{ முகநூல் கருத்துக்கள்}{ட்விட்டர் கருத்துக்கள்}

Lebbaik Fried Chicken - LFC கோப்பைக்கான - நகரளவிலான இறகுப் பந்து போட்டி, காயல்பட்டினம் காயல் ஸ்போர்ட்டிங் க்ளப் (KSC) மைதானத்தில், 2015 டிசம்பர் 25, 26 ஆகிய நாட்களில் நடைபெற்றன.



இறுதிப் போட்டியில், அபூபக்கர் – இப்றாஹீம் ஆகியோரடங்கிய அணியும், அர்ஷத் - ஹம்தூன் ஆகியோரடங்கிய அணியும் மோதின. அதில் அபூபக்கர் - இப்றாஹீம் அணி வெற்றிபெற்றது.

பின்னர் நடைபெற்ற பரிசளிப்பு விழாவிற்கு, வாவு வஜீஹா வனிதையர் கல்லூரியின் நிறுவன தலைவர் வாவு எஸ்.செய்யித் அப்துர்ரஹ்மான் தலைமை தாங்கி, இறுதிப்போட்டியில் வெற்றிபெற்ற அணிக்கு LFC கோப்பையையும், 3 ஆயிரம் ரூபாய்க்கான பரிசுக் கூப்பனையும் வழங்கினார்.



இரண்டாமிடம் பெற்ற அர்ஷத் - ஹம்தூன் ஆகியோரடங்கிய அணிக்கு வாவு எஸ்.ஏ.ஆர்.ஹபீபுல்லாஹ் பரிசு வழங்கினார்.



மூன்றாமிடம் பெற்ற இப்றாஹீம் - முஹம்மத் முஹ்யித்தீன் ஆகியோரடங்கிய அணிக்கு, கீழக்கரை காதர் பரிசு வழங்கினார்.



சிறந்த இளம் வீரருக்கான விருதுகளை, வாவு ஏ.எஸ்.முஹம்மத் அலீ, சுலைமான் ஆகியோர் வழங்க, அஹ்மத் முஹ்யித்தீன், முஹம்மத் நூஹ் ஆகிய வீரர்கள் அவற்றைப் பெற்றுக்கொண்டனர்.



போட்டி ஏற்பாடுகளை, LFC குழுமத்தினரும், KSC அங்கத்தினரும் இணைந்து செய்திருந்தனர்.

வெற்றி பெற்ற அபூபக்கர் - இப்றாஹீம் அணியை இளைஞர் ஐக்கிய முன்னணி (YUF) வளாகத்தில், அதன் செயலாளர் எஸ்.ஏ,கே.முஹ்யித்தீன் அப்துல் காதிர் பாராட்டினார்.



தகவல் & படங்கள்:
வெள்ளி செய்யித் அஹ்மத்

KSC தொடர்பான முந்தைய செய்தியைக் காண இங்கே சொடுக்குக!