Kayal on the Web

செய்திகள்

செய்தி எண் (ID #) 17083

#KOTW17083

வெள்ளி, ஐனவரி 1, 2016

முஅஸ்கர் மகளிர் அரபிக்கல்லூரி மாணவியர் விடுதி திறப்பு விழா! திரளானோர் பங்கேற்பு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3101 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சொளுக்கார் தெருவில், மவ்லானா அப்பா சின்ன கல் தைக்காவில் இயங்கி வரும் முஅஸ்கருர் ரஹ்மான் மகளிர் அரபிக் கல்லூரியில், வெளியூர் மாணவியர் தங்கிப் பயில்வதற்காக விடுதி வசதி உள்ளது. வெளியூர் மாணவியர் எண்ணிக்கை பெருமளவில் அதிகரித்ததையடுத்து மாணவியர் தங்கும் விடுதியை விரிவாக்கிட கல்லூரி நிர்வாகம் தீர்மானித்ததன் அடிப்படையில், B Block மாணவியர் விடுதி கட்டிடத்திற்கு, 20.06.2014. வெள்ளிக்கிழமையன்று அடிக்கல் நாட்டப்பட்டது.

முன்னிலை வகித்த நகரப் பிரமுகர்கள் பலர் தம் கைகளால் எடுத்துக் கொடுக்க, புகாரீ மவ்லானா - கல்லூரியின் மாணவியர் விடுதி பி ப்ளாக் கட்டிடப் பணிக்கான அடிக்கல் நாட்ட, கட்டிடப் பணிகள் துவங்கின.

தற்போது, ‘B’ Block மாணவியர் விடுதி கட்டி முடிக்கப்பட்டுள்ளதையடுத்து, அதன் திறப்பு விழா, 31.12.2015. வியாழக்கிழமையன்று 17.00 மணியளவில், கல்லூரி வளாகத்தில் நடைபெற்றது. வாவு வஜீஹா வனிதையர் கல்லூரியின் நிறுவன தலைவர் வாவு எஸ்.செய்யித் அப்துர்ரஹ்மான் தலைமையில் நடைபெற்ற இந்நிகழ்ச்சியில், நகரப் பிரமுகர்கள் முன்னிலை வகித்தனர்.

சிறப்பு விருந்தினரின் துஆ பிரார்த்தனையுடன் நிகழ்ச்சிகள் துவங்கின. மவ்லவீ ஹாஃபிழ் நஹ்வீ எஸ்.ஏ.இஸ்ஹாக் லெப்பை மஹ்ழரீ நிகழ்ச்சிகளை நெறிப்படுத்தினார். காயல்பட்டினம் ஹாமிதிய்யா மார்க்கக் கல்வி நிறுவனத்தின் திருக்குர்ஆன் மனனப் பிரிவு ஆசிரியர் ஹாஃபிழ் எஸ்.எச்.ஷேக் தாவூத் கிராஅத் ஓத, மவ்லவீ ஹாஃபிழ் எஸ்.எம்.பி.ஹுஸைன் மக்கீ மஹ்ழரீ வரவேற்புரையாற்றினார்.

அனைவரும் எழுந்து நின்று, “லுத்பில் இலாஹி” எனும் இறைவேண்டற்பாவைப் பாட, அதன் தொடர்ச்சியாக - முஅஸ்கர் மகளிர் அரபிக்கல்லூரிகளின் நிறுவனரும், காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபுமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ, கல்லூரியின் செயல்பாடுகள், மாணவியர் விடுதி விரிவாக்கத்திற்கான அவசியம், கட்டிடப் பணிகள் குறித்த தகவல்களை விளக்கி சுருக்கவுரையாற்றினார்.

இவ்விழாவில் சிறப்பு விருந்தினராகக் கலந்துகொண்ட - இலங்கை புத்தளம் அல்ஜாமிஉஅத்துல் அஸீஸிய்யா நிறுவனர் அஷ்ஷெய்க் அப்துல் அஸீஸ் மவ்லானா குஷ்ஹாலி - புதிய கட்டிடத்திற்கான திறப்பு விழா கல்வெட்டைத் திறந்து வைத்தார்.

ஹாமிதிய்யா மார்க்கக் கல்வி நிறுவனத்தின் ஆசிரியர்களான கம்பல்பக்ஷ் எஸ்.எச்.மொகுதூம் முஹம்மத் நன்றி கூற, மவ்லவீ ஏ.சுல்தான் அப்துல் காதிர் ரஹ்மானீ துஆவைத் தொடர்ந்து, ஸலாம் பைத்துடன் நிகழ்ச்சிகள் நிறைவுற்றன.

இவ்விழாவில், நகரின் அனைத்துப் பகுதிகளைச் சேர்ந்த பிரமுகர்கள் உட்பட திரளானோர் கலந்துகொண்டனர். நிகழ்ச்சி ஏற்பாடுகளை, முஅஸ்கர் மகளிர் அரபிக் கல்லூரியின் ஆசிரியையர், ஆண் - பெண் பொறுப்பாளர்கள் செய்திருந்தனர்.

ஏற்கனவே உள்ள ‘A’ Block மாணவியர் விடுதி, தற்போது திறக்கப்பட்டுள்ள ‘B’ Block விடுதி ஆகிய இரண்டிலும் மொத்தமாக 75 மாணவியர் வரை தங்கிப் பயில வசதிகள் செய்யப்பட்டுள்ளமை குறிப்பிடத்தக்கது.

முஅஸ்கர் மகளிர் அரபிக்கல்லூரி தொடர்பான முந்தைய செய்தியைக் காண இங்கே சொடுக்குக!

{TAGS} muaskar womens arabic college mwac mwac hostel mwac hostel opening ceremony muaskar hostel mwac hostel abdul azeez kushhali

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. اللهم طول حياة المعسكرية
posted by Moulavi Hafil M.S.Kaja Mohideen Mahlari (Singapore) [01 January 2016]
IP: 118.*.*.*

China | Comment Reference Number: 42695

அஸ்ஸலாமு அலைக்கும் வ ரஹ்மதுல்லாஹி வ பறக்காது முஅஸ்கர் மகளிர் அரபிக்கல்லூரி மாணவியர் விடுதி திறப்பு விழா! நிகழ்சிகள் இனிதே நடைபெற்ற நிகழ்வுகள் அறிந்து மற்றற்ற மகிழ்ச்சி ! அல்ஹம்துலில்லாஹ் !!!!

சத்திய பாதையாம் "அஹ்லுஸ் சுன்னத் வல் ஜமாஅத் " கொள்கை கோட்பாடுகளை அண்ணல் நபிகள் நாயகம் (ஸல் லல்லாஹு அலைஹி வ சல்லம் ) அவர்களின் மீது உயிரினுமினிய பேரன்பைக்கொண்டு மகளிர்களுக்கு "சன்மார்க்கம் , ஒழுக்கம் , நல்லமல்கள் " ஆகிய வற்றை போதித்து வரும் மகளிர் சன்மார்க்க கல்விக்கூடங்கள் அருகிவரும் இக்காலத்தில் "முஅஸகர " தனக்கே உரிய பாணியில் திறம்பட செய்துவருவது " அதன் தூய பரிசுத்தமான கொள்கை பிடிப்பு "தான் பிரதான காரணமாகும் . இந்த கலாசாலையின் சன்மார்க்க பணிகள் கியாம பரிபந்தம் தொய்வின்றி ,தொடராக துளங்கி வர ஏகனாம் வல்ல அல்லாஹ்விடம் இருகரமேந்தி இறைஞ்சுகிறேன் !!!!

வல்ல நாயன் இக்கலாசாலையின் இஸதாபகர்கள், நிர்வாகிகள் , நிறுவனர்கள் , முதல்வர் அருமை சகோதரர் மௌலவி அல்ஹாஜ் அல்ஹாபில் அஹ்மத் அப்துல் காதிர் ஆலிம் மஹ்லரி அவர்களுக்கும் , ஏனைய ஆசிரியர்கள் , ஆசிரியைகள் , இதில் கல்வி கற்ற ,கற்றுக் கொண்டிருக்கிற ,கற்க இருக்கின்ற மாணவிகள் அவர்களின் பெற்றோர்கள் ,உற்றார் உறவினர்கள் இந்த கல்வி கலாசாலைக்கு உடல் பொருள் ,ஆவி என ஒத்துழைக்கும் அத்துனை பேர்களுக்கும் நீண்ட ஆயுளையும் ,நோயற்ற வாழ்வையும் ,குறைவற்ற செல்வத்தையும் நல்ல சரீர சுகத்தையும் ஈருலகிலும் வாரி வாரி வழங்குவானாக ! ஆமீன் யா ரப்பல் ஆலமீன் !!!

وصلي الله تعالي وسلم علي سيدنا ونبينا وحبيبنا محمد صلي الله عليه واله وصحبه وسلم تسليما كثيرا كثيرا يارب العالمين

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by S.S.JAHUFER SADIK (JEDDAH-K.S.A) [02 January 2016]
IP: 188.*.*.*

Saudi Arabia | Comment Reference Number: 42711

வாழ்த்துக்கள்!

இக்கல்லூரி தனது சேவையை நமது மாணவியருக்கு தொடர்ந்து வழங்கிடவும் அதன் மூலம் நமது மக்கள் மார்க்க நெறி தவறாது வளர்ந்திட, வாழ்ந்திட வல்ல நாயன் அருள் புரிவானாக -ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...வாகன வசதி
posted by Mohideen (Jeddah) [02 January 2016]
IP: 90.*.*.*

Saudi Arabia | Comment Reference Number: 42714

அஸ்ஸலாமு அலைக்கும். சுன்னத் வல் ஜமாஅத்தின் கொள்கைகளை இந்த காலத்தில் பெண்கள் அவசியம் தெரிந்து வைத்து இருக்க வேண்டும். முந்தைய காலங்களை போன்று இனி வரும் காலங்கள் இருக்கப்போவதில்லை. XXXXXX உலக மோகம் அதிகரித்து விட்டதோடு மார்க்க ஈடுபாடுகள் மக்கள் மத்தியில் குறைந்து கொண்டே வருகிறது. பெற்றோர்கள் தங்கள் பிள்ளைகளுக்கு சுன்னத் வல் ஜமாஅத்தின் கொள்கைகளை சிறு வயதிலேயே தெளிவாக புரிய வைப்பது அவசியமானதாக இருக்கிறது.

எனவே இனி வரும் காலங்களில் +2 படித்த பெண்களை உலக கல்வியை படிக்க அனுப்புவதை விட முஅஸ்கருர்ரஹ்மான் மகளிர் மார்க்க கல்லூரிக்கு அனுப்பினால் மார்க்க கொள்கையும் சரியாக விளங்கும். நம் சமுதாயம் ஒழுக்கத்துடனும் இருக்கும்.

முஅஸ்கருர்ரஹ்மான் நிர்வாகத்தினரை கேட்டுக் கொள்வதெல்லாம் தொலை தூரத்தில் இருந்து கொண்டு மார்க்க கல்வி கற்க விரும்பும் நமதூர் பெண்களுக்கு வேன் வசதி செய்து தந்தால் உதவியாக இருக்கும். செய்வீர்கள் என்று நம்புகிறோம். வஸ்ஸலாம்

Moderator: Comment edited!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்