

அதன்படி முதலாம் ஆண்டின் (2015 - 16) முதல் தவணை உள்ளாட்சி மன்றங்களுக்கு தற்போது வழங்கப்பட்டுள்ளது. அந்த வகையில் - காயல்பட்டினம் நகராட்சிக்கு, 56 லட்சத்து, 3 ஆயிரத்து, 533 ரூபாய் வழங்கப்பட்டுள்ளது.

கடந்த ஐந்தாண்டுகளாக அமுலில் இருந்த 13வது மத்திய நிதி குழு பரிந்துரை காலகட்டத்தில், காயல்பட்டினம் நகராட்சிக்கு சராசரியாக ஆண்டொன்றுக்கு 35 லட்சம் ரூபாய் வழங்கப்பட்டது. தற்போது அது - ஆண்டொன்றுக்கு, 1.10 கோடி ரூபாய் அளவில் இருக்கும் என எதிர்பார்க்கபப்டுகிறது.

இந்த தொகை - State Bank of India வங்கியின் தூத்துக்குடி கிளையில் உள்ள காயல்பட்டினம் நகராட்சிக்கான - 10852664253 எண் வங்கி கணக்குக்கு Electronic Clearance System (ECS) முறை மூலம் அனுப்பப்பட்டுள்ளது. ECS மூலம் பணம் அனுப்பப்பட வேண்டும் என்பது - மத்திய அரசின் பொது செயல்பாடு மானியம் (General Performance Grant) பெற, மத்திய அரசு - மாநில அரசுக்கு - விதித்துள்ள 9 நிபந்தனைகளில் ஒன்று. பார்க்கவும் கீழே.

காயல்பட்டினம் உட்பட தமிழகத்தின் அனைத்து நகராட்சிகளுக்கும் வழங்கப்பட்டுள்ள முதல் தவணை தொகை விபரம்

















இந்த மானிய தொகையை உள்ளாட்சி மன்றங்கள் எந்த வகைக்கு செலவு செய்ய வேண்டும் என தமிழக அரசு - 24-7-2015 தேதியிட்ட அரசாணை (G.O. [Ms] No. 108 dt 24.7.2015) மூலம் தெரிவித்துள்ளது. அந்த அரசாணைப்படி - இந்த மத்திய அரசின் மானிய தொகை,

**** உள்ளாட்சி மன்றங்களின் குடிநீர் திட்டங்கள் மற்றும் பாதாள சாக்கடை திட்டங்களில் உள்ளாட்சி மன்றங்களின் பங்களிப்பு தொகையினை வழங்கவும்,

**** மின்சார கட்டணங்களை கட்டவும்,

**** TWAD / CMWSSB அமைப்புகளுக்கான குடிநீர் கட்டணங்களை கட்டவும்,

**** திடக்கழிவு மேலாண்மை திட்டப்பணிகளில் உள்ளாட்சி மன்ற பங்குகளுக்கு தொகை செலுத்தவும்,

**** சாலைகள் மற்றும் நடைப்பாதைகள் அமைக்கவும், புதுப்பிக்கவும்,

**** பூங்காக்கள், விளையாட்டு மைதானங்கள், அடக்கஸ்தலங்கள் ஆகியவற்றை பராமரிக்கவும்

முன்னுரிமை கொடுத்து பயன்படுத்தப்படவேண்டும்.