{ முகநூல் கருத்துக்கள்}{ட்விட்டர் கருத்துக்கள்}

காயல் ஆன் தி வெப் இணையதள சேவைகள் - 1998ம் ஆண்டு, டிசம்பர் 20 அன்று துவங்கின. இச்சேவைகள் துவங்கி - இரண்டு ஆண்டுகள் கழித்து - டிசம்பர் 9, 2000 முதல் - தமிழில் செய்திகள் இணையதளத்தில் வெளியிடப்பட்டு வருகின்றன.

கடந்த பதினைந்து ஆண்டுகளாக வெளியிடப்படும் செய்திகளை - செய்திகளை தேதி வாரியாக தேட என்ற சேவை மூலம் காணலாம். இது தவிர, செய்திகள் ஆங்கில வழி (TAG) தேடல், குறியீடு எண்கள் (ID #) வழி தேடல், காயல்பட்டணம்.காம் இணையதள பக்கங்கள் தமிழ் வழி தேடல் - போன்ற வசதிகள் மூலமும், பழைய செய்திகளை காணலாம்.

மேலும் - இன்றைய தினத்தில், கடந்த ஆண்டுகளில் வெளியான செய்திகளை - வரலாற்றில் இன்று என்ற பக்கத்தில் காணலாம். இந்த பக்கம், இது காலம் வரை - இந்த நாள், அந்த ஆண்டு என்ற பெயரில் அழைக்கப்பட்டு வந்தது.

ஐனவரி 19, 2011 அன்று காயல்பட்டணம்.காம் இணையதளத்தில் வெளியான செய்தி [செய்தி எண்: 5504]

புதன், ஐனவரி 19, 2011
ஐக்கியப் பேரவைக்கு சட்டமன்ற உறுப்பினர் வருகை! முக்கிய கோரிக்கைகள் முன்வைப்பு!!
செய்தி: எஸ்.கே.எஸ். (தாருத்திப்யான் நெட்வர்க்)

காயல்பட்டினம் முஸ்லிம் ஐக்கியப் பேரவைக்கு, திருச்செந்தூர் சட்டமன்றத் தொகுதி உறுப்பினர் அனிதா ஆர்.ராதாகிருஷ்ணன் நேற்று மாலை 05.45 மணிக்கு வருகை தந்தார். பேரவைத் தலைவர் ஹாஜி எம்.எம்.உவைஸ் தலைமையிலும், பேரவை செயலாளர் ஹாஜி பிரபு சுல்தான் முன்னிலையிலும் நடைபெற்ற இச்சந்திப்பில், நகர்நலக் கோரிக்கைகளாக சில அவர் முன் வைக்கப்பட்டன.



காயல்பட்டினம் கற்புடையார் பள்ளி வட்டத்தில் கட்டப்பட்டு வரும் தொகுப்பு வீடுகள் கட்டிடப் பணிகளை நிரந்தரமாக நிறுத்திட ஆவன செய்ய வேண்டுமென அப்போது அவரிடம் கோரிக்கை வைக்கப்பட்டது.

காயல்பட்டினம் ஜலாலிய்யா மஜ்லிஸையொட்டியும், மகுதூம் பள்ளி வளாகத்திலும் கட்டப்பட்டு, இதுவரை செயல்பாடு துவக்கப்படாமலிருக்கும் நீர்த்தேக்கத் தொட்டிகளை செயல்படச் செய்ய வேண்டுமென அப்போது அந்தந்த பள்ளி மற்றும் பகுதி நிர்வாகிகள் சார்பில் கோரப்பட்டது.



ஜலாலிய்யா வளாகத்திலுள்ள நீர்த்தேக்கத் தொட்டி வரும் 20.01.2011 வியாழக்கிழமை செயல்படத் துவங்குமெனவும், மகுதூம் பள்ளி வளாகத்திலுள்ள தொட்டி விரைவில் செயல்பட ஆவன செய்யப்படும் எனவும் சட்டமன்ற உறுப்பினர் சார்பில், காயல்பட்டினம் நகர்மன்ற உறுப்பினர் சுகு தெரிவித்தார்.

அத்துடன், மேலாத்தூர் பகுதியைச் சார்ந்த பொதுமக்கள் காயல்பட்டினம் முஸ்லிம் ஐக்கியப் பேரவையிடம் முன்வைத்த கோரிக்கை மனுவும் சட்டமன்ற உறுப்பினர் முன் வைக்கப்பட்டது.

மேலாத்தூர் வார்டு 01 பகுதியில், அருந்ததியர் சமுதாயத்தைச் சார்ந்த 60 குடும்பத்தினர் உட்பட ஏழை-எளிய மற்றும் நடுத்தர வர்க்கத்தைச் சார்ந்த, தினக்கூலி வேலை செய்து வரும் 100 குடும்பத்தினர் கடந்த 50 ஆண்டுகளாக வசித்து வருவதாகவும், அவர்கள் வசிக்கும் பகுதியில் புறவழிச் சாலை அமைப்பதற்காக சர்வே செய்யப்பட்டு வருவதாகவும், அவ்வாறு சாலை அமைக்கப்பட்டால் மேற்படி குடும்பங்கள் வீடு வாசல்களை இழக்க வேண்டி வரும் எனவும், தெரிவிக்கப்பட்டுள்ள அம்மனுவில்,

அப்பகுதியிலுள்ள 10 ஏக்கர் நிலப்பரப்பில்தான் தமிழ்நாடு குடிநீர் வடிகால் குடிநீர் சுத்திகரிப்பு நிலையம் 1949ஆம் ஆண்டு அமைக்கப்பட்டு, அங்கிருந்து சுத்தரிக்கப்பட்ட குடிநீர் ஆத்தூர், ஆறுமுகநேரி, காயல்பட்டினம் உள்ளிட்ட சுற்றுவட்டார பகுதிகளுக்கு வினியோகம் செய்யப்பட்டு வருவதாகவும், அவ்விடத்தில் புறவழிச்சாலை அமையும்பட்சத்தில் குடிநீரில் மாசு கலந்து சுகாதாரக் கேட்டை உண்டாக்கும் எனவும் தெரிவிக்கப்பட்டுள்ளது.

அம்மனு குறித்து பரிசீலித்து உரிய நடவடிக்கைகளை மேற்கொள்வதாக சட்டமன்ற உறுப்பினர் அனிதா ஆர்.ராதாகிருஷ்ணன் அப்போது தெரிவித்தார்.