தூத்துக்குடி மற்றும் நெல்லை மாவட்டங்களுக்கான வருடாந்திர தப்லீக் இஜ்திமா வரும் 23, 24 நாட்களில் (சனி, ஞாயிறு) தூத்துக்குடி முத்தையாபுரம் பள்ளிவாசலுக்கு மேற்கிலுள்ள மைதானத்தில் நடைபெறவுள்ளது.
இந்த இஜ்திமாவில் கலந்துகொள்வதற்காக காயல்பட்டினத்திலிருந்து செய்யப்பட்டு வரும் பயண ஏற்பாடுகள் குறித்து தெரிவிக்கப்பட்டுள்ளதாவது:-
இந்த வருடாந்திர இஜ்திமாவில் கலந்து கொள்வதற்காக காயல்பட்டினத்திலிருந்து பேருந்து வசதி செய்யப்படவுள்ளது. போக்குவரத்து மற்றும் இரண்டு நாட்களில் அனைத்து வேளை உணவுக்கான அனுமதிச் சீட்டு (டோக்கன்) வினியோகிக்கப்பட்டு வருகிறது.
கலந்துகொள்ள விரும்புவோர், ‘ப்ரின்ஸ் ஜுவல்லர்ஸ்’ அப்துர் ராஸிக் என்ற பொறுப்பாளரை, +91 98945 55166 என்ற எண்ணில் தொடர்புகொண்டு, பயணம் - உணவுக்கான மொத்த கட்டணமாக ரூ.200 செலுத்தி, பெயர் பதிவு செய்துகொள்வதோடு, அனுமதிச் சீட்டையும் பெற்றுக்கொள்ளலாம்.
பேருந்து 23.01.2016 அன்று (நாளை) மாலை அஸ்ர் தொழுகைக்குப் பின் தாயிம்பள்ளி அருகிலிருந்து புறப்படவுள்ளது.
இவ்வாறு இஜ்திமா பயண ஏற்பாட்டுக் குழுவினரால் தெரிவிக்கப்பட்டுள்ளது. |
